انا غيرعنكم مع اني ولادتي الجاية بتكون بالصيف ان شاء الله وبيت اهلي بيكون ازعاج وهذا جاي وهذا رايح لكن لازم اروح عند امي اهتمامها فيني اكيد بيكون غير اهتمامي بنفسي غير كذا انا ماعندي خدامة وببيتي ببتلش بنفسي لازم انا اللي اطبخ وانا اللي اشتغل لنفسي وغير كذا عندي طفل عمره سنتين لازم كل شوي اروح اشوف وينه واراقبه بهالسن يتعرض لاشياء خطرة كثير

يعني ببيت اهلي اقدر انام واجلس على راحتي واذا تعبت من الطفل اعطيه امي وانام على راحتي والاكل والادوية الشعبية امي تسويها لي انا ما اعرف لها

يعني هو صحيح فيها سلبيات لما اكون عند اهلي خصوصا بالاجازة لان اخواني كثيرين وعندهم اطفال وبالاجازة يجون عند اهلي ويصير البيت ازعاج واطفش من اللبس لاني استحي اصير قدام حريم اخواني حوسة حتى لو اني بالنفاس لكن بنفس الوقت المحاسن اكثرعلى الاقل اقدر بعد كم يوم اذا شفت نفسي تحسن اقدر اطلع مع اهلي لحديقة او شي اغير جو وابعد عن كابة النفاس بدون ماشيل هم للبيبي لان اختي بعد تساعدني عليه وخدامتهم بكذا بتكون نفسيتي اريح

مع أني مامريت في هالمرحله (النفاس)00 بس رايي ان الوحده تقعد بيت اهله أحسن00

شلون تكونين في بيتك00وانتي بالنفاس مالك خلق تلبسين لزوجك ولاشي

00 ومثل ماقالت الاخت ام مسلم اعتبريه تجديد للحياة الزوجيه00

المره الاولى عند اهلي ..والثانية ان شاء الله في بيتي
انا وين واهلي وين ..هم في ديره ..وانا في ديره..
وطبعا في دافع ثاني هو كلام اختي..اللي عندها سبع اطفال الله يحفظهم
المرتين الاولى كانت عند اهلي والباقين كلهم في بيتها
تقولي انه اريح نفسيا وتحسس الزوج بالمسؤلية..وتدفعه للمشاركة
في اعمال البيت والعناية بالطفل..حتى انها ما تجيب شغالة اذا نفست
وغير كذا وجوده جنبها خفف عليها كئابة النفاس..
بس انا افضل اذا كانت الوحده ما تثق ان زوجها بيساعدها ..او كانت الحياة بينهم
ممله..انها تروح لأهلها ..منها ما تتورط وتجهد نفسها بالبيت
ومنها تجديد للحياة.....والناس تختلف اللي يناسبني ممكن ما يناسب
كثير غيري..اعتقد الظروف هي اللي تحكم

انا نفاسي كان عند اهلي 00 وكان وقتها دوامات 00 والكل لاهي 00
وكان فيني ملل مو طبيعي 00 وزوجي ما يجي الا دقايق ويروح00
واتمنى المره الثانيه ببيتي ( على ان زوجي ما يشجع ) لان الرجال بعضهم يحس ان وناسته او انطلاقه بالنفاس 00
الحمدلله والشكر على ما عطانا 0