تدرين انا نقلت هالموضوع شفهيا لاجتماع اهلي وبدينا مناقشته بحضور امي..تدرين وش توصلنا له...
زمان اول كله تغير مو بس بشخصية الام لا حتى بالظروف ........بالاضافة الى ماذكرته الاخت الباب المفتوح ....تقول امي..اول الراي كله لام الزوج وهي اللي تحكم مرت الولد وكانوا يقعدون ببيت واحد غالبا ومرت الولد لازم تكون سنعة وظفرة ولا طاحت من العين وصارت علكه بحلوق خلق الله........اول عندهم المراة تتعلم كل شئ واذا جت ام 12 تقريبا تكون فاهمة كل شئ من خياطة وطبخ وقرص القرصان اللي ياويلك لو طلع في عيب.....اول عندهم تمسك قوي بالدين بالصلوات...يعني حتى اطفالهم يحافظون على الصلاة يمكن من الخوف من الضرب او حياء من الناس....الام عموما تمر باجيال اولا بنت ثم زوجة ابن محكومة ثم ام زوج حاكمة للبيت ...وكانت مع ذلك وغالبا راضية لان كل اللي حولها كذا واللي في عمرها كذا ماعندنا مثل هالحين غيرة وانا لازم اكون احسن من فلانه وفلانه وش زودها علي...لا....كانوا كلهم تقريبا في مستوى معيشي واحد وخصوصا العائلة الواحدة.....زمان اول فيه اشياء حلوة ومن صالحهم وفيه اشياء سيئه جدا ......يعني امي تذكر لنا ان زوجات الابناء يلبسون نفس اللبس يعني ام الزوج تشتري لهم طاقه كاملة تفصلها لحريم عيالها كلهم...اول زوجة الولد مدقومة ...يعني ماتقدر تسوي شئ ابد حتى اذا تبي تروح لاهلها ما تشاور زوجها لا تشاور ابو زوجها او امه...ويمكن هالشئ يخلي الغيرة معدومة بين حريم العيال يمكن لكن هذا لاينكر وجود غيرة بسيطة عندهم....بعدين فيه نقطه لصالحهم ..اذا كان عندهم اجتماع او عزيمة ماعندهم استعدادتنا لا..كانوا حتى المعزومين من الاقارب يدخلون معها للمطبخ ويقطعون معها البصل ويغسلون معها ويجهزون كل شئ حتى بعد الغداء ولما يخلصون يجيبون الشاي والقهوة ويقعدون يتقهوون ويسولفون ومايروحون الا العشاء وهم جايين قبل الظهر.....بالله عليكم فيه احد يسوي كذا في هالزمن..يعني حتى هم مايهتمون بلبسهم وبلبس عيالهم الحين خلاص لازم انتي وعيالك على سنقة عشرة...
اول المراة قوية ...قوية يا بهواها او غصب عليها.......الحين البنت مدلعة واذا تبي شئ لازم ينفذ ولا تصك هالدميعات ويالله تبشر سينفذ طلبها.......المرا اول اخت رجال...الحين للاسف...طبعا انا مااعمم لكن هناك امهات الان يستحقون تحية شكر ...
حتى الرجال شملهم التغيير .........لكن بما انك خصصت الامهات ...فالحديث عنهم اخص خصوصا ومن وجهة نظري انها تؤثر في الابناء والتربية اكثر بحكم قربها منهم ...
انا اعتقد بالاضافة لما سبق ..ان التربية لها دور كبير...
فيه عندي حكي كثير ....ونقاط كثيرة ...لعلي ارجع لها لاحقا....
ابلغك تحيات امي وشكرها لك على هالموضوع الحلو....
ابلغك تحيات امي وشكرها لك على هالموضوع الحلو....
