السلام عليكم ورحمة الله وبركاته
يسعد لي
صباح ومساء
الجميع
.,.,.,.,.,.
زوجين
سداح
عبله
وقت الملكه ( الفترة بين الملكه والعرس )
سداح :- كيفك يا قلبي عبله
عبله :- بخير الحمد لله
سداح :- تصدقين قلبي
عبله :- وش قول
سداح :- احبك ومشتاق لك
عبله :- وحتى انا
سداح :- وأنتي وش؟
عبله :- يعني مثلكـ
سداح :- طيب عبله توصين بشي لاني بنام ؟
عبله :- لا مشكور
سداح :- طيب مع السلامه
أنهى سداح الأتصال
وجلس يفكر
ويقول لنفسه
هذا وأنا اتصل
وأتغزل فيها
الاقيها ترد علي
وبكل بروده
الله يعين بس بالأيام الجايه
وش راح يصير
كنت اشتاق لها
وأتصالي عليها
ويوم أكلمها
وأنهي المكالمه
أكره نفسي
وأقول ليتني ما أتصلت عليها
أقول
قلعتها
خلني أشوف غيرها بس
أشوف شخص ثاني يهتم
وهذي وهي بالحلال
ولا هي بحولي
مرت مده طويله وباقي على حالتها
وكأني أكلم واحد من الشباب
حاله والله
=======================
خالد
عهود
( وقت الملكه ) فتره ماقبل العرس
عهود ترسل مسج :- صباح الورد والحب والشوق
يرد خالد بمسج :- صباح النور والسرور
عهود تقول بنفسها :- هذا وأنا اتغزل فيه يرد علي ببروده
عهود بمسج :- كيفك حبيبي
خالد يرد على المسج :- الحمد لله بس تعرفين عمل وشغل وتعب >> يقول بنفسه مثل ما ثقلت علي أمس أثقل عليها شهر مو يوم وبس
عهود بمسج :- طيب مشتاق اسمع صوتك
خالد بمسج :- ابشري بس وقت افضى فيه
عهود :- طيب انتظرك وعلى الأقل طمني عليك
خالد :- يقول بنفسه ( يالله مدري وش سالفة أهلها أمس وقبلها ثقل واليوم مسويه قصة عدنان وليلى ... طيب خلني ارد عليها وأدلعها وأشوف وش عندها ) .. رد بمسج :- ابشري حبيبتي وقلبي بتصل وأطمن قلبك من عيوني
عهود بمسج :- طيب انتظرك
خالد :- يقول بنفسه ( بالاخير ارد عليها بغزل وترد علي ببروده أقول أقرب صبيه وأعلمها كيف البروده بالرد )
=======================
مدحت
صيته
فترة ما قبل الزواج ( فترة الملكه )
مرت الأيام
والأسابيع
مدحت :- يسعد لي مساء حبي وحياتي
صيته :- ويسعد لي مساك قلبي
مدحت :- كيفك يا أغلى زوجه بهالدنيا
صيته :- بخير حبيبي كيفك انت
مدحت :- بخير قلبي دامك بخير
صيته :- يسلمو حياتي
مدحت :- قلبي طالت علينا السالفه مو معقوله إلى الان ولا ذقت شفايفك ولا رقة خدودك ولا ضميتك على صدري حتى قلبي يداعب مشاعر قلبك
صيته :- ما ينفع هالوقت وكل هذا بتذوقه بعد الزواج
مدحت :- >> وهو يسب في نفسه :- قلبي انتِ زوجتي وحلالي إذا ما ذقت هالشي منك متى أذوقه؟ أو من أي شخص اذوقه؟
صيته :- اصبر باقي سنه
مدحت :- طيب انا مشغول بكلمك بوقت ثاني تآمرين بشي
صيته :- سلامتك قلبي
مدحت:- مع السلامه >> وبنفسه ليتني ما عرفتك من الأساس
مدحت >> طلع لغرفته وانسدح على سريره >> كثر تفكيره >> هذي وهي زوجتي تسوي فيني كذا >> الحرام صار سهل ويوم نبي نعيش على الحلال مصعبينه ... وهذي وهي زوجتي .... أبو العادات والتقاليد >> النقاط سبه خخخخخخ
والله قهر لو أدري ما تزوجت ... عيب عليها يوم تحسسني باني واحد مثله مثل الناس ... بس طيب والله لألطعها مو سنه سنتين ... وقت الحاجه ما اعطتني ... بالاخير تبي مني أهتم وأحب وأجلس معها بالبيت .. طيب طيب بس >> طلع حقود خخخخخخخخخ الله يعينه بس
===========================
رائد
اثير
وقت الملكه ( ماقبل العرس وليلة الدخله )
رائد :- حبيبتي تصدقين باني آغار عليك موووت وأحبك موووت وأشتاق لك موووووت وأعشقك مووووت ولا وش رايك ياقلبي
أثير :- حلو بس الغيره لازم يكون لها حدود >> ما ركزت إلا على هذي الكلمه ونست الكلمات الحلوه الباقيه
رائد :- حبيبتي أكيد غيرتي ما تكون سبب في المشاكل
أثير :- ايه قلبي الغيره إذا تعدت حدودها مشكله >> تفكر وقتها وتتخيل وتقول لنفسها أكيد ما يبيني أللبس العبايه الي على الكتف والمخصره وألبس تحت العبايه ملامسي الدلع والضيقه بس راح اخليه يتعود من هالوقت حتى ما ينشب لي بعدين
