تحذيـــــــــر
إن هذا الموضوع عبارة عن خرابيط....لذالك اللي عندها شغل ولا شي
رجاءً لاتضيع وقتها...تعرفون الوقت كالسيف إن لم تطعنه طعنك<~~ أقول حالهادري اني غثيتكم كل شوي وانا منزلتن موضوع!!
واسمعكم من بعيد تقولون لا لا لا لا لا لا لا لا لا لا لا لا لاتنزلين موضوع الله يرحم والديك......
بس ماعلي منكم<~~ الله من زين البدايه
بكتب لكم مسلسل قصير منب مطوله :2thmup: لأني اعرف شعوركم وانتم تقرون المواضيع الطويله<~~ اللي مايعرف الصقر يسويه بروستد البيك
الى على طاري البيك..الحين وش زوده عن المطاعم اللي عندنا
لارحنا لمكه طلعوه مع خشومنا كل يوم نتعشاه ماصارت !!..... ووش حيثه عليه زحمه!! ولابس ينفق حق الناس!!بعد هذه الخطمه نعود للقصه ...هي قصه وقعت احداثها في العام الواحد والعشرين قبل الميلاد
وقد اُلفت منها عدة كتب...واصبحت هذه القصه مصدر الهام لكثير من الكتاب
ولاتدققون بالاحداث والاماكن
تراي في التاريخ مدري وين الله حاطني<~~اخلصيوالاسماء وهميه يعني مهب الصدقيين .....غيرهم...ورجاء اللي تبدا تكمل <~~من زينها
الـــــــمسلسل
؛¤ّ,¸¸,ّ¤؛°`°؛¤ بـطــــولـــــــة ¤؛°`°؛¤ّ,¸¸,ّ¤؛
ام لهب
رابعه العدويه
البسوس
خبيطه
ام تأبط شراً<~~ ترى مهب اللي معنا بس مالقيت اسماء!!
حياة الفهد
ومجموعه من الجواري كومبارس
=----> (الحلقـــــــه الاولــــــى) <----=
مشهد صبحي تظهر فيه ام لهب ورابعه العدويه جالسات يتبادلن اطراف الحيث في خيمة رابعه ويشرب قدحا من قهوة الضحى وكانت ام لهب اقوى سيده في الحاره ومحد يقدر يقولها شي........
"اقول يارابعه بتروحين تحضرين المسابقه"
"ايه ليش ما اروح خليني اشوف من اللي بتفوز"
وهن منسجمات في الحديث........وفجأه .......صوت صراخ قادم من بعيد........ويقترب الصوت.......ويقترب
"وش بك طوااعين"
"يمه اخذت من راعية البسطه حلاوه وبغت تظربني"
قامت ام لهب وشالت شلايلها
والغضب يتطاير من عينيها متجه الى خبيطه"خير ان شاء الله تظربين الولد عساك للكسر وين حنا عايشين فيه"
قامت راعية البسطه تبي ترد....وما امدها تقوم الى وام لهب معطيتها ذاك الكف اللي نفخ وجهها.......وطاحت على الارض وتكمل ام لهب تكفيخها مع ولدها
=----> (الحلقــــــه الثانـــــيه) <----=
ام لهب تمشي في الطريق ....سمعت طرف سالف.... بين البسوس وام تأبط ....ووقفت تسترق السمع
"اقول سمعتي اخر خبر"
"قولي يالبسوس مع اني داريتن ان ماورك ياعجوز النار غير الشر"
"يقولون ام لهب سطرت خبطه ومردغتها"
" عاد خبطه تبي تسكت لها؟؟ ذيك بايعتها بتراب خطر لاتقتلها"
ام لهب سمعت طاري الموت
بدت تراعد عظامها شوي وتفكك!!=----> (الحلقــــــه الثالثـــــــه) <----=
ذهبت ام لهب الى خبيطه تود مصالحتها
" ماصار بيننا شي حنا خوات و ترى مصارين البطن تهاوش"
"والله ماعمري سمعت مصراني يدبغن بعض<~~تنكت الله يصلحها"
"طيب اطلبي اللي تبينه وانا اسويه لك"
"ابيك تروحين لسيدي عنتر"يعني هي جاريه"وتخلينه يعتقني"
"طيب وش رايك تشاركين بيوم الحسان يمكن احد يشتريك"
"اقول شف وجه العنز واحلب لبن بس نجرب"
وتحملت ام لهب على نفسها وذهبت الى عنتر بن شداد .تقنعه بمشاركة خبطه
وبعد نقاش طويل وافق عنتر
على ان تجيب خبيطه اعلى سعر على مسؤلية ام لهب<~~حركات ذا العنتر=----> (الحلقــــــه الرابعه) <----=
في سوق النخاسه
هدووووووء يعم المكان والعيون تراقب الجواري الحسان ويهن يستعرضن بين الحضور......
وبعد انتهاء العرض فازت جارية ابو عثمان بجائزه اغلى جاريه!!
هونا طلعت عيون ام لهب !!!!! وش السوات مع هالنشبات اللي توهقت معهم!!
