يابنات الجبيل الصناعية ؟؟؟؟؟؟؟؟وينكم

بنات كلنا نعرف أن الجبيل الصناعية مدينة جميلة ومرتبة ونظيفة
لكنها في نفس الوقت
غريبة عجيبة هدوء فضيع غير طبيعي للدرجة إني اشك إن ساكن فيها احد

بختصار انا من مواليد الخبر عشت وترعرعت فيها .........حلوة ترعرعت مدري شلون طلعت
المهم كتب لي إني اتزوج واعيش في الجبيل اول سنة عدت كنت مشغولة في الدراسة وبعد ما تخرجت انشغلت بالحمل والولادة والحين والله لا شغلة ولا مشغلة غير نوم واكل حتى بنتي ياعمري تقطع القلب عمرها سنة ونص تجلس تبكي من الزهق لين يجي ابوها من العمل ويطلعنا المشكلة نطلع ما نلقى احد مع إن الكرنيش مافي مثلة والمراجيح فاضية الله يخلي كورنيش الخبر إلي ماتلقين مكان تقعدين فية والمراجيح ماغير هواش عليها

المكان الوحيد إلي القى الناس فية هو مستشفى المانع حتى والله إن بنتي تستانس إذا رحنا للمستشفى عشان تشوف الأطفال وتلعب معاهم

بصراحة كرهت اطلع لأن الجنة من غير ناس ما تنداس

بتقولون ليه ماتعرفتي على الجيران ؟؟
الجيران بديت اتعرف لكن مشكلتهم مع ها الشفتات دومات ازواجهم عفسه وشفتات و وزوجي دوامه عادي صباح لين العصر وإلي حالهم تسمح كبار ومش من سني يعني التفاهم بينا صعب

والحين ما اصدق انا وبنتي متى يجي الأربعاء ونروح للأهلي وإذا جات الجمعة يضيق صدري واجلس ابكي وحنا راجعين

يعني ما فية حل غير إني اتوظف حتى لو في روضة واخلي بنتي بعد تستانس في الحضانة بس والله ما اعرف شي في الجبيل

الله يسعدكم يابنات الجبيل إلي تعرف مدارس اهلية او روضات يبون مدرسات وتكون في الصناعية لا تبخل علي وتساعدني ولها مني دعوة في كل صلاة