ياحرام هي صغيره وعيالها مكبرينها

بنات بكلمكم بموضوع واتمنى تقولون لي رايكم انا مدرسه وتعرفون اللي يجمعنا مع بعض كمعلمات علاقة العمل صحيح نسولف وناخذ ارقام بعض بس سوالفنا عن حياتنا الشخصيه مايتعدى العناوين الرئيسيه يعني نعرف الوحده متزوجه او لا كم ولد عندها وبس يمكن نعرف وظيفة زوجها بس مانعرف اعمار بعض وعموما الاعمار مالها علاقه بالزماله بس بالصدفه فيه معلمه عندنا شكلها عادي ماتقدرين تحددين لها عمر وتعرفون المعلمات بعض شبابيات وعيالها اللي عمره سنه واللي عندها 2 اكبرهم عمره 4 سنوات واللي توها عروس واللي ماتزوجت هذا النوع الاول النوع الثاني اللي عندها عيال بالابتدائي او المتوسط او الثانوي هالمعلمه الضعيفه دايماً نتكلم معها على انها كبيره وانها من القسم الكبير يعني( امهات عيال ) لأن ولدها يدرس بأول متوسط وبالصدفه كانت مره فاتحه المديره بياناتها بالكمبيوتر وشفت تاريخ ميلادها انصدمت مولوده 1399 يعني 1979 بالميلادي ان هنا انصدمت كنت احسب عمرها بالاربعينات او 38 كحد ادنى بعده رحمتها حسيت انها مظلومه لأنها دايما كل ماجلست معنا تحاول تبين نفسها صغيره يعني تتكلم عن تاريخ تخرجها وعن اشياء زي كذا بس لاحياة لمن تنادي احس نظرة الكل لها انها كبيره ودايما يقولون لها المعلمات انشالله تزوجين ولدك وولدك داخل مراهقه ومن هالكلام وهي دايمن تبتسم وتقول هالولد مكبرني وتطلع بس احس المدرسات والناس عموما يحكمون على الانسان بوضعه الاجتماعي ولا لهم علاقه بحقيقة وضعه يعني هالانسانه في وحده مدرسه معنا بنفس عمرها بالضبط ولسا ماتزوجت وبس تتدلع تتكلم عن الشغاله وانها ماتشيل شي بالبيت وان امها مدلعتها وتلاحقها الصبح بالجاكيت وتحلف عليها تلبسه عشان البرد ومن هالاشياء ابيكم تقولون لي رايكم بالهقضيه ليش احنا مانعيش عمرنا ونعيش على اساس وضعنا الاجتماعي يعني انا مثلاً بنت عمي تزوجت وعمرها 15 والحين توها ماكملت 28 سنه وبنتها بالمتوسطه حتى دراسه ماكملت الضعيفه ووبنت عمي الثانيه عمرها 31 سنه موظفه ومريشه تزوجت قبل سنتين وعندها ولد واذا راحوا لعزومه تلاقين هذي تجلس تسولف مع الحريم الكبارعن عيالها ومشاكلهم والثانيه اللي هي اكبر تلاقينه مع البنات والعرايس الجدد يعني تنسجم معهم وتلقى اهتماماتها نفس اهتماماتهم ابيكم تدلون برايكم وتقولون لي ماتحسون ان اللي عيالها كبار مظلومه وماعاشت عمرها انا احس مفهوم ان الوحده تخلف بدري عشان تصير صديقة عياله جدا بايخ ليش اصير صديقتهم المفروض اصير ام ومربيه وموجهه والصديقات على قفا من يشيل بالعكس لما اكون اكبر من عيالي احس بقيمة الامومه وهم يحسون بقيمتي واحترامي اكثر وبعدين اللي تخلف بدري احس في مجتمعنا مالها اي ميزه يعني اذا قلنا انها بتجيب عيالها وهي في عز الشباب بتخرب جسمها عالفاضي ولا راح تبطل يعني بتعجز وهي لسا بتولد واتحدى اذا وحده خليجيه تترك الانجاب قبل 45 حتى لو كانت متزوجه وهي بالـ15 سنه يعني اخذنا ايجابيات الخلفه بدري ولا استفدنا شي انا عن نفسي تزوجت بعمر متوسط 24 سنه وخلفت قبل 3 شهور وعمري 26 سنه واحيانا احس نفسي مظلومه لأن قريباتي بعضهم اكبر مني بسنتين و5 ولسا ينخطبون وماتزوجوا واذا كبرنا بيصير فرق عمر كبير بين عيالي وعيالهم وابين بينهم كأني العجوز وهم يقعدون يتشببون هههههههههه تراي امزح انا طرحت الموضوع للتشاور فقط بس نسولف ونشوف اراء بعض