يابنات الفزعه الله يرحم والديكم ويرضى عليكم

السلام عليكم أختي أنا مريت بنفس الحالة وأعتقد ان اللي ينزل منج هو بوادر للاسقاط الصراحة أنا زعلت وايد يوم كنت في نفس الحالة بس الدكتورة قالت لي مادام الحمل ضعيف يعني هناك خلل في تركيب الجنين والأفضل انه ينزل لأن احتمالية كونه صحيح ومعافى وغير مشوه في حالة الحمل الضعيف تكون قليلة وتوكلت على ربي وكلها أسبوعين من بدء النزيف ونزل الجنين وطبعا الله عوضني بعدها وحملت في الشهر اللي بعده وجبت بنت أمورة عمرها الحين10شهور الله يبارك لي فيها وأنصحج في هذه الفترة بالراحة التامة والابتعاد عن أي مجهود والامتناع عن الجماع كليا وطبعا لاتنسين الراحة النفسية ترا لها دور كبير وتوكلي على الله واذا كان هذا الجنين من نصيبج فانشاءالله راح يثبت وتكملين حملج على خير وان كان مش من نصيبج فالله سيعوضج عنه ألف خير:27:

وعليكم السلام ورحمة الله وبركاته
الله يريح قلبك بالعافيه وينوره بالايمان وطاعة الرحمن
مشكوره يا أم شماء وفغلا والله اني تعبانه نفسيا شي مو معقول
بس والله اني ارتحت للمنتدى وقلت خلني افضفض عندكم يمكن ارتاح
وبالفعل انتي بداية الخير يا وجه الخير
اتمنى اني اعرف اخذتي ادويه والا كيف ؟؟

عزيزتي... لاتقلقين..

انا صار معاي مثل كذا..

رحت حللت وطلع هرمون الحمل مرتفع شوي..

وقالولي حامل.. بس انه موب مرتفع مرة.. يمكن اول اسبوع حمل!!!

المهم.. سافرت بعدها بيوم.. ووين رحت.. الطايف.. وبعدها مسكنا خط لجـــــدة...

ماجا الليل.. الا والدم ناااااااااااااااااااازل..

والله اني ارتعت..

بس اسبوع ونزل؟؟؟!!!!!!

بعده بـ 3 أيام رجعت الرياض ورحت افحص ، قالت لي الدكتورة ان الحمل اصلا ضعيف وموب كويس وكان بينزل على جميع الاحوال..

وسويت اشعة بعد ماخلص الدم عشان تتأكد ان مافيه اي بقايا بالرحم والحمدلله.. كان كل شي اوكيه..

طبعا.. صرت كأني حامل ومسقطة.. يعني الشهر اللي بعده ماكان فيه تبويض..

والافضل انك ماتحملين بعدها على طول..

واي سؤال انا بالخدمة..

أسفة للتدخل .
والله يا ام مشاعل انت مو حامل وبس لا طبيبة .
الله يحفظ شو يعني هرمون الحمل .؟
اول مرة اسمع فيه ..
بدي اسألك لما الوحدة تنزل بكم شهر حمل بتكون
يعني متى فترة الامان الي خلاص الحمل ثابت .
وكيف بكون حال الجسم قبل ما الوحدة تنزل هل بتحس بشيء في جسمها
وهل الدم كثير وشيء بخوف .
وكيف تصرفت.

عزيزتي اسلامية..

هرمون الحمل له تحليل خاص يبين لك اذا كنتي حامل او لا وبأي مرحلة من الحمل لانه يطلع بالارقام.. يعني هالتحليل ادق من التحليل العادي حق الحمل..

وعادة التسقيط يكون خلال الثلاث الشهور الاولى.. اكثر الحالات بالشهر الثاني.. واحيانا بالاول!!

اما الاعراض اللي جتني فهي.. مغـــــــــــص يشبه مغص الدورة..

والدم كان مثل دم الدورة بس انه كان غير شوي.. يعني اصفى من الدورة.. وماكان معاه الام بعد مانزل!!

وطبعا لما صار معاي النزف ماسويت شي.. اعتبرته مثل الدورة .. والحمدلله نظفت في 8 أيام

واي استفسار انا بالخدمة..






:26: :26: :26: