يابنات احذروا ترى شعوركم تنعدم

السلام عليكم ورحمه الله وبركاته
مالكم بالطويله باحكي لكم قصتي انا كان شعري جنان طول وكثافه وكنت مره مبسوطه فيه اسوي تسريحات وانا رايحه المدرسه يعني مو مره بس احب ارتب نفسي المهم شفت وحده من قريباتي شعرها اسود وناعم طالع عليها جنان سألتها صابغه قالت لا اعشاب المتميزه كول والله اصحي الصبح وشعري ناعم بس امشط واروح المدرسه لا ستشوار ولا شي انا اعجبتني الفكره وانا شعري ناعم مره بس فيه شيب قلت خليني اغير الوك وايصير شعري شعر فلبينيه طماعه وقلت واسوي لبناتي شعورهم مومره ناعمه المهم اشتريت من الاخت وسويت النتيجه رائعه ماغطت الشيب مره بس شعري صار واقف وشعر فلبينيه وبناتي مره نعمت بس صار اسود مع اني اخذت لون بني بس طلع اسود وتقول الاسود يعطي لون فحم يعني اسود مره المهم اعجبني وبنتي الكبيره بعد تقريبا 7شهور قالت لي ماما طلع شعري الاصلي سوي لي قمت اشتريت كميه وسويت لنا كلنا وبعد 4 شهور الله لايوريكم شعري صار يطيح بشكل مرعب انام واصحى والمخده شي ماتتخيلون اتحمم ويتساقط والله يسد البلاعه واشيله ويسد يمكن ثلاث او اربع مرات ومشط يطيح حتى من غير تمشيط يطيح شي المكان الي اجلس فيه يمتلي شعري كل الي حولي لاحظو التساقط تقريبا من شهر 7 العام في رمظان قصيته قصير الكوفيره تقول لي انتي حاطه حنه سوداء قلت لا قالت انا اعرف انتي مالك لا ثلاثه شهور حاطه منها وانا صار لي خمسه شهور وتقول تعدم الشعر وشعرك مره يتساقط يوم مشطت الا الشعر يطيح شي قالت شعرك انعدم هذي خلته ثقيل يطيح مره لانه يطيح من جذوره قالت لي شوفي يطيح من جذوره الله يعينك المهم شعري صار شعرتين يخوف وكل اي يعرفني يقول مره تغيرتي اقري على نفسك شعرك راح نفسيتي تعبانه جمال المراه شعرها وانا راح شعري ونعدم صار فرغات وشعرتين يخوف على فكره بناتي يتساقط بس مو مثلي انعدم يمكن لانهم لسى صغار تتحمل شعورهم بس فيه تساقط وتتكسر حتى هم لاحظوا ان شعورهم انعدمت بس موزي انا انعدم مره مره يابنات الحين انا مومتاكده ان تلف شعري من العشبه ولا شي ثاني يمكن عين مادري والله بس الكوفيره قالت العشبه تعدم الشعر وتخربه وطيحه وتحرقه قالت انتي جنيتي على شعرك قلت مافيها حديده قالت جيبيها وانا اعرف اذا فيها ولا لا جبتها قالت ياحبيبتي هذي الحنه السوداء وفيها حديده قلت عشبه هنديه قالت لا ياقلبي ان خبره بالشعر 17 سنه اعرف وحلفت لي ان فيها حديده اه اه ندمانه والله بس ربي يعوظني ويرد شعري زي ماكان ونا زي ماقلت لكم ماني متاكده وش سبب تساقط شعري رحت المستشفى سويت تحاليل وطلعت النتيجه سليمه الحمد الله لا غده ولا سكر ولا فقر دم ماني عارفه وش الحل التساقط ما وقف والشعر مافيه ماباقي غير الشعرتين الله يثبتها الله يخليكم الي عندها حل لي تقولي دكتوره علاج شامبو اي شي لا تبخل على جزاها الله خير