لابوهم لابو من يسكن حولهم هم وبسطتهم!! وراحت تحط حرتها في ولدها!!
=----> (الحلقــــــه الاخيـــــره) <----=
اختاري احد الاجابتين:
- يوم طلعو من الحفل مسكت ام لهب خبطه وحجرتها في زاويه وغالتها لين طلعت روحها!! وطبعاً عنتر ما قدر يقولها شي خاف تذبحه هو بعد
- يوم طلعو من الحفل مسكت خبطه ام لهب وذبحتها.....وطبعاً عنتر صار عبد عندها لانه خاف تذبحه هو بعد<~~طلع رخمه ذا العنتر
ادري ان النهايه كلها ذبح
بس وش رايكم مهب اطلق من تمثليات رمضان<~~طسي الله يصلحكبس الصراحه مايسوى عليها هالكف ليتها ماظربتها!!
النهــــــــــــــايه
ططن ططن
~~اعتذر عن المصاله....بس تراه اول موضوع من الكبد الى المنتدى على الهوا يعني~~
والمجال مفتوح للسب والتطنز<~~ الاحساس صفر
خارج الموضوع
مقاله حلوه لطلال الرشيد الله يرحمه .......هي طويله شوي بس اخذت منها ثلاث مقاطع:
الدين - العادات - التقاليد - القيم - والأخلاق التي بذرها العرب في نفوسنا منذ الأزل وجاء الإسلام بسموه ليقرها ويتمم نواقصها.
وموضوع المرأة دائماً ما يكون هو نقطة انطلاق وارتكاز مثل تلك المجادلات التي تتهمنا بالتخلف، وغالباً ما يكون موضوع المرأة نفسه هو دليلنا القوي على الأصالة والعمق والخصوصية التي نتميز بها عن غيرنا.
ومما يؤسف له أن من يتهمنا بالتخلف هم بعض إخواننا العرب من الأقطار العربية التي طغى على بعض من أهلها التأثر بالأوروبيين والشعوب التي تملك التطور الصناعي وتفتقد للحضارة الروحية السامية.
ودعونا نستعرض أحد أهم المظاهر التي يعتبرها البعض تطوراً وحضارة، وتقف خلفها جهات رسمية ونعتبرها نحن ديناً وأخلاقاً.. قمة الانحطاط الخلقي والتخلف الجاهلي تلك هي (مسابقة ملكة جمال....) لعلي أذكّر من يعلم وأفيد من لا يعلم أن العرب في الجاهلية وعبر كتب التراث وما يحكيه الرواة كانوا يحددون يوماً في السنة أظن أنه كان يسمى (يوم الحِسَان) ولك عزيزي القارئ أن تعقد مقارنة بين هذا اليوم ويوم مسابقة ملكة الجمال الذي يتم الإعلان عنه والإعداد له مسبقاً.
في (يوم الحِسَان) كانت تجلب الجواري المملوكات ليتم استعراضهن مشيةً وغناءً وحديثاً وقواماً وبهاءً أمام وجهاء وأعيان المجتمع الجاهلي وكذلك الوافدين من كل حدبٍ وصوب إما لشراء ما يطيب لهم من الجواري أو الاستمتاع بالنظر لجمال هؤلاء الغيد المساكين اللواتي أجبرهن أسيادهن على إبراز مفاتنهن وجمالهن وكسر عفتهن لتباع الواحدة منهن بأكثر قدر من الدراهم ويستفيد مولاها الذي جلبها سلعة يتاجر بها.
فكان عليها أن تعبر الحضور في شبه عري وتعود من أمامهم لتستعرض ما تعرفه من فنون الرقص وإن غنت فذاك من زيادة الخير، ثم عليها أن تلقي ما تحفظ من الشعر العربي على مسامع الحضور.
وفي نهاية هذا المهرجان وبعد المزايدات والمزاد يعلن على الملأ أن الجارية فلانة هي أغلى الجواري ثمناً وقد فاز بها واشتراها فلان ابن فلان تليها الجارية فلانة ثم فلانة ثم فلانة..
فبالله عليك عزيزي القارئ عندما تعقد مقارنة بين ما رويته لك من أحاديث الجاهلية في استعراض وبيع الجواري وما شاهدته في مطلع القرن الحادي والعشرين على شاشة تلفزيون عربي، أتجد فرقاً سوى أن هناك جواري يُشترين ويُبعن إلا أن أسيادهن ينزهون ويكرمون بناتهم وأخواتهم وأمهاتهم عن هذا الانحطاط.. وهنا وفي وقتنا هذا مجتمعات ومؤسسات رسمية تستعرض بفتيات مجتمعها بطريقة لا تمت للأخلاق ولا للقيم الإنسانية بصلة. أستغرب أن يكون هناك رجال عقلاء خلف مثل هذا العمل الكبير والمنظم. وسؤالي هو أليس التخلف هو العودة لجهل الجاهلية في التعامل مع الإنسان كجسد بعيداً عن الروح؟! أم التخلف هو حفاظنا نحن الخليجيين على القيم الروحية والذاتية لمجتمعنا وأفراده.
ابنزل موضوعي واجي
م ي م و