ياااااه ذكرتيني بكلام بعض الرجاجيل اللي يسد النفس ما عندهم الا الاولين وحريم الاولين
على العموم كلامك فيه جانب كبير من الصحة الا اني ما اتفق معك في بعض الامور :
- اول شي التعميم اللي دايما نطيح فيه في كلامنا ، مثلا تقولين حريم اليوم دلوعات وشكايات وماينشد فيهم الظهر ، بالعكس يمكن انتي تشوفين الحريم اللي حولك او تحسين ان الموجودين في النت والمنتدى كلهم كذا من كلامهم ، بس لو دققتي اكثر وخليتي نظرتك شاملة بتشوفين حريم كثيرين يصرفون على بيوتهم سواء متزوجات او غير متزوجات ( وركزي على كلمة متزوجات ) ، وبتشوفين كم نموذج من سيدات الاعمال الموجودين الحين حققوا نجاحات كبيرة ، وغير الدكتورات واستاذات الجامعة والصحفيات والمعلمات القديرات ، فيه نماذج كبيرة كافحت واشتغلت الين صار لهم مكانة ويغارون منهم حتى الرجال ، وحتى لو ما اشتغلوا حريم اليوم وقعدوا في البيت تلقين حريم كثير صابرين على احوال ازواجهم المادية وتساعده على الحياة لو كانت مساعدة معنوية او انها توفر وتستغني عن بعض الاشياء مثلا تسكن مع اهله سنين طويلة لو في غرفتين بس الين يصير لهم بيت وتتحمل كل شي ، او تستغني عن الخدامة وتدير بيت كامل فيه جيش من الناس لحالها وتسوي عزايم بعد ! كل هذي تعتبر تضحيات واشياء كثيرة يسوونها حريم اليوم يمكن ما احد يدري عنها لانهم قاعدين في بيوتهم ولا ندري حنا وش اللي يصير . .
- وثاني شي لما تكلمتي عن ان حريم اليوم ما تجيب الولد الا بعد ما دخل الولد الاخير المدرسة وهذا الكلام فيه مبالغة كبيرة ونفس الشي ما يصير نعمم الفكرة على الجميع ، لأن الشي هذا بالذات يدخل فيه اشياء كثيرة ما نعرف اسبابها منها ارادة رب العالمين وهي فوق كل شيء ، ويمكن زوج الحرمة هذي ما يحب العيال او ما يبغاهم فوق بعض ، وزي ما قلت لو وسعنا نظرتنا بنشوف حريم كثير جابوا عيالهم فوق بعض وبرغبتهم او يمكن اجباري مثلا تكون تزوجت متأخرة وتبي تلحق تجيب لها كم ولد قبل فوات الاوان وهذي تصير كثير في زمننا الحين ، وبعدين لا تنسين ان الزمن الحين تغير ، وصار أصعب ومتطلبات الحياة أكثر ، وعشان كذا دخل البيت لازم يكون أكثر وطالما ان الحرمة فضلت انها تكمل دراستها سواء قبل او بعد الزواج وتتوظف لابد أن يترتب على هذا سلبيات وتقصير في جانب من جوانب الحياة ، لان ما يصير ان نطالب الحرمة بأنها تكون سوبر حرمة ! وما تقصر في شي ، البيوت كبرت بعد الطفرة ولازم فيه خدامة ، عشان تتفرغ الزوجة لعيالها ولزوجها اللي هو الاهم وقبل كل شيء ، لا تنسين اننا في عصر الفضائيات وكثرت المشاكل بين الازواج بسبب انه يشوف الاحلى والانعم والافضل من زوجته ! فهل كانت هذي المشاكل والضغوط موجودة عند الاولين ؟ اكيد لأ لأن حياتهم كانت بسيطة بكل معنى الكلمة
- الاكل الصحي وقوة التحمل والصبر والمجهود البدني الشاق بالنسبة لحريم الاولين هذا شي انا أأيدك فيه ، اما من ناحية انهم معلوماتهم افضل أو دينهم أحسن فهذا شي مختلف عليه لأن كل حرمة ولها رصيدها من العلم والمعرفة ، ولا تنسين انه كان فيه منكرات وامور كثيرة كانوا يسوونها حريم اول بسبب الجهل مثل ذهاب بعضهم للمشعوذين وفيه معتقدات كثيرة غلط وغريبة كانوا يؤمنون فيها .
