يابنات هل انا على خطا ما اكلم اختي من شعبان

صباحو


انا عندي اختي اصغر مني بسنتين كنا زي التؤام

بس لمًا رحت الكليه وهي عرفت النت صارت تكهرني بدون سبب

راح اذكر لكم المواقف


يعني اختلف معها ف وجهة نظر ونكون جالسين بالصالة تقوم تقول قدام اهلي اسراري بشماته وتشفي
وتقول مواقف صارت لي قديمه انا مالي ذنب فيها


واتخاصم معها فتره ولما نتسامح نفس الشي بس معي

مرره كنا رايحين البحر وتتريق علي وانا ساكته وتقول كلام دفش قدام اهلي

قلت لها بطلي تمزحي زي الاولاد


قالت انا ولد وصكتني بكف ع وجهي قدام اخواتي


وانا رحت السيارة وجلست ساعتين وماتعشيت

ولما امي وابوي جوا قالت بفخر تقول انا ولد وعطيتها كف


ولا احد جبر بخاطري


انا كرهتها مرره

وزاعلتها فتره


وبعدين سامحتها


اخر فتره كنت اكلمها فيها

مرره جالسين انا واخواتي وتقول بكل وقاحه انتي عانس عمرك 22 ماتزوجتي

قلت لها حتى انتي عمرك 20


تقول بثقة لا انا صغيره


واخر موقف صار لي معا ف شعبان

مرره كنا جالسين وانا اكلمها بهدوء انها تعطي امي 300 قيمة دواء لاني عندي التزامات

وهي ماقد عطت امي ولا ريال


تخيلوا اتكلم بهدوووء

فجاة كان بيدها بسكوت رمته بكل قوتها علي

وشايفه انها صح


انا مرتاااحه كذا وبالعكس مفتكه من شرررها


لو كنت اكلمها كان صارت لي عشرات المواقف معها


يعني اكون جالسه ف حالي تجي غصب تجاكرني



انا علاقتي طيبه جدا مع كل اسرتي بدء من امي انا اكثر خواتي بر فيها


الى اختي ام اربع سنين كلهم يحبوني الحمدلله


ومستغنيه عنها

هي خبيثه بس ماتسوي مع اخواتي زي ماتسوي فيني



واخواتي يحترمونها لانها كبيره


بس هي ماتحترمني ولا قد فكرت انها تسامحني


وامي مسويه الغلط علي


ولما امي تسالها تقول فلانه نفسيه

انتو شرايكم


صح هي اختي بس انا مرتااااحه كذا