اخواتي السلام عليكم ورحمة الله وبركاته
اكتب لكم هالكلام وانا محتاره جدا وودي اشوف ايش رايكم
المشكله لاخت عزيزه علي جدا واكثر من الاخت
كلمتها قبل امس ونفسيتها تعبانه جدا لدرجة انها ما تتكلم الا بالقوه
السالفه وما فيها
انها قبل يومين سافرت هي وزوجها لمدينه بقصد الترفيه والتمشيه وكانت عباره عن مفاجئه حلوه بالنسبه لها
وهم في سفرهم طبعا معاهم طفلين واحد منهم حركته مو ذاك الحد يعني مثل اي طفل في نظري
الاب متوتر طول الرحله ويقول ويهاوش ويتنرفز واحيانا يضرب ولده ووتره زياده والولد يشوف الاطفال يروحون ويجون ووده يسوي مثلهم والاب وده ياكله من العصبيه
وبصراحه انا ما اشوف ان فيه اي شي يستدعي لكل هالتوتر لانه طفل اولا واخيرا
المهم بدا الاب يفسد ويخرب في الرحله وبدايتها انهم لما راحوا الملاهي ضرب الولد قدام الناس وشده مع يده عن الالعاب
امه ماتحملت اللي صار وقالت لزوجها
اصلا الولد ما يبكي الا بسببك انت (لانه معضم الوقت يصيحه بطريقه او باخرى )
اخذت ابنها وراحت لركن تهديه وتغسل وجهه وبدات تلعبه وتحاشت انها ماتقرب من ابوه خلال هالرحله ولاتبكيه يعي بالعربي تداري كلا الطرفين وهي عايشه بتوتر اللين وصلت
وهم برجعتهم الولد صاح يبي شي
عيا ابوه عليه وشاله ورماه بالسياره وضربه
سكتت الام ولابينت شي
وما ادري ايش اللي صار وقامت ام الولد ضربت على يده وصاح
ايش سوى ابو العريف (الزوج)
قام يسالها انتي طقيتيه ؟؟ولا ردت عليه ,وعاد السؤال تقريبا 6 او 7 مرات ولا جاوبت تفاديا انها ما تغلط عليه لانها شينه اذا تكلمت
وصرخ الزوج فيها بقوه انتي ضربتيه على وجهه؟
وهويصرخ قام وفرمل وهو مسرع يبيها تصقع في الطبلون
لانه هو رابط الحزام وعياله في كراسيهم وهي ميب رابطه بس الحمد لله ماصار شي
وهي الحين ما تكلمه ولا حتى تطالع فيه وكل ما شفتها تصيح اوكلمتها ليش سوى كذا و
تقول دام انه هو طلب منا نطلع ومااحد اجبره ليش ينكد علي وعلى عياله ليش ما خلانا بكرامتنا في بيتنا وبدون اهانات قدام الناس
ملاحظه (ماهي اول مره ينكد عليهم ,ما قد طلعوا الا ويرجعون متنكدين في كل طلعه تقريبا )
هي من النوع اللي يكتم وتصبر في اغلب الاحوال
وتقول اني خلاص ما عاد اتحمل اكثر وتتحلف بس ترجع ديرتهم والله ان يندم هو وعياله بعد
وما ادري ايش هي ناويه عليه
احاول اني اهديها واصبرها وتقول الا متى وتحلفني وتقول ايش رايك باللي سواه في السياره
في احد عاقل يسوي بزوجته كذا وتبيني اصبر
طيب يابنات ايش اقولها واشلون اهون عليها وهالموقف صار
وتطلب مني الحل ايش تسوي معاه يابنات
وايش رايكم في اللي سواه:29:
لغة العيون @lgh_alaayon
محررة
يلزم عليك تسجيل الدخول أولًا لكتابة تعليق.
