ياربي ...متى يا امهات نعتبر بغيرنا !!!!!

:angry2::angry2::angry2:
تحملوني تراي معصبه من اللي اشوفه ويصير
تذكروا معي اخر حادثتين صارت وهي خطف الشغاله للبنت سواء بجده او اللي صارت بالرياض ولا اعتقد احد مادرى عنها :(وكيف جلسنا ندعي ان الله يحفظهن ويلقونهم والحمدلله
الحين جاء دورنا والمفروض مايبغا لها كلام ابنائنا أمانه :06: واللي رفع ضغطي رحت لمجمع تجاري
وكان بالدرو الثاني كالعاده قسم للمطاعم كبير وبعده قسم لجلسات العائليه على شكل كباين اولا اللي رفع ضغطي اخوات في الله مجتمعين داخل احدى الكباين ومسكرين الباب عليهم ومخلين الشغالات جالسات برا عند باب الكبينه على الارض والله بشكل يكسر الخاطر ولامعهم لاماء ولاعصير ولاشي خالعين جزمهم وجالسين والله شكلهم يحزن ونقول ليش يحقدون علينا وكان فيه مجال انهم يقولون لهم جيبوا كراسي واجلسوا عليها لكن واضح الله يهديهم مايهمهم الا انفسهم والله شكلهم ياحرام والناس تروح وتجي وهم جالسين بالارض والمدامات بالكبينه ضحك وبلع
النقطه الثانيه بعد شوي وانا طالعه من قسم الجلسات وكان كبير ومزدحم مريت من عند دورات المياه اعزكم الله وكانت بعيده عن الجلسات الا وشوف:mad: نفس الشغالات معهم عيال المدامات صغيرين بعمر سنه وبعمر سنه واقل كل وحده شايله واحد ورايحين يغيرون لهم بدورات المياه اناظر وادرو:icon810: اكيد معهم وحده من الاخوات لا والله الا لحالهم :mad2:
طيب لو الشغالة اخذت الطفل وطلعت برا السوق وركبت لموزين والله تسويها بالراحه لان المدام تقهوى ومو داريه !!!
كيف وصل فينا البرود باتجاه اولادنا والله لايمكن تروح شغالتي من هنا والا هنا بولدي الا وانا معها يا اخوات العمالة تمردوا لانهم مالقوا نظام يردعهم لكن احنا المفروض مانخلي لهم الفرصه
ما اقول الا اللهم عاف كل وحده من هذه النوعية ولاتبلانا
اللهم احفظ ذريتي واجعلني ممن قام بأمانتهم واصلحهم لي ولكل من قال آمين