يابعد عمري كلكم يا بنات كل وحده رايها طمني وعطاني فكره ايش اسوي معاه بالنسبه لولدي ماعنده خرابيط اصلا مايطلع الا يوم بالاسبوع للسينما بس وانا اشوف انا الضياع هو اذا رجعنا الرياض لانه اصحابه مره مستهترين مو حقين دراسه نت وطلعات وحياه مول ومغازل
وعلى فكره هو خايف ورافض يجلس من حاله يبي الدشره مع اصحابه بالسعوديه بس الحين جانا واحد من اصحابه وسكن عندنا بالبيت لانه يبي يدرس مع ولدي ويسكن معه بعد من روح بناخذ لهم سكن بالجامعه ونستودعهم الله فشوي شوي هانت الجلسه على ولدي لانه معه صاحبه

اما بالنسبه لاكل رغد الحياه ماقصرتي على فكرتي بالنسبه لتفريز الاكل والحين جالسه اعلمه كيف يطبخ الاكل اللي هو يحبه واغراض
بيتي كلها بعطيه لهم لما ناخذ لهم سكن مع الاثاث
واذا اضطت الامور اخوه الثاني بعد 3 سنوات يجي يدرس عنده لانه معاه الجنسيه يعني بنجرب نفع كان بها مانفع رجعناه
وماقصرتوا ياخواتي فعلا انتوا اخوات في الله لاني حسيت انكم حاسين بمشاعري

الله يكتب له الخيره وين ما كانت
حبيبتي بس نصيحه اذا راح يسكن لاتاخذو له في سكن الجامعه خذو له شقه قريبه من الجامعه مالها علاقه بالسكن

لانه سكن الجامعه بالذات في سنه اولى كل ويكند في حفله وشرب وازعاج وبعض الحفلات في بعض الجامعات لازم يحضرها لأنه عندهم اللي ساكنين بالسكن (عائله واحده) ولازم يروحو عن انفسهم سوا

هذا غير انه في السكن في انظمه كثير لازم يتبعها يمكن تتعبه نفسيا
مثلا في كندا اجباري على كل سكان السكن انه ينظفو الشقه كل يوم احد ويخلوها تلق لق وتجي مفتشه تشوف الغرفه ولازم مايكون فيها غبار وهالشي ممكن يسبب له تعب نفسي وخاصة اذا هو مو متعود على التنظيف واصلا مع الدراسه احيانا الواحد ماعنده وقت ينظف

غير كذا مع السكن في عدة ميتنق لازم يحضرها مع رئيس السكن ويراجعو فيها قوانين السكن ومدري ايش اظن مره بالاسبوعيين او حاجه زي كذا ولازم غصب عنه يداوم للاجتماع مع انه يمكن يكون مو فاضي للكلام اللي سمعه الف مره

واسوأ ميزة في السكن تأكدو منها هي في العطل مثل عطلة الكريسمس وعطلة الربيع يطردوهم من السكن ولازم يدبر له صرفه لمدة اسبوع او اكثرلأنه الجامعه تسوي تنظيف كلي لكل السكن عشان مايجي فئران وتسوي تصليحات الكهربا وغيره

اعرف واحده اردنيه الحين اهلها في الاردن مبتلشين كل ما جانا عطلنا خلوها تسافر لهم في الاردن لانه ماعندها احد تأمن منه تسكن عنده اسبوع في الاجازه


والله يوفقه ويحميه من كل شر
بالتوفيق يارب

مراهق وتخلينه الحاله بامريكا علشان الشهادة ؟؟؟؟؟؟؟؟؟؟؟؟

في امريكا اولاد وبنات ماشاء الله عليهم في سن المراهقة بس عليهم عقول توزن بلد
درسوا وخصلوا ورجعوا الى بلادهم حاملين اعلى شهادات