اشكركم على المشاركه واحب انبه الاخ وقفوا شوي لبعض النقاط
1-هذه القصه اللي صارت بحذافيرها وهي واقعيه 100%
2- المرأه اللي اتكلم عنها كلمة امرأه مثاليه قليله في حقها وانا الان ما ادافع عن اي الطرفين والاثبات قول ام هذا الرجل المستمر (لو كان مع غيرك يابنتي ما اظن انه بيطول متزوج والله يثبتك )
3-عمرها ما طلبته شي اضافي لها او لاولادها وراضيه بما قسمه الله لها (مع انها تحسد على وضعها من كل اللي يعرفونها )الله يكفيها
4-لا مضغوط في العمل ولايحزنون هو رئيس نفسه في عمله ومركزه عالي جدا
5- لها ولاولادها نسبه من راتبه مخصوص من جهة عمله يعني لامزنوق ولا هم يحزنون واسبوعيا يحول للقريب والغريب
6-عمرها ما اجبرته على طلعه او سفره الا ما اقل من طلعاتها هي وعيالها ومعظمها لوحدهم
وكل طلعه يجبرها على الخروج وتذكره انه بيصير مثل ماصار كل مره ويوعدها انه مابيصير شي
لدرجة انه مره كتب لها ورقه وحلف انه بيتكفل بعياله وقت الطلعه هذيك ومع كذا اصرت انها تجلس في بيتها لان عيالها شوي حركين الله يصلحهم لها
1-هذه القصه اللي صارت بحذافيرها وهي واقعيه 100%
2- المرأه اللي اتكلم عنها كلمة امرأه مثاليه قليله في حقها وانا الان ما ادافع عن اي الطرفين والاثبات قول ام هذا الرجل المستمر (لو كان مع غيرك يابنتي ما اظن انه بيطول متزوج والله يثبتك )
3-عمرها ما طلبته شي اضافي لها او لاولادها وراضيه بما قسمه الله لها (مع انها تحسد على وضعها من كل اللي يعرفونها )الله يكفيها
4-لا مضغوط في العمل ولايحزنون هو رئيس نفسه في عمله ومركزه عالي جدا
5- لها ولاولادها نسبه من راتبه مخصوص من جهة عمله يعني لامزنوق ولا هم يحزنون واسبوعيا يحول للقريب والغريب
6-عمرها ما اجبرته على طلعه او سفره الا ما اقل من طلعاتها هي وعيالها ومعظمها لوحدهم
وكل طلعه يجبرها على الخروج وتذكره انه بيصير مثل ماصار كل مره ويوعدها انه مابيصير شي
لدرجة انه مره كتب لها ورقه وحلف انه بيتكفل بعياله وقت الطلعه هذيك ومع كذا اصرت انها تجلس في بيتها لان عيالها شوي حركين الله يصلحهم لها
هلااوين اختي لغة العيون
بخصوص المشكله هي بسيطه جدا ً وغالبية الرجال خصوصا ً المسئولين يكونون عصبين ويحبون المثاليه وترتيب ونظام بكل شي
المفروض ماتعصب اذ ضرب ولده تبين انها عادي كانها تقول ولدك ونت حر فيه لو تبي تذبحه حلالك صدقيني بيخف عن الولد وبيميل لعياله اكثر
لان بعض الازواج الله يهديهم يستقصد الطفل المدلل من جهة الام اذ حب يوصل لها مسج معين اذ كان متضايق او معصب من شي
خليها تضغط على نفسها وتخليه يسوي الي يبي بولده ماراح يذبحه لا تخاف :D
بعدين مدري ليش ماردت عليه بهدوء وقالت ايه مابيه يزعجك وضربته على يده مدري ليه سكتت ؟؟
والله يجزيك خير على حرصك على صاحبتك واهتمامك فيها الله يكثر من امثالك :)
تحياتي
الصفحة الأخيرة
زوجته هي ( ابخص ) به وبالتاكيد تعرف السبب اللي ينرفزه
يمكن هي دائما تقوله لازم نسافر ونغير جو .. لازم تطلع بنا نتمشى .. لا زم تروح بنا للمكان الفلاني ..
والزوج دائما يرفض لاسباب ربما مشغول او غير ذلك .. فأراد ان يفاجأها بالسفره هذه حتى ترضى عليه ولا عاد تزعجه ولكن هو في نفس الوقت غير مقتنع بهذه السفرة مما يجعله يتنرفز بأتفه الاسباب .. وهذه كثير تحصل ..
اسألي زوجته هل هي تعمل ذلك معه ؟؟
كما انه ليس له داعي ضرب الطفل - حتى لو كان متنرفزا - وخصوصا امام الناس الاخرين لان هذا اشد ما يغضب الزوجه ..
عموما اغلب ما ( ينرفز ) الزوج ويزيد من غضبه هو اذا ان زوجته استمرت في مسألته عندما يعمل شيء يحزّ في خاطرها وزوجها معصّب ..عندها لا تنتظري منه الكلام الزين او الاعتذار انما سيكمل عناده حتى وهو يعرف انه على غلط ولذلك لا يتقبل اي تصرف من اي طفل لانه سيجعل ( حارته ) من زوجته في طفلة البريئ ومن ثم تغضب الزوجه مرة اخرى فيزيد غضب الزوج مرة ثانيه وهكذا ..
الحل :
عليها ان تتناقش مع زوجها بهدوء شديد ويناقشا المشكلة معا بعيدا عن أعين الاطفال وكلا يسمع وجهة نظر الاخر واذا تم التراضي وعادت المياة لمجاريها ادعي الطفلين عندكما ودعيهما يقبلا اباهما حتى يحس في خطأه ومن ثم قولي للطفل الاكبر: قل لوالدك - على مسمع من الاب - ( بابا نبغى نروح نتعشى بالمطعم معك انا وماما ) ..
عندها سيزيد الاب احراجا وتخرجا معا وتعود المياة الى مجاريها باذن الله ..