شوفي عزيزتي.....

القهوه يبي لها طبخ على نار هادئة لمدة لاتقل عن ثلث ساعه وبدون هيل ،إذا محموصه حيل حطي شوي كوفي ميت يعني فنجال قهوه مع ملعقة صغيره كوفي ميت تضاف للتر ماء.
الزنجبيل لاتطبخينه يطلع طعم مو حلو بس يحط مع ذرة مسمار مطحون و3 ملاعق هيل والزعفران حسب الرغبه.

الزنجبيل والنخوه والمسمار ماتنحط بقهوة الرجال عندنا ابد.

وبقول لك عن شغله انا وحده فضلت ماقول السر لبعض معارفي لأنهم للأسف سفهاء وفسرو الشغله غلط.

بالصدفه زادت عندي قهوه في البكرج غطيت فم البكرج وحطيته بالثلاجه ، اليوم الثاني سخنتها وحطيت الهيل بثلاجة القهوه ووديتها معي الدوام والله المدرسات كلهم هوشه على قهوتي.
هذي القهوه الزينه اللي تقعد الرأس ومن هالكلام .
البعض فسرها بخل وجعصه حتى القهوه توفر فيها .....

عشان كذا نصيحه لو زادت القهوه لا تكبيها خليها بالثلاجه حقت التبريد قصدي، بالبكرج حتى لو فيها هيل انت بتسخنينها اليوم الثاني ماراح تطبخينها لفتره طويله ،وشوفي الطعم .
ترى الناس اول يسمون البكرج بالمخماره لأنها كلما خمرت القهوه صارت اطعم.

الله يعطيكم العافيه والله أستفدت من بعض البنات
حبيبتي البن أفضل شي يكون هرري أو خولاني والخولاني أفضل ونصيحه إذا بتشتري بن خذيه من السيارات اللي تجي من اليمن لأنه أفضل بن من عندهم ويكون جديد وهذا سر طعمها إنه البن جديد وسعره حلو وأختاري المحمس حمسه متوسطه يعني لافاتح ولا غامق
وطريقتي أضيف الماء و2 ملاعق مليانه بن وشوي زعفران وزنجبيل مطحون و4 حبات فرنفل (( مسمار )) وأخليها تغلي لمدة نص ساعه وبعدين أضيفها بالدله وأضيف الهيل والهيل ماطحنه كثير وتعالي أشربي وفسم بالله كل اللي يذوقها يسأل وتخلص الدله كلها

اب

أنا قهوتي بسيطة المقادير لكن طعمها روووعة من غير مبالغة مني ومقاديرها كالتالي
بن ولابد يكون محموص بالبيت , هيل مطحون ناعم , شيبة (اللي نستخدمها بشوربة) , زنجبيل مبشور
لما تجي تسويها أولا تغلي الموية بعدها تحطي مقدار ملعقه أكل بن ونص ملعقة كلا من (الهيل والزنجبيل) وتحطي أثنين شيبة
وتخليها ربع ساعة عالنار على الأقل حتى تحسي ريحتها طلعة بعد كذا تشخلي القهوة بثلاجة وشوفي المدح كيف
جربيها إن شاء الله تعجبك

الله يعطيهم العافيه الاخوات ماقصرو