يابنات الحقو علي بنتي بتجنني… .

مرحبا يا خواتي عندي بنتي داخله ثمان سنوات خبلت فيني كثيرة بكي كثيرة صراخ كثيرة طلبات اتكاليه وصخه بس تحوس تبي تطلع شبه يومي رحنا ثلاث ايام سفره ولعبو بالملاهي وبالاسواق والمولات وشرو لما شبعو وحنا راجعين وصلنا الديره ارتحنا شوي ورحت اجيب مريولها من الخياط وابوها نازل للصلاه وانا بالسياره وتبدا صياح طفشانه ودوني بسير يابنت اسكتي وش فيك انا مااحب الصوت العالي بسرعه اتنرفزوهي نقاقه درجه اولي وتستغل الفرص اذابوها نزل من السياره تبدا تلج وتصيح وتصارخ ياتبي تسير يم اهلي او تبي سوق وتطلع غصب اشيا تبيها او العاب مع انه ابوها كل فتره والثانيه يوديها تشري بصراحه جننتني وماتحب المدرسه غصب تداوم هي بثاني تدرس وسوت حركه اليوم كانت قبل امس غايبه وقالت اليوم بغيب قلت مافيه غياب وبلجه وصراخ لبست وهي تصيح ووديتها المدرسه مشي لانها قريبه قالت لا تاقفين لما ادخل يالله ادخلي معي وطبعا تكشش علي اني موديتها غصب وانا ادخل عند باب المدرسه وهي تعيي تدخل وادخل داخل الا العالم صافه طابور وهي تمسك بي قالتوالله ماادخل وتجي الاستاذه قالت اليوم نوزع هدايا يالله ياشاطره تعالي ادخلي قالت لها تكذبين طبعا انا برد وجهي بس وش اسوي وبعد جهد جهد ورحمه من الله مرت وحده من صفها شافتها قالت امشي معي وعيت قلت روحي والله لااشريلك كل شي واخليك تروحين تختارين اللي تبين … وبالغصيبه مشت طبعا ماادري تصرفي صح اني اوديها واشريلها وهي مسويه كذا او اطنشها لانها رافعه ضغطي… سبحان الله هالبنت من جبتها شقيه وكانت من يوم صغيره تلقب مجالس البيت العربيه وتسويهم جبل وهي صغيره وكل شي تحوسه وكبر وهي للحين كذا بس اللي يغثني كل شي تصيح عليه وكل يوم تبي تطلع وبس تصارخ وتقول طفشانه مع انه لها غرفه وهي واختها معها وكل وحده ايباد وتلفزيون شغال اربع وعشرين ساعه وبنات جيرانا يجو بين فتره والثانيه وابوها يمشيهم كل يوم والثاني بصراحه خبلت فيني وصرت انجبر اضربها والله لاضربتها تركض ركض وتسنع بس مااحب اضرب بس من اللجه صرت اضرب وش الحل… شورو علي المشكله تكبو وهي هي ماتغيرت:(