نفس الراي

استخيري ياقلبي قبل كل شي
والله يكتب لك اللي فيه الخير ويبعد عنكم كل شرر

السلام عليكم
حبيبتي الله يوفق ابنك ويسهل امره يارب

انا حاسه بشعورك بس من جهة ابنك لانه اهلي تركو كندا بعد ماخلصنا الثانوي

بعطيك كم نصيحه من قلب:

حاولي لاتبيني انك زعلانه وشايله هم لأنه صدقيني ابنك راح يكون شايل هم اكثر منك مليون مره وانتي كذا تزوديها عليه. هو الان داخل مرحله جديده بغض النظر كان لوحده او ماكان تعتبر مرحله صعبه للغايه

ابدأي فرزني شوية اكل لابنك لانه صدقيني الطبخ مااااااله وقت ابد ابد ولما تكوني غايبه ويلاقي اكله منك راح تكون قيمتها وااااو عنده اسألي مجرب مثلا سمبوسه فطاير وهالامور

اشتري له اجهزه تسهل عليه عمله في المطبخ لو ماكان متوفر عنده اكثر مثل شواية للسندويشات، غلايه للمويه، توستر، الخ وحاولي تكون الاجهزه صغيره وممكن تنغسل في الدش واشر


اشتركو بخدمة تلفون فونيج عشان يكون عندكم خط هاتف امريكي في السعوديه وابنك يقدر يدق عليكي في اي وقت وانتي تدقي عليه في اي وقت ماتتخيلي كيف هالشي راح يطمن بالك ويطمن بال ابنك


اذا في مدينتك ناس تعرفونهم وصوهم على ابنك لو من بعيد لبعيد حتى لو يتصلو عليه مره كل شهر شهرين يسألوه لو محتاج شي واذا عندك خط تلفون امريكي في السعوديه معارفكم في امريكا يتصلو عليكي عادي وترتاحي ويطمنوكي

دايما دايما دايما ذكري ابنك بالصلاه بالصوم بالمناسبات الدينيه اذا تقدري اول فتره صحيه لصلاة الفجر كل يوم بالذات اذا عندك خط تلفون امريكي ماراح تخسري شي بالعكس راح يحس انك عنده دايما

لاتضغطي عليه مع مين رحت ووين طلعت وتحقيق ووو لانه بعدين راح يحس انه مخنوق اهم حاجه انك تذكريه في الصلاه وباذن الله اذا حافظ على صلاته وتابعتي معاه راح يبتعد عن الحرام من نفسه من غير ما تقولي له شي

لاتنسيه من دعواتك لأنه ابنك دايما بحاجه لها يكفي انه راح يرجع البيت في اوقات امتحان وكرف وماراح يكون في وجبه سخنه وبيت مرتب دايما ادعي الله يبارك له في وقته وفي جهده ويبعده عن الحرام وماتدري متى دعوتك راح تفيده في وقت هو محتاج لها


مهم جدا انه توضحوا له انه انتم اذا حبيتم ممكن بأي وقت تزورو امريكا عشان مايلعب كذا ولا كذا وانا يسووها اهلي احيانا يجي ابوي اسبوع اسبوعين يتطمن علينا ويرجع وهذا بحد ذاته شعور حلو ويحسس بالامان ويردع عن الغلط


في النهايه صدقيني فتره وتعدي لاتخافي ولا تزعلي وباذن االله اموره كويسه توكلي على الله ولا تخربي مستقبل ابنك بسبب مشاعرك
والله يوفقه يارب
اي سؤال انا حاضره ولا يهمك:27:

بصراحه انتي اهون بكثير من اللي يروح بسن ابنك لأول مره
انا احس ولدك خلاص متعود على الحياة هنا بامريكا

بس يبي لكم توصون عليه ناس انتم عارفينهم
وغير كذا انتي وصي ولدك بالصلاه و ذكريه بالله دايم وانا مع الاخت رغد الحياه مو تحقيق لا
بيني حرصك وانه قد الثقه

الله يصبر قلبك ويرده لكم سالم غانم يارب

سلامة قلبك

الله يبرد عليك ويهون كل عسير

حبيبتي انت الوحيييييييييييييييييييده اللي ادرى بولدك

اذا هو راعي حركات وسهرات فخليه جنبك ومعك افضل

تضيع دراسته ولا يضيع هو

والله اشوف هنا شباب صغار ضايعين فيها والله كنت اقول وين اهلهم عنهم

وانتي حاليا مع ولدك وادرى فيه

شوفيه اذا يتحمل المسوليه فاستودعيه الله وربي يوفقه

واذا حاسه انه نص ونص فلا تحرقين قلبك قلق عليه

ربي يسخر لكم الخير