ياربي تعبت من وضعي مع اطفالي

السلام عليكم ...
قبل ابد في موضوعي رجاء خاص للمشرفات لا تنقلون الموضوع هذا اكثر قسم القى فيه ردود تبرد القلب
انا بقولكم موضوعي وانتو اعطوني حل احس اني خلاص باقي بيني وبين الجنون شعره...وانا كتبت سالفتي هنا باالمنتدى لاني ودي افضفض يمكن ارتاح نفسيا...قلت مالي غير بنات حواء اشكي لهم همي
سالفتي ياخواتي ...عندي بنت عمرها 5 سنوات ولد عمره 3 سنوات....كان المفروض ادخل بنتي روضه ها السنه بس في ضروف منعتني ادخلها ...قلت السنه الجاي ان شاءالله اسجلها بروضه...بنتي هذا عنيده مره مره وبس بنفس الوقت حنونه على صح انها تحب تعاند وماتسمع الكلام بس لما تكون مروقه مافي احسن منها ومافي احن من قلبها على وعلى اخوها وابوها..السالفه ومافيها انها وقت النوم مجننتني ماتنام الا لما اكون جنبها احيان ادخلها غرفتها عشان تنام واخرج مايمديني اخرج الا تجلس تبكي وتصارخ تقول تعالي نامي معي...اقولها اخوك نايم معك تقول لا انتي نامي معي ..لي معها ع ها الوضع سنه تعبت مرررره معها ..هي كانت تنام معي كذا مره احاول مع زوجي اني اطلعها تنام وحدها كان يرفض الين جاء يوم وتخاصمن انا وهو عشان ازعجها هي واخوها بالغرفه من يومها حلفت عليه يا يجهز لهم غرفه ولا بطلعهم ينامو في صاله ...المهم اقتنع ذاك اليوم وراح جهز لها غرفه ...هو كان سبب رفضه انها تنام وحدها انو مرره متعلق فيها ويحبها مررره ويخاف عليها فكان يقول اخاف عليها تنام وحدها .. بس وش اخر .ها الخوف انها عذبتني لما طلعتها غرفه وحدها...صارت تخاف تنام وحدها لاني طلعتها بعمر 4 سنوات...بعكس اخوها لانو طلع من عمر سنه ابد مايدور على ع طول ادخله الغرفه بسم الله عليه ينام وهي لا تجلس تبكي وتصارخ لين انام معها...انا مليت وتعبت من الوضع هذا ..صرت مايمديها تنام وروح لغرفتي الا خلاص ابغى انام ويكون مزاجي زفت ...وطبعن زوجي يبغنى اسهر معه ...بس كيف اسهر وانا تعبنانه ....وفي شي ثاني بعد من اول ماتصحى من النوم هي واخوها يبدون مضاربه وصراخ ع بعض والله من اول مايصحون لين ينامون وهم ع هاالوضع طبعن جربت اني اطلعهم يغيرون جو وجبت لهم العاب جبت كل شي يحبونه الاطفال مافي فايده انا خلاص صرت احس اني بنجن منهم ...معقوله كل الاطفال كذا ولا بس عيالي جابو لي الجنان..اليوم جبت لهم وصله وشغلتها لهم من الجوال لشاشه البلازما شغلت لهم النمر الوردي ...جلسو عليها يمكن ساعتين زي الاصنام ...بعدها خفت عليهم ...قلت وش فيهم ولا حركه ...ابغى اسال هل طبيعي اني اتركهم قدم شاشه ساعتين واكثر...داما فيها راحه لي ..ولا بيجيهم شي ...وكمان صرت انا وزجي بس نعصب ونصارخ عليهم من ازعاجهم مررره تعبونا. واغلب مشاكلنا صارت بسببهم....يارب يصلحهم ويهديهم ..والله العظيم احيان اتمنى اني ماجبتهم من كثر التعب الي انا فيه منهم .
..رجاء الي ماعندها رد يبرد القلب لا تدخل ...ولا بتدخل تقول احمدي ربك ع نعمه ...من دحين بقولها انا حامده ربي ع نعمة الامومه والاطفال. الف حمد لك يارب ع النعمه الي عندي ..بس انا كتبت بالمنتدى ودي افضفض ورتاح...