شكرا على الايضاح

ولكن هل الزوج دائما يعصب على اتفه الاسباب ؟؟

وهل هي عادة قديمه عرفتها الزوجه من بدايه زوجها منه ؟؟

الى الان لم تعرفه وتفهمه وتعرف ما ينرفزه - بعد كل هذه السنين من الزواج - ؟؟

هناك نقطة يجب ان نعرفها من الزوجه وهي ( ان هناك سبب لنرفزة الزوج الغير طبيعيه وفي اسباب تافه جدا ) ! ! !


هناك سؤال للزوجه : هل زوجها ( متدين ) ومحافظ على الصلوات جماعه ويقرأ القران احيانا ؟؟

ام من هواة حلق اللحى وسماع الاغاني وتأخير الصلاة عن وقتها ؟؟

لان هذه من اسباب القرب من الله والبعد عنه مما يجعل الشيطان قريب منه ويبعده عن الراحه النفسيه واستقرار الحياة الزوجيه ..

ننتظر

اعترفلك,المتغليه الله يجزاكم الجنه
المشكله يا اخوات انه اليوم الثاني تقول انه اكثر من عادي وانه قاعد يتودد لها واوقات يدور غلطه لو بسيطه عشان يقلب السالفه ضدها وما يضطر انه يتاسف ,حاجه في منتهى الغرابه
غير كذا ان كل مره يزعلها يتغير طبعه مع عياله ويحن عليهم اكثر من اول
يعني مثلا قبل ما يرجعون يقول لولده اللي طقه في الملاهي وهم بالسوق لماشاف لعبه والولد ما تعلق فيها ولا طرا له ياخذها قال له تبيها يابابا عجبتك هذي وقام شراها وعنده منها مليون ,ومع ان الولد لو بكى عليها لو يموت ما اخذها وهكذا الحال اذا زعل زوجته يتغير للاحسن يسوي عمره حبوب ومهتم ويتودد لدرجه ما احد يتخيلها
ما ادري هل هو حاس بالذنب ويظن انها بتنسى وتتجاهل الموضوع ويمشي الحال ماادري ايش الطبخه
وهو من النوع اللي يكابر اذا غلط
وهي متحلفه ان المره هذي ماراح تعدي على خير وماادري ايش ناويه عليه
اقولك ليش ما ردت عليه يالمتغليه
المره كانت ضاغطه على نفسها وكاتمه كل اللي صار وما ودها تقول شي لانها بتطلع الاول والتالي وراح تغلط فعشان كذا التزمت الصمت وهي من النوع اللي اذا عصب التزم الصمت وهذا هو السبب
وهو ما صدق على الله يوم ما ردت عليه يبي يطلع حرته ويتمرجل عليها بس عرفت اشلون تتصرف

الرجل محافظ على الفروض الخمسه في المسجد ماينتهي الاذان الاهو عند باب المسجد وملتحي ودين وحافظ القران
وبالنسبه للزوجه هي حافظه زوجها صم وتعرفه وتعرف ايش يفكر فيه وتقرا كل شي براسه ولهم اربع سنوات ونص مع بعض ومع كذا حافظته حفظ
بس مابدت هالمشكله الا يوم كبروا عياله وهي معاه من اول بس على خفيف
صح انه كان يزعل ويعصب مثل كل انسان بس انه يصرخ في وجه زوجته ويسوي هالحركه اللي سواها هذا اللي ماهي فاهمته اومستوعبته لان عمره ما سواها وحياتهم مبنيه على الاحترام وهي خلاص قرفت من هالطبع الشين والا متى تصبر كل طلعه نفس الشي الين كرها في الخروج من البيت
وبعدين اذا طلع مع ولده اهم شي عنده انه مايفشله قدام الناس ويشتري راحة الناس على حساب زوجته وعياله
اهم شي الناس ماينزعجون ولاتفشلونا قدام الناس ما درى ان عندنا وعنده خير وان ما احد درى عنه هو وعياله وقاعد يقارن بين عياله وعيال غيره ليش ماهم هاديين ليش ما يقعدون ليش وليش وليش ................طيب خلونا من العصبيه والنرفزه
ايش رايكم باللي سواه بالسياره
والمره مقهوره تقول طول الرحله قاعد يصفق في الولد ويوم طقيته على يده عقاب للي سواه يقوم يسوي هالحركه البايخه ويصرخ في وجهي كاني خادمه ماني زوجته اللي تحملت كل التصرفات كل هالسنوات وغيرها

السلام عليكمورحمة الله وبركاته
أختي الغالية لغة العيون
أسال الله الكريم رب العرش العظيم ان يهدي زوج صديقتم ويهنئ بال صديقتك ...