في نهاية كلامي اللي طولت فيه كنت اتمنى انك ما سويتي مقارنة بين حريم الاولين وحريم هذا الوقت نظرا لأنه الزمن والاوضاع كلها تغيرت ولا يمكن يرجع الزمان مثل اول ، وياليتك تكلمتي في المقابل عن الرجال اليوم وكيف البعض منهم يظلم الحرمة ظلم كبير ، إما بالخيانة ، او الاستيلاء على اموالها ورواتبها بالاكراه ، او الظلم المعنوي بالاحتقار والاستهزاء - وهذا مظاهره كثيرة - ، او حتى بأشياء صغيرة لكنها مؤثرة كأن يهددها بالزواج عليها أو الطلاق على أتفه الأسباب ، أو العجز والكسل وعدم تلبية متطلباتها ، أو الإهمال للبيت ولعياله ،أو تفضيل أهله عليها هذا إذا تجاوزنا المشاكل الكبيرة والقضايا الرئيسية اللي تدخل في الدين كترك الصلاة أو الزنا أو شرب الخمر والعياذ بالله ، باختصار نجد أغلب الرجال لايعرف كيف يتعامل مع المرأة التعامل الصح ، تلقينه يعاملها زي واحد من الشلة ! ، وهذي هي المشكلة اللي بسببها تعاني نساء كثيرات ، ياليتنا نتكلم عن هالموضوع ونخليه فضفضة للحريم بدل ما نفتح على نفسنا باب حريم الاولين وحريم اليوم ونخلي الرجال او أي احد يزور المنتدى من خارج المملكة ياخذ فكرة غلط عن الحريم
كلمة اوجهها لامي ولجدتي : الله يخليك لنا ويطول في عمرك ومهما قلت او فعلت فلن اوفيك حقك العظيم .
على العموم كلامك فيه جانب كبير من الصحة الا اني ما اتفق معك في بعض الامور :
- اول شي التعميم اللي دايما نطيح فيه في كلامنا ، مثلا تقولين حريم اليوم دلوعات وشكايات وماينشد فيهم الظهر ، بالعكس يمكن انتي تشوفين الحريم اللي حولك او تحسين ان الموجودين في النت والمنتدى كلهم كذا من كلامهم ، بس لو دققتي اكثر وخليتي نظرتك شاملة بتشوفين حريم كثيرين يصرفون على بيوتهم سواء متزوجات او غير متزوجات ( وركزي على كلمة متزوجات ) ، وبتشوفين كم نموذج من سيدات الاعمال الموجودين الحين حققوا نجاحات كبيرة ، وغير الدكتورات واستاذات الجامعة والصحفيات والمعلمات القديرات ، فيه نماذج كبيرة كافحت واشتغلت الين صار لهم مكانة ويغارون منهم حتى الرجال ، وحتى لو ما اشتغلوا حريم اليوم وقعدوا في البيت تلقين حريم كثير صابرين على احوال ازواجهم المادية وتساعده على الحياة لو كانت مساعدة معنوية او انها توفر وتستغني عن بعض الاشياء مثلا تسكن مع اهله سنين طويلة لو في غرفتين بس الين يصير لهم بيت وتتحمل كل شي ، او تستغني عن الخدامة وتدير بيت كامل فيه جيش من الناس لحالها وتسوي عزايم بعد ! كل هذي تعتبر تضحيات واشياء كثيرة يسوونها حريم اليوم يمكن ما احد يدري عنها لانهم قاعدين في بيوتهم ولا ندري حنا وش اللي يصير . .