رايد :-حبيبتي اعرفي بأني آغار عليك ويوم تكوني معي في بيت واحد راح تتغير حياتي مليون درجه .. خلاص راح تكوني ربت بيت ولك زوج وزينتك ودلعك وحلات جمسك وعطرك له وبس >> ويقول بنفسه سبحان الله أهتم وأسوي وراح اتعب طول حياتي حتى اصرف عليها وأتعب عليها وعلى عيالي بالمستقبل وبالاخير تبي تعقدني من نواحي تافهه وهي باللبس وتبي بعد تمشي على مزاجها ولا تبيني آغار .. أجل اتنازل عن رجولتي أحسن؟ وعن غيرتي على محارمي وعرضي ؟ أخلي الكل يطالع فيها بسبب لبسها برى البيت بالمجمعات والاسواق >> هذا وأنا أدعي الله سبحانه بطول حياتي بانه يرزقني زوجه صالحه >> لانها لو صلحت وصار فيها خير لأهلها مو لعيون الناس وذوق الغير وحتى الناس ما يقولون شوفوها تغيرت البنت كنت أنا ارتحت وهي أرتاحت ولا صار بالبيت مشاكل ولا ضاقت الصدور >> بس يالله لعلها تتغير وتفهم بأن الزواج مسؤوليه وواجبات لحق الزوج والزوجه
رائد :- طيب نغير الموضوع يا قلبي لان صدري ضاق
آثير :- ايه نغيره أحسن
آثير :- تصدق حبيبي
رائد :- قولي
آثير :- كل يوم نطلع نتمشى وتعبت من جد تعبت أرجع البيت مرهقه حتى الجنز صار علي ضيق يطيح وأرجع وابدله
رائد:- ما شاء الله >> يتخيل بأن زوجته تمشي والجنز واضح والجسم واضح والعالم تقز فيها خخخخخخخخخخخخخخخخخخخخخخخ وتطلع عيونه والبنت بارده مهي حاسه بضيقة صدر الرجال الي مغروسه بداخله الغيره القويه على زوجته
حبايبي أعضاء هذا الموقع الجميل والرائع والقيم
خلونا نقلبها سوالف
خلونا نسولف وعلى راحتنا
اعتبروا هالمكتوب بالاعلى نقاط ومواقف
أبيكم تعلقون عليها
من المخطي؟
وليه مخطي؟
وش الي المفروض يسويه حتى ما يقع في هذا الخطأ؟
وش راح تكون ردة فعلكم لو تصير معكم مثل هذي المواقف؟
معقوله راح أخسر زوجي بسبب عبايه بمواصفات معينه؟ معقوله راح أخسر زوجي بسبب ملابسي الداخليه ويغار مني حتى ما اخلي العالم تشوف جسمي مفصل وبالاخير اسوي مشاكل وأعاند الي ولاه الله عز وجل علي وآمرني بطاعته؟
معقوله أسمع كلام الناس ولا اسمع كلام الشخص الي لو أزعله راح أكون سبب في غضب الله علي وراح أكون سبب في دخول الشيطان بينا وخراب بيتنا بسبب أمور تافهه
معقوله انسى كل الجوانب الحلوه بحياتي والي هي أهم بالأخير اسوي مشاكل على امور فرعيه وشبه تافهه ويكون هالشي التافه سبب بأني أبتعد عن الشخص الي قلت احبه واموت فيه وإنه اغلى مني ومن الناس وخاصتاً بانه نصفي الثاني
معقوله أتعامل مع زوجتي بكل جلافه وشده؟
معقوله ما اقدم لها الي ينقصها من دلع وأهتمام وحب وهي محتاجه لهذا الشي؟
معقوله أبخل على الطرف الثاني بلساني العسل ورقة مشاعري وأمده بعواطفي والطرف الآخر لي صار أقرب الناس لي من أبوي وأمي وأخواني واخواتي
معقوله أشد يوم يرخي وأشد يوم يشد؟
أنتظر جمال وروعة أقلامكم
والي يبيها بدون رسميات ياخذ راحته
فالصفحه صفحتكم
والحريه المطلقه لكم وبأيديكم
وكلاً راح يعلق على تعليق الآخر
والقاريء يأخذ الصحيح منه ويترك الي بيكون سبب في وقوع المشاكل في حياته الزوجيه
يلزم عليك تسجيل الدخول أولًا لكتابة تعليق.
مشتاقه الجنه
•
يسلموووووووو
الموضووووع حلو كثير
وانا من وجهة نظري اني اتمنى الحب يظل بعد الزواج صحيح انه مع زحمة اليوم والتعب والعمل الواحد ينسى مشاعره
لكن مو غلط انه يخصص يوم في نهاية الاسبوع يطلع الزوجين بلحالهم فيه يجلسون جلسه رومانسيه هادئه يعيدون ذكؤياتهم الجميله
ويجددون حياتهم
وبالنسبه للغيره اللي من اولها بتسوووي مشاكل على اشياء تافهه ماظن انها تستاهل ان الواحد يعبرها والغيره من علامات الحب ولو
ازواجنا مايغارون علينا زعلناااا
وانا من وجهة نظري اني اتمنى الحب يظل بعد الزواج صحيح انه مع زحمة اليوم والتعب والعمل الواحد ينسى مشاعره
لكن مو غلط انه يخصص يوم في نهاية الاسبوع يطلع الزوجين بلحالهم فيه يجلسون جلسه رومانسيه هادئه يعيدون ذكؤياتهم الجميله
ويجددون حياتهم
وبالنسبه للغيره اللي من اولها بتسوووي مشاكل على اشياء تافهه ماظن انها تستاهل ان الواحد يعبرها والغيره من علامات الحب ولو
ازواجنا مايغارون علينا زعلناااا
الصفحة الأخيرة