يادكتورة ويابنات..بنتي والشغالـــــــــةاترجاكم تدخلون الله يهدي لها عيالها الي تدخل؟

اهلين
جايتكم يابنات وانا كلي احباط كلي ياس
واتمنى انكم تحسون فيني وتفهموني
ومابي احد منكم يتهمني بالتقصير او يكون قاسي علي
محتاجة لحنانكم والله اني صادقة
وكلاكم بيكون بلسم على قلبي خاصة
اللي مرت بنفس حالتي
وســـــــــــالفتي:
بنتي عمرها 8شهور ونصف
عندي شغالة اندنوسية جبتها يوم كان عمر بنتي 3شهور ونص
وهي اول طفل بالنسبة لي
مشكلتي ان بنتي تحب الشغالة متعلقة فيها
وانا مشكلتي مسجلة بنادي رياضي شهرين
اصحى من نومي 2 ونص الظهر اتقهوى وافطر واطلع على 3
وارجع 8 بالليل
متفككة وتعبانة
وبنتي بسم الله عليها تحبي وحركتها كثيرة مافيني ااتابعها واراقبها
ماتحب حتى تقعد بحضني ترفس برجليها
وتبي تحبي وتروح وتجي بسرعة
فاضطر اخليها مع الشغالة
وكل شوي اطل عليها
لاني عند اهلي مو ببيتي هالفترة
يعني ماتكون معاي بنتي الا فترة نومها
الموقف الغريب اللي هزني وخلاني اجي اكتب
بنت خالتي جتنا ومو متعودة بنتي عليها
جيت البس بنتي بس تصيح
وجات بنت خالتي شالتها سكتت
وجيت اخذها تصيح ماتبيني :icon33:
اااااااااه بس يازين ايام الحمل يوم كانت بنتي في بطني
ضاع كلش الحمل والولادة والتعب والسهر
وحاولت بجميع الاشكال اخذها رافضة وتحضن بن خالتي
المشكلة مو بس في الشغالة انها متعلقه فيها حتى ابوها طول اليوم ماتشوفه اذا جاء بالليل تركض عليه
وتبيه تشتاق له
انا ماتسوي معاي كذا
احسها تكرهني يابنات وش اسوي
انصحوني
وش اسوي حركات اخليها تتعلق فيني لاني مشغوله هالايام بالنادي
وهل الطفل يفهم بهالعمر..
الله يوفقها ويصلح لها عيالها ويرزقها رزق ماله اخر
اللي تنصحني واللي مرت بنفس الشيء تقيدني