اختي
مشكلة صديقتك هي انها لا تريد من زوجها ان يضرب الاطفال
اليس كذلك؟
طبعا الضرب الكثير مضر جدا لتربية الاطفال
وهي والحمد لله مقتنعة بذلك
ولكن المشكلة ان زوجها غير مقتنع بذلك ..

نصيحة مني لها ان لا تعاتب زوجها ابدا على ذلك لانها كما هي ام الطفل فهو ابوه وهو حر بالتصرف به فلتترك زوجهاعندما يتعامل مع ابنه براحته
لانها ان لامته على ذلك وهو غير مقتنع بضرر الضرب قد يسايرها في البداية ولكن بعد فترة لا يهتم بكلامها ويفعل ما يريد..
لذلك فلتتركه يفعل ما يريد
ولكن تبدا هي من طرف آخر
تسمعه الاشرطة التي تتكلم عن تربية الاطفال
فهذا شريط جميل ومؤثر جدا فما دام انه ملتزم والحمد لله فسيتأثر
حقوق الابناء من سلسلة فقه الاسرة المسلمة .. سلسلة رائعة لفضيلة الشيخ محمد الشنقيطي
ولتدعو له بظهر الغيب دائما ان يلهمه الله الحكمة والصبر والأناة والحلم
ولتكن قدوة له فان رأها هي رقيقة مع الاطفال فيتأثر بها عاجلا ام أجلا

وتقنعه باسلوبها اللطيف انهم اطفال
وكلما شبع الطفل في صغره من اللعب والحركة كان اهدى واعقل عندما يكبر
وكل فترة تخبره بافعال طفلها الحسنة وانه اصبح اهدى من الاول
وتذكره له الامثلة على ذلك
وتخبره بانها تشكر الله دائما على نعمة ابنهم وكيف انه افضل من غيره بكثير
وكيف ان الله رزقهم بطفل وكثير من الناس يتمنون ذلك ..
فانه لن يتغير الا اذا اقتنع كليلا وقرر التغيير
ولا تشعره انها تتذمر من تصرفاته مع ولده لانه سيشعر بالانزعاج وقد يصر على موقفه..

والحمد لله انها صابرة وصالحة وباذن الله الله سيأجرها ويجزيها خير الجزاء
ولتشكر ربها على نعمة الزوج الصالح الذي يسره الله لها
ولا تحمل المشكلة اكبر من حجمها
ولتدعو الله ان يسخر زوجها لها ولأبنائها
ولا تدع للشيطان مجالا ان يخرب عليها عيشتها
ولتذتكر المواقف الكثير الحميدة من زوجها
ولا تفكر انه الان قد تغير كليا ولن يرجع الاحترام بينهم..
فزوجها كان غضبان ولم يدري ماذا فعل
وكما ذكرتي فهو قلبه طيب ويندم على فعلته معها ومع الاطفال الحمد لله
فقط باذن الله مسألة وقت وصبر وتروي...

كما عليها ان تبين له في وقت مناسب انها تتأثر جدا من رفع صوته عليها
ويسمعان معا المحاضرات التتي تتكلم عن حسن الخلق وذم الغضب
فسبحان الله الاشرطة لها تأثير كبير في القلوب

بارك الله فيك
والسلام عليكم

شوفي أ أختي بصراحة ماأظن أبد ان الزوج لما فرمل بالسيارة ( يبيها تصقع في الطبلون ) زي ماقلتي !
مجرم ذا !! أو تفكيره تفكير عصابات .. خخخخخ .. أمزح
:)
لأنها أصلاً بتطيح في كبده لو صار لها شي :) يعني اللي أقصده ان العقل والمنطق يقول انه اكييييد مايقصد كذا .. يذبحها يعني ؟ أحس الزوج يسوي أي شي إلا انها توصل هالمواصيل ، فقولي لها هالكلام عشان ترتاح ..
أما باقي المشكلة.. فزي ماقالت بشائرالفجر بما انه دين ماشاءالله عليه ويحفظ على الصلاة ، خليها تركز على الناحية الدينية وتخوفه من الله في هالعيال .. يمكن يحسب انه مب محظور شرعي لما يأذي أطفاله ويتسبب لهم بعقد نفسية تظل في دواخلهم طول العمر !! وخليها تقول له ان هالموضوع مب سهل لأنه يمكن يلاحظ الطفل بسررعة يرضى وينسى بس لما يكبر بيشوف كيف هالطفل صار خجوووول مثلاً و لاقدر الله عنده رهاب اجتماعي أو رهاب الأماكن العامة .. إلخ ، وبكذا بيحس انه يضر أطفاله وبيغير أسلوبه معهم ..
لكن الزوج نفسه يبي له علاج من العصبية الزائدة :(