ياحريم انا طبيعية والا وش قصتي!!!!!

السلام عليكم
كيفكم خواتي بنات عالم حواء...
الصراحة الصراحة
زاااااادت الامور عن حدها .. ولا ادري وش العلة :08:

قصتي
انا عندي بنت و ولد الله يحفظهم ويخليهم ياااارب
حملت بالثالث ولسا اطفالي صغار في السن يعني البنت عمرها اربع سنوات وشهرين
والولد عمره سنة وشهر
في البداية ما اقدر اقولكم الدراما اللي صارت لما دريت اني حااااامل
صراحة اعوذ بالله ذاك اليوم زين ماجاني شي من الصياح و البكاء خصوصا ان روعة اخر ولادة لين الحين فيني
لاني من جد تعذبت طبعا هذا بالنسبة لي
اما بالنسبة للناس
ما اقول لكم عن شهقات الحريم اللي زين ما طلعت روحها
و اللي عيونها بغت تطلع من مكانها
واللي بغت تكسر ضلوعها من قوة طقه الصدر
واللي واللي وما خفي اعظم
هذا وانا ما تكلمت على طول
سكت ثلاث شهور ولما بطني حسيته بان قلت خلاص بقول لخالتي ام زوجي
انا قلت والا ما قلت
بغت تنهبل كان الشي بيدي
و لا كلام الحريم اللي تقول توتس عمرتس ثلاث وعشرين سنة وبيصير عندتس ثلاثة بزارين
والثانية شلون بتربينهم
والثالثة ايييييه بتلتهين عن رجلتس والا هو معرس عليس بوحدة ما عندها بزارين وصجة

والحمد لله انا عارفة ان هذا كله نعمة من رب العالمين الله لا يغيرها
وانه حتى ان تعبت سنة او سنتين او ثلاثة فباذن الله اني راح ارتاح بعدين

لكن مشكلتي ويييييين
المشكلة اني في اول اسبوع في التاسع
ولا استقبلني ولا مستشفى ولا حللت ولا سويييت شي
والله مو مني
وانا في الشهر الرابع رحت لمركز الصحي للحي اللي ساكنة فيه عشان افتح ملف
خذوا مني خمسة براويز دم شي كشف حمل والثاني تحليل شامل
وقالوا تعالي بعد اسبوعين
يوم شرفت عندهم حاست اللي عندها نتائج التحاليل عشان تطلع نتيجتي تقول مافيه باسمك شي
واقولها يا اختي والله اني محللة تقول ما فيه عندنا شي باسمك

طلعت منهم عشان افتح في الشميسي تبهذلت بهذلة كل يوم بكرة مر شهرين وانا على ذا الحال

قلت مالي الا مدينة الملك فهد الطبية
والحمدللة بعد طلعت الروح ارسلولي رقم الملف على الجوال وقالوا اتصلي عشان تاخذين موعد
كل مادقيت قالوا رقم الملف خااااااطي:08:
انهبلت كيف خاطي رحت لهم بنفسي قالوا غريبة نرسل رسالة لك برقم ملف مو موجود عندنا ما قد صارت
راجعي بعدين
بعدين صارت شهر
لما دخلت السابع قلت يا حرمة روحي سوي اشعة بفلوسك ابرك
يوم رحت سالتها ايش نوع الجنين:23:

قالت يابنتي الحبل السري مغطي العضو وما اقدر احدد لك لكن تعالي بعد اسبوع
وترا المشيمة نااااازلة :freak6:

فانتبهي لازم ترتفع
واجيها بعد اسبوع قالت لااااا اله الا الله شوفي يابنتي وتقعد تحلف ان الجنين حاط يده على العضو
انا انصرعت وش قصتي
امي تقول انها غفت و حلمت اني اتصل عليها اقول يمه فيني عين
ياناس انا تبهذلت اليوم خمس مستوصفات رحت لها ابغى اسوي سونار عشانا المشيمة لا زم اتاكد انها ارتفعت
عشان اولد وانامرتاحة لانها لو طلعت قبل الجنين والعياذ بالله راح يتاثر الجنين
وكل المستوصفات ما استقبلتني الكل يصرفني بتصريفة

معقولة اللي فيني عيييييين معقولة انعفست كذا
وش المفروض اسوي
يقولون الرقية في حالتي ماتصلح لاني يمكن اتعب
وانا خايفة اولد في اي وقت وانا ماادري عن المشيمة
المصيبة الاخيرة خذيت موعد من مدينة الملك فهد الطبية ويطلع نفس يوم اختباري النهائي في الجامعة ونفس الوقت يعني الامتحان مستحيييييييييل يتاجل
اااااااااه ياربية شالحل