اهم شي في للقهوه انك ماتحطيها في مكان حار لانها تخرب ويصير طعمها مهب مقبول ولازم جديده تاخذين كميه قليل اذا كنتي ماتسوين قهوه دائم لان القهوه تخرب بسرعخ حتى شوفي في التلفزيون البدو الي في البر كيف يحمصون قهوه قليل بس حق مره وحده وهم خبره بالقهوه مايحتاج قهوتهم تنعنش الراس اتوقع ان التخزين له دور كبير

القهوة البرية الخولاني هي السر روووووووعة كنت اتعقد من قهوتي ومن يوم استخدمتها مع خلطة القصيم الي علبتها سماويوشوي حليب وزعفران اصلي صاااااااارت تهبل

أنا أقولك سر قهوتي أولا تحطين القهوة المقدار الي تحبيه مع الماء وشوية زعفران الي يجي مطحون وأخليها تطبخ ساعة طبعا بتقل الموية زيدي عادي بس أهم شيء تكون كمية القهوة في البداية صح يعني مثلا إذا تحبيها ثقيلة زيي 2 فنجال قهوة((تقدري تضيفي مسمار وهيل عدل مع طبخ القهوة بس لا تكثري)) وبعد كذاصبيها في الثلاجة وحطي فيها خلطة القصيم للقهوة أو هيل واو بصراحة تنمدح والسر في طول مدة طبخ القهوة وقولي أنتي منوين وأدلك على مكان قهوة بصراااحة جدا نظيفة وطول عمري ما أشتري إلا من عنده وبالتوفيق

الحريم كذا مايحبون يعلمون هذ سرالمهنةعندهن

حنا قهوتنا روعه مو لان حنا دواسر ومعرفين بالقهوه اللي تعدل الراس
والله الكل ينجن في قهوتنا اهم شي الزعفران الاصلي مو اي زعفران وبرضوه حطي اشنه مع القهوه وهي تغلي والهيل بس ملعقه في الترمس وبرضوه نحط ملعقه من خلطه نشرتيها من وحده تبيعها والله الريحه جنااااااااااااان والطعم خقققققققققق