تسلمون حبيباتي على ردودكم

بالنسبة للي قالوا خذي حد معاج..

فأمي بتكون معي..يعني أنا وأمي..
بس ترى حتى أمي أول مرة يمر عليها هذا الموقف
وأنا عارفة أمي...خجولة..وبتكون ساكتة..
ما أقولكم اني أنا الجريئة..بس أنا أحب أسأل وأتعلم..
لاتستغربون اذا قلت لكم ان أمي تستعين فيني في بعض الشغلات..
وأتوقع بسويها معي هذي المرة..
يعني بتعتمد علي....

وطبعا الأشياء اللي بتفيدوني فيها
بقولها حق أمي....
عشان نتساعد احنا الثنتين....

أتمنى من البقية يفيدونا..............

لي خبره هههههههههه بس باسألك اولا وجاوبي عشان اقدر اساعدك اكثر
انتي تعرفين الناس الي بيتروحين لهم او لا ؟
سواء عرفتيهم او لا !
خذي معاك صينيه فطائر او حلا من اي مطعم او مخبز (الانطباع الاول مهم كذه بتعطينهم انطباع انكم اهل جود وكرم وذوق ومافيها خساره حتى لو ما صار نصيب)
كوني انت وامك على طبيعتكم من ناحيه اللبس والمظهر وانتبهو من تعابير وجيهكم في حال البنت ماناسبتكم وانتبهي من الحركه السخيفه الي يسويها البعض (المشاوره والهمس بينكم مرفووووض قدام الناس ) اي شور او نقد او تعليق بعدين في بيتكم خلوكم رزينين قدام الناس وانتم المستفيدين .(السمعه)
انتبهي لشيء اسمه الجدارن لها اذان(هههههههه) يعني اذا انت وامك تركوكم لوحدكم في مجلس النساء لا نقاش ولا تعليق عن بيت الناس او بنتهم او حتى عن اخوك او ايش يبي في عروس احلامه ههههههههههه
_________
تقدرين تقولين للناس بعد ما تعرفينهم بنفسك وبامك ان عندك اخو يبغى يتزوج وانك سمعت عن فلانه بانتهم (قوليلهم الحقيقه اذا احد مدحها او رشحها او من وين تعرفين عنها)
وانك تبغين تشوفينها وتتعرفين عليها ان كانت مناسبه لاخوك ونصيحه اذا تعرفين الناس او ماتعرفينهم انصحك الاتصال الهاتفي اولا لتحديد موعد مع ام البنت انكم جايين لها السبب .
عشان البنت وامها يحتاطون ويمكن البنت ماتبي تتزوج نهائي فماتتعبون نفسكم
__________
الاسأله الي اتوقعها بيسألونكم عنها:
اسم اخوك وعمره وايش وضيفته وكم راتبه؟
ممكن اسأله دينيه (يصلي؟ يدخن؟ كيف تعامله وياكم ؟
ممكن يسألون ايش مواصفات البنت الي يبغاها؟ (انا سويت في اهل زوجي كذه هههههههههه)
ممكن يسألون عن اسامي اصحبه او عن مكان بيتكم عشان يسهل عليهم سؤال الجيران عنه وعنكم بعد
ممكن تكون اسأله شخصيه مثل هل هو عصبي؟ هادي اجتماعي او لا؟....

shanar

اختي الله يجزاك ألف خير
نبهتيني على أشياء كثيرة
ومنها الاتصال..والله شي مهم...
بس وش نقولهم في الاتصال(احنا جايين نخطب بنتكم)!!

وعن سؤالج احنا نعرفهم؟
لأ...مانعرفهم

اول شي الله يقدم اللي فيه الخير
وبعدين يستحسن انك تعطينهم خبر بمكالمة قبل ما تزورونهم ,,, وتقوليلهم لنا رغبة بالقرب منكم وودنا نزوركم ,, ونتعرف على بعض , وهذا راح يهون عليك المهمة اذا رحتوا لهم .
الحين جاء وقت الزيارة... حاولي ما تكثرين النظر لبيتهم وايش حاطين وايش ما حطوا, وسولفي معهم سواليف سطحية واذا ما جات البنت اسالي عنها , ولازم تقولين بالمكالمة الهاتفية بنشوفكم ونشوف البنت و نتعرف عليكم.(علشان يفهمون ويخلون بنتهم تسلم عليكم اذا زرتوهم)
واذا جات البنت اساليها عن دراستها او وظيفتها واهتماماتها علشان تطالعين فيها بدون ما تحريجيها
اذا اعجبتكم وارتحتوا لهم , قولي لام البنت بينا اتصال ان شاء الله ,, وقولوا لهم وانتم جالسين عندهم اسالوا اللي تبغون عن الولد (اللي هو اخوك)
وخلي اخوك يزورهم علشان يشوفها النظرة الشرعية
الله يوفقكم لما فيه الخير

أحسن شيء ماتأخذين شيء معك

لأنها زيارة رسمية

وكوني على طبيعتك وخلك هادئة

ولما تجي البنت حاولي ماتركزين عليها لكن اساليها وخليها تجاوب عشان تسمعين صوتها وشكلها لما تتكلم وتبتسم

وعلموها إنكم جايين عشان هذا الموضوع وترى لازااااااااااااااااام تعرفون وتسألون عنهم قبل ماتروحون لهم مب هم يسألون ويوافقون وبعدين تعرفون عنهم شيء وتبطلون