ياترى حلو لمن تعرفي انه في شي يميزك عن غيرك او يخوف

اولا صباح الخير ياعرب.........

راح اقولكم على شي امكن هو مو غريب على البعض بس بالنسبه ليا وللي حولي شي غريب بالفعل واول مره نسمع عنه.........
اول ماتزوجت طبعا عروسه ومستعجله يكون عندي بيبي عدت 6 اشهر على زواجي وما حملت رحت اكشف قالولي طبيعي ولسه بدري ... طيب عدت سنه وسنه ونص رحت كشفت قالولي عندك عقم موضعي(ودا كمان اول مره اسمع عنه)المهم بعدها حملت بدون علاج ولا اي شي وفي الشهر التاني جاني الله يكرمكم مغص ورحت التواليت كان مغص عادي مو مؤلم مره ... المهم بعدها بكم اسبوع رحت اتابع مراحل الحمل كشف عليا الدكتور وقال مافي الجنين بس في كيس الحمل <<< يه فين راح الواد>>>> المهم فحص وشاف مالقيه قال يمكن نزل وانتي ما حسيتي قلت ممكن قال يبغالك عملية تنضيف قلنا ماشي يوم العمليه كانت المفاجأه....


قبل العمليه بيعملولي فحص واجتمعو فوق راسي 5 دكاتره طبعا تخيلو المنظر شي يفجججججججججججع:06:

المهم قالو حامل في توأم ... شويه قالو لا ... المهم احتارو الخمسه دخلت غرفة العمليات :35:

ولمن خرجت وفقت جاني الدكتور وفجر القنبله....:o

قال يا مدام انتي حالتك غريبه وهي حاله من بين الف مرأه وحده بس المهم

قال انتي عندك حاجز في الرحم قسملك الرحم الى نصفين ولكل قسم فتحه يعني انا دحين عندي رحمين......

واللي يفجع اكتر انه ممكن احمل حملين في بطن وحده مو توأم ... يعني ممكن اولد دا الأسبوع وبعدها باسبوع اواسبوعين اولد تاني........ شفتو الهنا اللي انا فيه ..........

بس الحمد لله ولاداتي قيصريه .... مدري افرح والا اخاف والا اعمل ايه..........:p:06: