اخت مفعوصــــــــــــــه انأ مارسمعت ان نساء رسول الله او الصحابيات او التابعيات عملن ماتقولين

ومع ذلك لانملك ان نكون ولا 1% من إرضائهن لازواجهن رضي اللـــه عنهن لانهن كن يهتمين بالامور الاهم من الشكليات او الرسميات , وبعدين جلوسي ببيتي ليس تضايق للزوج بلعكس احس انه اريح نفسيا

للام والاطفال ايضا وبعدين انتي ليش حاطه النفساء انها وكانها ياساتر مقطعه ومشووووووهه ويجب ان تبعد

عن زوجها !!! الان النفساء تغيرت وصااااارت وكانها عروس كل يوم والحمدلله وبعدين شوفي اخواتنا السوريات واللبنانيات كيف الوحده كاسبه زوجها وحاطتها بعيونها وهي من اول يوم تقوم بخدمته , وهذاهن

مشهورات عند رجالنا بعاداتهن وسنعهن ونشاطهن وحركتهن , والحركه بركــــــــــــه وخير ....

رمز الفنون
فاهمه ومقدرة وأدري انج تبين تتمتعين ببعض الخصوصية في هالفترة المتعبة المرهقة وخاصة لو كنت من النوع المتحفظ أو الخجول .... واالله أعرف وحدة تستحي حتى تاكل جدام ريلها عشان ما يقول عنها مفجوعه
لوووووول
بس أنا زوجي بالنسبة لي توأم الروح يعني مافيه بيني وبين روحي حواجز ولا رسميات ودايماً أتوقع ان كل الناس المفروض يكونون مثلنا وإلا فما الفائدة من الزواج؟

أما بخصوص الأهل فهم ما قصروا ربونا و كبرونا و عرسونا لكنهم مب مسؤلين عن عيالنا ,,, أنا عن نفسي مالي حد من بعد ربي إلا ريلي لأن محد من أهلي ممكن يعينني أو يتحمل مسؤلياتي ومثل ما قلتي لكل وحدة ظروفها



مفعوصه
يا عيني عليج يا طيبة انتي .... كل شي انتي تحملتيه و النونو انتي اللي حملتيه وهن على وهن وبعدج تفكرين في مشاعره !!! هذي الرومانسية الحقيقية :)
لو سمعج زوجي بيقول هذي الحرمه ولا بلاش لووووول


قلبى دق
كلامج مضبوط 100%

بقولكم السر

الخلاصة يعني من كل الآراء الحريم نوعين:
بعض الحريم أول ما يعرسن يتولهن على بيوت أهاليهن وبعدين ينتهزن فرصة النفاس في بيت الأهل وياخذنها حجة بس عشان يتذكرن أيام الطفولة صح ولا لااااا؟

أما النوع الثاني اللي يكون بيتها أحلى و أريح من بيت أهلها
و زوجها حنون وطيب ويعوضها عن وجود أي حد ثاني سواء أم أخت ..... إلخ فما تحتاج لأي حد غيره فسيرتها

و النوع الأخير ممكن يعاني من مشكلة وحدة بس (الملل وكآبة الأربعين) فأنصحكم بسفرة قصيرة أو طلعات مع الزوج في السيارة للتغلب على هالمشكلة

أنا رحت عند الوالدة"الله يخليها ويحفظها لي" بحكم إنها أول مولودة لي لأني ماعندي خبرة ...
حتى إن أمي كانت ما تخليني أغيرلها"أكرمكم الله" تخاف لاأطيحها حتى كانت تنام معاي بالغرفة تخاف البنت تبكي وأنا نايمة"الله يعطيها العافية"
وعلى قول الأخت أم مسلم فيه تجديد للحياة الزوجية خصوصا إن زوجي في مدينة وانا في مدينة...

بنات اعرف وحده عندها عند اهلها غرفتها سابقا كبر الصالونات ومع دوره مياه ومع دولاب ملابس ومع كامل

الشي حتى مطبخ مصغر داخل غرفتها الخاصه عند اهلها يعني جناح خاص فيها ~ ومع ذلك تقول بيتي بيتي

بيتي ماللام والرضيع الا بيتهم ومكان نومهم وماشاللـه عليها تهبل طلعت صراحه غيررررر من المره السابقه

اللي ولدت فيها تقول احس هالمره صرت اكرب وانشف وارشق ( رشاقة ) من قبل يعني شيء صراحه

لمسته هي من اعتمادها وقومتها بنفسها حتى تقول سبحان الله انسى اني بنفاس ووالده وهذي حال الكثيرررر ماشالله من بنات اليوم على نفس هالطريقه ونتمنى

التوفيق للجميع ,,,