- وثاني شي لما تكلمتي عن ان حريم اليوم ما تجيب الولد الا بعد ما دخل الولد الاخير المدرسة وهذا الكلام فيه مبالغة كبيرة ونفس الشي ما يصير نعمم الفكرة على الجميع ، لأن الشي هذا بالذات يدخل فيه اشياء كثيرة ما نعرف اسبابها منها ارادة رب العالمين وهي فوق كل شيء ، ويمكن زوج الحرمة هذي ما يحب العيال او ما يبغاهم فوق بعض ، وزي ما قلت لو وسعنا نظرتنا بنشوف حريم كثير جابوا عيالهم فوق بعض وبرغبتهم او يمكن اجباري مثلا تكون تزوجت متأخرة وتبي تلحق تجيب لها كم ولد قبل فوات الاوان وهذي تصير كثير في زمننا الحين ، وبعدين لا تنسين ان الزمن الحين تغير ، وصار أصعب ومتطلبات الحياة أكثر ، وعشان كذا دخل البيت لازم يكون أكثر وطالما ان الحرمة فضلت انها تكمل دراستها سواء قبل او بعد الزواج وتتوظف لابد أن يترتب على هذا سلبيات وتقصير في جانب من جوانب الحياة ، لان ما يصير ان نطالب الحرمة بأنها تكون سوبر حرمة ! وما تقصر في شي ، البيوت كبرت بعد الطفرة ولازم فيه خدامة ، عشان تتفرغ الزوجة لعيالها ولزوجها اللي هو الاهم وقبل كل شيء ، لا تنسين اننا في عصر الفضائيات وكثرت المشاكل بين الازواج بسبب انه يشوف الاحلى والانعم والافضل من زوجته ! فهل كانت هذي المشاكل والضغوط موجودة عند الاولين ؟ اكيد لأ لأن حياتهم كانت بسيطة بكل معنى الكلمة
- الاكل الصحي وقوة التحمل والصبر والمجهود البدني الشاق بالنسبة لحريم الاولين هذا شي انا أأيدك فيه ، اما من ناحية انهم معلوماتهم افضل أو دينهم أحسن فهذا شي مختلف عليه لأن كل حرمة ولها رصيدها من العلم والمعرفة ، ولا تنسين انه كان فيه منكرات وامور كثيرة كانوا يسوونها حريم اول بسبب الجهل مثل ذهاب بعضهم للمشعوذين وفيه معتقدات كثيرة غلط وغريبة كانوا يؤمنون فيها .
في نهاية كلامي اللي طولت فيه كنت اتمنى انك ما سويتي مقارنة بين حريم الاولين وحريم هذا الوقت نظرا لأنه الزمن والاوضاع كلها تغيرت ولا يمكن يرجع الزمان مثل اول ، وياليتك تكلمتي في المقابل عن الرجال اليوم وكيف البعض منهم يظلم الحرمة ظلم كبير ، إما بالخيانة ، او الاستيلاء على اموالها ورواتبها بالاكراه ، او الظلم المعنوي بالاحتقار والاستهزاء - وهذا مظاهره كثيرة - ، او حتى بأشياء صغيرة لكنها مؤثرة كأن يهددها بالزواج عليها أو الطلاق على أتفه الأسباب ، أو العجز والكسل وعدم تلبية متطلباتها ، أو الإهمال للبيت ولعياله ،أو تفضيل أهله عليها هذا إذا تجاوزنا المشاكل الكبيرة والقضايا الرئيسية اللي تدخل في الدين كترك الصلاة أو الزنا أو شرب الخمر والعياذ بالله ، باختصار نجد أغلب الرجال لايعرف كيف يتعامل مع المرأة التعامل الصح ، تلقينه يعاملها زي واحد من الشلة ! ، وهذي هي المشكلة اللي بسببها تعاني نساء كثيرات ، ياليتنا نتكلم عن هالموضوع ونخليه فضفضة للحريم بدل ما نفتح على نفسنا باب حريم الاولين وحريم اليوم ونخلي الرجال او أي احد يزور المنتدى من خارج المملكة ياخذ فكرة غلط عن الحريم
كلمة اوجهها لامي ولجدتي : الله يخليك لنا ويطول في عمرك ومهما قلت او فعلت فلن اوفيك حقك العظيم .
الصفحة الأخيرة
جعله الله في ميزان حسناتكم