صادقه والله

فعلاا اهما كانوا غير

لاان التربية كانت غير

والظرف كانت غير

ام ميثا

رجعت بس عشان اقولج

حاسبي على كل كلمة تقولينها

هذي امج

لو تذبحج تبقى امج


لاا تقولين شيئ تندمين عليه بعدين

ماعندي كلام ازيد فيه البنات كفؤ ووفو0ماعندي الا ابيات هالشعر اهديها لماما وماماتكم كمان0000
لو النجمات تسكب نورها اماه شلا لا *** كل حناجر الاطيار لو غنتك موالا
ماوفتكى يااماه ماوفتكى مثقالا
وتبتسمين رغم المر تحتسبينه اجرا **** لما الصبر مل الصبر قلتى له انا صبر ا
حنانك انها الايام ان كادت لتنسينا *** طفولتنا مع الاحباب حبا ماخلا فينا
فذرينا وضمينا فذرينا وضمينا **** نعود اليك اطفالا اطفالا0

انمي
و عسولة

أمي مالي أم غيرها وجدتي طبعاً اللي أحبها أكثر من أمي البيولوجية وخاصة بعد ما كبرت ويبت العيال بديت أقارن بيني وبينها والكل يشهد اني وأختي الثانية المتزجة من أصبحنا أمهات لليوم محد لمس عيالنا ولا غبنا عن عيالنا لحظة ويشهد الله أننا نحاول بكل ما أوتينا من قوة أن نصون أمانة رب العالمين

و(الأم مب يابت الأم من ربت)

وأنا يايية من بيت ربيت فيه نفسي بنفسي والله لولا خوفي من الله جان ضعت من زمان .... شو تتوقعون من تربية البشاكير !

أنا عتبي على الأهل الآباء اللي انشغلوا بس بالماديات والأمهات اللي تبعوا أزواجهم وعقوا مسؤلياتهم من تربية وتنشئة

كل الحريم يولدون العيال ولكن مب كلهم يربون هالعيال ويحافظون عليهم


ونصيحتي لكل أم:
اتقي الله ....
ما فيه داعي تبلشين العيال وياج إن ما كنتي قد مسؤلية تربيتهم لا تيبينهم أحسن.... وأبداً ما يكفي انج خلفتيهم ونسيتيهم عشان يحترمونج ويحبونج وهم أساساً ما يحسون بوجودج ولا دورج في حياتهم !

اذا اختفت التكنولوجيا من حياتنا

واختفت المطاعم الي في كل شبر ولا توصيل سريع ومجاني

ولا عاد فيه اندونيسيا والفلبين والهند وسيلان

ولاعاد فيه ابكمل دراستي وما ابي اعرس الحين

والرجال يطلع من فجر الله ولا يرجع الا منهد حيله من الشغل ويصلي العشاء ويلف راسه وينام

ولا يقعد على الانترنت والتلفزيون ويطالع هالخرابيط ويخلي الحرمه تغلي وهي ساكته
نرجع مثل اهلنا ان شاء الله