يا الله وين كنتم من فتره انا والله رحت وخطبت حق اخوي ولا تجرات انزل سؤال ما ادري يمكن كنت خايفه بس الحمد لله تم كل شي على خير خطبت واخذت موعد بالتليفون وراحت انا وامي وشفنها وعجبنتا الحمد لله بس الى الحين ما ردو علينا
الله يكتب الي فيه الخير
ادعو يا بنات ان الله يوفق اخوي ويسهل عليه يارب

بصراحه رانا انحطيت في موقف زي كذا اصر اخوي الا اروح اشوف اخت صاحبه اخوي ملتزم وصاحبه قاله عن اخته انها ملتزمه
فقالي انتي روحي اول وشوفيها اذا طلعت زينه نكلم امي ونرووح سوى وبعد الحاح اخوي كلمت امها بالتلفون بس ما حاولت اقلها اننا جاين نخطب خفت البنت ماتكون على مزاج اخوي
فقلت لها نبغى نتعرف عليكم انتي والبنات وحابه اجي ولا حددت لها اي بنت انا جمعت قلت البنات علشان ماتقول جت تخطب فلانه
المهم خذيت معاي وحده من بنات الجيران لها صله فيهم ورحت لهم عصرية وخذيت معاي طبق
وسولفنا سوالف عادي وقبل مانطلع بربع ساعه دخلت بنتها كاشخه مشالله عليها وحليوه ماعليها الله يرزقها بالزوج الصالح . وقالت لنا السلام عليكم وسلمت علينا وشالت كم صحن من قدامنا وحطت صينيه فطاير وطلعت ولا عاد شفتها. بصراحه ماشفتها زين ولا تكلمت معها ولا قدرت احكم عليها وقلت لامها وين بنتك ماقعدت معانا قالت تستحي. وبعد طلعنا
سالني اخوي وقلت بصراحه ما اقدر افيدك البنت مافيها شي بس ماشفتها زين ولا تكلمت معاها ما اقدر احكم عليها
وبعدها نسينا الموضوع وحرمت احط نفسي في مثل هالمواقف لان حرام اخاف اظلم بنت الناس او اخذ ذنبها واخوي يقولي لاتقولي لهم انك تبغين تخطبين.. ؟؟؟؟؟اي اشلون اخلي البنت تقعد عشان اشوفها وانا ماقلت لهم اني جاية اشوفها عشان اشوف تصلح لاخوي ولا لا؟؟

انا رحت اخطب لاخوى بما ان امى اذا راحت ماتعرفهم تستحي منهم طبعا اول شئ تتصلين تحددين موعد وبعدها تتصلين تتاكدين من الموعد وعنوان البيت اذا ماتعرفون عنوانو
بصررراحه المفروض ماتاخذين شئ معك لانها اول مره يعنى مثل تعارف يمكن البنت ماتعجبكم ولما تشوف الهدية يشطح تفكيرها وتتعب مجرد راي وانتى سوى اللى تبغين
وبعد الثانى لا اخذنا هديه بس كنا نعرفهم ومعزمين على الموضوع
اولا بيستقبلونكم سلموا عليهم وبعد وشخباركم كيفكم<<< لاياشيخه خخخخخ
وبعدها بيسالونكم وش تشربون ومن هالخرابيط يعنى بعد ماتتقهون قولوا والله حنا عندنا ولد وكنا ندور له وسمعنا عن بنتكم يتمدحونها ومن هالكلام اكيد بيقولون لكم الله يسلمكم ومن ذوقكم بس من مين سمعتوا عاد اذا تبغون تحددون الشخص قولوا لهم او تقولون البنت الطيبه واللى ذكر اهلها طيب كلن يمدح ويحكى فيها عرفتى ..
عاد هم بيسالونكم عن اخوك قولى لهم كل شئ عنه وظيفته عمره يصلي يدخن معلومات عنه وعن مكان عمله اصحابه انتم من وين زى كذا هم اكيد بيسالون وش مواصفات البنت اللي يبغاها عاد انتم لاتحددون يمكن المواصفات ماهى في بنتهم يتحيرون الناس حرام وبعدها اسالوهم انتم ممكن الله يعافيكم نبغي نسلم على فلانه وهم بينادونها طبعا حرام البنت بتجى مكسوفه مو تخزونها لا سوى مثلى العالم تحكى وانا وجهى للام وعيونى على جنب تناظر البنت حرام فصمتها ماشاء الله علي لانى اعرف خوانى مايرضون الا باللى بروسهم وطبعا اذا طلعوا وخلكم بلحالكم مع امك لاتحكون شئ ترى ماتدرين من وين العالم تسمعك حتى لو مساسر وقدام الناس لاتوشوشون بينكم عشان مايتضايقون
والله يكتب لاخوك اللى فيه الخير ويسعدكم

واحات انا اذا بروح اخطب لاخوانى واخذ موعد مااحدد انى جايه اخطب اصلن اعطيهم خبر انه مجرد تعارف صار نصيب كسبنا نسبهم واذا ماصار نصيب كسبنا معرفتهم ماقد قلت ابد انى جايها اخطب

ورورد مبعثرة
الله يوفق أخوج ويسعده

واحات
شكرا على المشاركة
بس زي ماقالت (لاميتة)كان لازم تعطينهم خبر
يمكن يحصل نصيب..ماتدرين..والله يوفق أخوج..

لاميتة
تسلمين حبيبتي على المشاركة
(مجرد تعارف..اذا صار نصيب كسبنا نسبكم..واذا ما صار نصيب كسبنا معرفتكم)
أسلوب راااااااااااائع