ياخبيرات الرز سحور الحموله الليله علي وما اعرف

هلا حبيبتي افضل طريقة رز وانا احبهاااااااااااا

اول شي تحمسي بصل مع الثوم وتبرشي 4 جزرات برش وتقلينهم مع بعض بعدين وتحطي اربع حبات هيل وقرنفل وتقليبينهم لين يذوب البصل والجزر مع الزيت وتحس ان ريحة الهيل واقرنفل طلع وتحطي كمية الرز اللي تبينهااااا وتقعدي تقلبي لين يختلط الرز مع الجزر

وتكوني انتي حاطه على النار ابريق ماي فاير

يعني حار
وتحطينها على الرز لين يرتفع عن الرز نصف اصبع وتحطين ملحك وفلفل اسود مطحون وشوية بزار مطحون تقريبا ربع ملعقه صغيره

( واذا تبينه الرز ابيض خليه من غير بزار ولا بهار بس على الهيل والقرنفل ) ويا زينها لو تحطين بدل الماي العادي ( مرقة حم بتخلي طعم الرز خيااااااااال )
وخليه على نار مرتفعه لين تشوفي ان بدى يقل المويه ويتشرب مع الرز قصري عليه حيل حيل وخليه معطي

واذا بغيتي احلى كشنه وانا مجربتها تخلي طعم الرز يجنن ( تقصصي بصله على شكل هلال وتحمسينها على الزيت لين يصير لونه بني وتقوني من قبل منقعه ( زبيب ) وتزلينه من الماي وتحطينه على البصل لين ينتفخ الزبيب وتاخذين شوي من مقدار الرز اذا استوا وتحطينه على البصل والزبيب وتحطين نصف ملعقه صغير او ملعقه صغيره كركم على الكشنه وقلبي وزيدي شوية ملح وحطيها فوق ااالرز اذا قدمتيه للرجال

وادعيلي بالذريه الصالحه ويعجل ربي بحملي

شوفي حبيبتي
اول شي نقعي الرز اذا شبيتي (ولعتي النار) على اللحمه اليين تخلص اللحمه من الطبخ وهو منقوع هذا شي

_ الشي الثاني موية اللحم لازم قبل ماتكبين الرز تصير مايله للملوحه عشان يصير ملحه مضبوط وتصير المويه تغطي الرز تقريبا سانتي او سانتي ونص على حسب الرز اذا كان يشرب الماء والا لا

وبالنسبه للبهارات لاتحطين كثير لانه هو اللي يصفر الرز الا اذا كانت بهارات مافيها مصفر

حطي مثلا 5اعواد قرنفل وكم حبة هيل وكم حبة قرفه وكثري الزيت لانه هو اللي يخليه نثري والزبده عادي حطيها مثل ماامك تحطها بس اهم شي الزيت لاتستغنين عنه بوجود الزبدة

واذا بغيتي تنكبين الرز حاولي تنفشينه وتحركينه عشان يصير نثري

هذا اللي اقدر افيدك فيه بس خبرينا عنك وش يصير عليك

وادعي لي ان ربي يحقق اللي في بالي ويسخر زوجي ويصلح اولادي ويطوي غربتي

حياك الله اختي منورة
انت شوفي الرز اللي تستخدميه بالنسبة لي استخدم
ارز المهيدب او ابو خروف
اما بالنسبة لنقع الرز انا اتركه ربع ساعة او نصف ساعة


استخدمي قدر الضغط ممتاز لعمل الرز ولا يحتاج ماء كثير فقط اللي يغطي الرز
ويكون الرز اذا عملته حبة حبة يعني نثري
وعندي طريقه دائما اسويها وهي
في القدر اضيف زيت نصف كوب ثم البصل ثم يحرك ثم بهارات صحيحه
هيل وقرفه ومسمار ويقلب ثم الدجاج المقطع نصفين ويترك قليلا حتى تصبح بيضاء
ثم اضيف طماطم مقطع صغير
في الخلاط نصف حزمه كزبرة وقرنين فلفل حار تزال البذور وراس ثوم كامل
وملعقه بهار مشكل وملعقة ليمون اسود ويضرب جيدا حتى تنعم ويضاف
في القدر ومعه الصلصه ويقلب ويصب عليه الماء ويترك يغلى حتى تنضج
الدجاج ثم ترفع ويضاف الرز ويكون الماء الي يغطيه ويترك حتى ينضج وتدخل الدجاج الفرن ممكن ترش بالبهار المشكل

عذريني اختي اذا كان فيه اخطا في الكتابه لاني اكتب بسرعة علشان تسوين السحور بسرعة

ملاحظة; ممكن تزيدي كمية الكزبرة والفلفل الحار

حبيبتي............

الله يسر لك أمرك يااااااااااااااااارب.........

شوفي يالغاليه هذي طريقتي في الرز وممكن تعدلي فيها ع حسب رغبتك............................
حطي زيت في القدر وبعدين بصل مقطع صغير طبعا.................شوحيه شوي ع النار..........حتى يذبل ويبدا يصفر............
ومن قبل نقعي الرز في مويه يعني نص ساعه تقريبا وممكن لا عادي ....
المهم.............حطي الرز وقلبيه شوي ........وبعدين خذي قرفه وقرنفل وهيل كلها صحيحه طبعا يعني غير مطحونه....وحطيها ع الرز.............وبرضوا ورق الغار..............وبعدين حطي مويه مغليه من قبل ......ولاتكثري المويه أبدا يادوووووووووووب تغطي الرز بشيء بسيط جدا.................وحطي الملح ............وغطي ع القدر .....إتركيه لحد مايبدا يستوي حطي فلفل أخضر حااااااااااار حبه على الوجه وغطي عليه وأتركيه لحد مايستوي ....................وبس..........
وممكن تحطي شوية زعفران ع الوجه ويكون أبيض واصفر................
وبالتوفيق............
سامحيني والله كلامي مو مرتب أكتب وانا مستعجله عشانك ..............

حبيبتي لما ينش الرز
ابدي ترفعين الرز لفوق عشان ما يصير حب ونقعيه لنص سااااااعه

انا استخدم رز بسمتي ( الكويتي )وهو يحتاج مويه لانه التنقيع ما ينفع