يابنات ساعدوني زوجي تكلم علي بكلام جارح ووسخ

سلام

بنات انا زوجي تكلم علي كلام قوي مرررررره ووسخ جدا مايتكلمه انسان عاقل اقوي من كلام الشوارع
لاني شريت اغراض وطلعت غاليه وقلت للهندي خلاص كنسل وطلعت
قام هزآني وتكلم علي وقال انتي حقيره وفيك وفيك وماعاد ابيك روحي لاهلك تخيلوووو عشان هالسبب ويمكن لان الله مارزقني بالعيال ودعى علي بالموت والله اني انجرحت مو عشان نفسي عشان امي وش ذنبها لو تسمع هالكلام يجيها جلطه لان اهلها كلهم توفوا وعيالها وزوجها مابقي لها بالدنيا الا انا وختي وثنين من اخواني ويدعي علي دعوات قويه
ان اهلي يبكون علي
والله اني صرت اشاهق بالسياره منصدمه مره وماقدرت اتنفس واغمي علي
والله اني جلست ساعات ماقدر اتكلم خفت انه انشل لساني من الصدمه لاني ماسويت شي الظلم قوي علي النفس محد يقدر يتحمله
اصلي الصلوات وانا اقرا الايات بقلبي ماقدر اتكلم جتني رجفه بجسمي ولساني ودموعي بس تنزل

تكفون ساعدوني السالفه من يومين وانا متآلمه مره مدري شسوي هو اعتذر بكل بساطه ولما رفضت اكلمه
هاوشني وهزآني مره ثانيه لحد ماتكلمت معاه عادي يعني حتي اسلوب بالاعتذار مافيه
وانا للحين متآثره نفسيا من الكلام اللي قاله لي