اقولك السر عن تجربه
قهوتي كلن يمدحها حتى بالكليه يخلوني اسويها
السبب اني احط ملعقتين بن مع مويه واخليها تطبخ لعشر دقايق
وبالثلاجه ملعقه صغيره من خلطه القصيم العلبه ابيض وازرق
والهيل ما اطحنه الا ذاك الوقت اللي اسوي فيه قهوه
لانه يصير اطعم جربيها كلن بيسالك عنها
وراح تدعيلي وقتها

طريقتي بالقهوة:
احط3 ملاعق بن
وم ك زنجبيل ونخوة مطحونة ومخلوطة مع بعض
وشوي صفار زعفران وخليها تغلي لين تطلع عيونها
ولمن احطها بالترمس :اضيف ملعقتين هيل وم وسط زنجبيل ونخوة وصفار زعفرانوبعدها اصب القهوة فوقها
وسلامتك

ان كشفت سر وحده من جمعتناء قهوته مره موت من ريحته ولونا غير اسر انه تشتريه من حرمه تحمسه وتطحن مع زعفران الكيلو بثمنين ريال عاد تحط معه مستكه وشوعويدي وهيل فيه حريم خبيرات بلقهوه

السلام عليكم

اغلب انواع القهوه

هي
بن+ هيل
مع اضافة( زعفران او قرنفل= مسمار)

ولكل وحده الخيار بصنع قهوه+هيل مع اضافة(الزعفران) او(القرنفل)

اما انو تخلط زعفران قرنفل وهيل(ماراح تظبط الشغله) لأنو كل واحد من هالمكونات له نكهه قويه ورائحه أقوى

والمفترض هو مثلاً
بُن مقدار فنجان قهوه+ماء كاستين ونصف او ثلاث+ملعقه هيل جديدوكميه قليله من الزعفران ولابأس من وضع نقاط من حليب أبو قوس السائل

حلو الشي لما يكون موزون

واهم سر في تحضير القهوه (هو التحميص= الحمس)

مايكون وصل لدرجة الأحتراق والا كان الطعم قريب من النساكفيه
ومايكون البن لسا أخضر
الحمس على نار هاديه وتنقية البن قبل

وأضافة نكهه مع الهيل نكهه واحده فقط

اما 3 او 4 نكهات ماينفع

انا اطبخ القهوه مع اضافة مويا حاره لمدة 3 دقائق فقط
اما الهيل الناعم المطحون بوقته اقصد جديد والزعفران ونقاط الحليب
احطها في تلاجة القهوه(الترمس)
واصب القهوه عليها
واخليها 10 دقايق قبل اقدمها

البعض يفضلون او يشترون
الخلطات الجاهزه
زي خلطة بهار القصيم
اعتقد كذا اسمها
كمان حلو بس اهم شي الكميه ماتكون كثيره
3 ارباع الملعقه تكفي مع الهيل طبعا لأنو مكون اساسي بعمل القهوه

وبس هذا الي عندي

قهوتي لها نفس الطعم والمذاق الرائع من 15 سنه والحمد لله

وماشاء الله تبارك الله

فيه الخلطه القصيميه تشترينها جاهزه من العطار تحطين منها نص ملعقه مع الهيل في الدله صدقيني اذا ذقتيها ماراح ترضين باقل من هالخلطه ولا راح ترضين باي شي غيرها فعلن مميزه وبياض وجه