يابنااات من بعد ماكنت احب العطله عشان التجمعات ..صرت اكرهها والسبب!

بنات ودي افضفض لكم شوي
خاصه للي مو متزوجات عشان هم بيحسون فيني
احنا عايشين بالشرقيه لكن اهل امي وابوي بالرياض
ودايما باالاعياد والعطل على طول نسافر للرياض وهناك مشالله الجمعه كبيره وعزايم واستراحات
مومثل الشرقيه نادرا مايجتمعون
المهم انا اكبرر بنات خالاتي.. وبنات عماتي فيه وحده اكبر مني بكذا شهر وانا الثانيه
وكنا اذا سولفنا على الزواج اتكلم وكاني اول وحده بتتزوج لاني اكبرهم
ماكنت اتوقع اني بصير اخر وحده تتزوج من بينهم ولا كان ماقلته

وسبحان الله بعد كذا سنه صرت اسمع وحده انخطبت والثانيه تملكت
يعني احنا كثار حوالي 12 وحده ومشالله عليهم الي مخطبوبه والي متملكه

وكان عندي عادي ولا فكرت بالزواج بس لما صرنا نجتمع مع اني فرفوشه واحب الضحك
وماحب الزعل صرت اتحسس من كلامهم بقولكم بعض الكلام الي قالوه وشوفوا هو يزعل
ولا انا صرت حساسه ؟!!

مره كنا احنا وبنات خالاتي مجتمعين ونسولف عن الخطبه
قامت قالت بنت خالتي فلان خطبني ورفضت لانه لاشكل ووظيفته مش ولا بد
واخلاقه عاديه عشان كذا رفضته
قامت قالت بنت خالتي الثانيه حتى انا لوجاني برفضه
قمت قلت والله انكم صادقين لوجاني برفضه حتى انا
قاموا قالوا لوجااك نعمه وزين انه يجيك وافقي عليه
( هنا حسيت انهم مستقليني ومتصغريني وانه ماراح يجيني احد اوماراح يجيني واحد
زي العالم والناس عشان كذا قالوا هالكلام)
وبنات خالتي مشالله الاولى انخطبت سبع مرات والثامن وافقت عليه والثانيه انخطبت مرتين والثالث
وافقت عليه
انا شكلي حليو بس هم مشالله ملكات جمال يمكن عشان كذا مستقليني

ومره كانوا يتكلمون عن القبايل قالت وحده انا مستحيل اتزوج من القبيله الفلانيه
بس القبيله العلانيه عادي اوافق عليهم
قمت قلت انا ( والله احس نفسي مسكينه ومثل الاطرش بالزفه اذا تكلموا عن الخطبه وعن
مواقفهم ) المهم قمت انا وقلت رأيي مثلهم ..قلت انا ماراح اتزوج من قبيله فلان وكذا مثل ماقالوا
قاموا قالوا انتي زين لو احد جاك من اي قبيله
ودايما يقولون البنات الي تملكت والي انخطبت وانتي مثل ماأنتي ماتحركتي من مكانك

مدري ليش مستقليني قمت احس اني مو مثل اول كنت واثقه من نفسي
ودايما اسولف هالحين صرت اسكت اذا صاروا يتكلمون

على اني في ماكنت افكر بالزواج ومهتمه فيه بس هم حسسوني بكذا
لو فيه وحده ولا ثنتين لسى مانخطبوا كان جلست معاهم وعادي
بس هم مشاالله حتى الي بالثانوي انحجزوا صرت اذا تكلموا عن الخطب رحت العب
مع البزران الي بالابتدائي :(
الفتره الي راح كله مع البنات الصغار اسولف معهم والعب معهم
جت امي قالت روحي مع البنات الي كبرك قلت هنا انبسط اكثر

اسفه بس حبيت افضفض