يابنات نصيحتكم راسي حينفجر

السلام عليكم

طبعا" زي ماانتو عارفين نهاية السمستر قربت وموعد الرجوع والاختبارات والحوسة..

يعني دي لحالها مليون شغله تفكري فيها..

الشي التاني..

اني ابغا اغير التخصص حقي..بس خايفه ومترددة..مو عارفه اسأل مين :(

رحت الاسبوع اللي فات للمشرف حقي في الجانعه اخد رقم الكود حق التسجيل,.قام قالي انتي ايش تبغي تدرسي بعد دا التخصص..قلتله طب ان ربنا اراد..قام طلع كتاب حق مجموعة الاطباء الامريكان ولا المنظمة حقتهم مدري الموووهيم..ووراني عدد التخصصات اللي يقبلوهم في الطب..وطلع قسمي نسبته بسيييييطه مقارنة باشياء لا ع البال ولا ع الخاطر..
الموهيم..وقال الواحد يفكر يختار قسم يقدر يشتغل بشهادة البكالريوس سواء" ماكمل او ماانقبل في كلية الطب..
الرجال بصراحة كلامه مقنع..يعني حرام اجري 100 سنة وفي الاخير ماالاقي وظيفه..لاتقولو شهادة من امريكا وبطيخ..كمان لازم شهادة وتخصص مرغوب..مو بس خبط ولزق..

القسم اللي ابغا احول عليه هو رعاية خاصة special education

ايش رايكم فيه؟؟وايش مدى حاجة بلدنا له؟؟

انصحوني من جد محتاجتكم..خلاص تعبببت من كتر التفكير :(