السلام عليكم
مادري من فين ابدأ لكن أنا انسانه حاره للأسف الشديد
في كل شي عندي نظام أكل نوم شغل كل شي
حتى أولادي هلكتهم معايه سوي اعمل
طفشو مني والود ودهم يهجون عني
لو حصلت مشكله تكون ردود أفعالي غلط لكن اتهور وانسى
مااصبر واستنى الأمور تكتمل والضحية في الموضوع ابناااائي
بحجة خوفي عليهم من الشارع ولو الأمر بيدي مااخليهم يطلعون أبدا ولايشوفون النور من القصص إلي أسمعها عن الأولاد الي في سنهم
مع إنهم الكل يمدح في تربيتهم وسلوكهم واخواني معجبين فيهم ويثقون فيهم
يصلون الصلاه في وقتها لو بقي عن الصلاه خمس دقايق ونام واحد فيهم اصحيه لو يروح للمسجد زحف
ماأتجاوزأبد لين أحس إني تعبت وارهقت ومادري إلي اسويه صح ولاغلط
الأمر إلي خلاني أكتب الحين تأنيب الضمير على طفلي وأنا أسميه طفل لأن حركاته عشوائيه بحكم صغر سنه
أخذ مفتاح السياره من دون علمي وراح للمسجد يصلي وخباالسياره خلف المسجد عشان ماحد يشوفها وصلى وحضر التحفيظ
لسا مااعطيته فرصه فقدت السياره وأرسلت أخوه يجيبه ومسكته مسكة الله أكبر اضرب فيه من غير إحساس
ضربي ناادر لكن اذامسكت واحد فيهم الله وكيلك ماارحمه وفوق هذا كله جاني بعد عشر دقايق وأنا منهاره وباس يدي وبكييت وقلت له هو وأخوه ليش تعصبون بي ليش دايم تبغوني حزينه
ودخل زوجي في هذا الوقت وليته مادخل صحت في وجهه وقلت فكني منك السياره لاتسيبها مع أولادك بيعها لو ماتبغاها مع إني أنا المستفيده ارسلهم لو احتجت حاجه
وهو مصدوم ونظر في أولاده نظرت عتاب
هو طبعه كدا ماشاءالله عليه يتروى في أخذ القرار وزعل والحين البيت مكهرب كل واحد يجامل الثاني في المعامله
بكره بنصحى بإذن الله وكأن ماصار شي بس أبغا حل اضبط نفسي واتمالكها وقت الزعل ليه سنين ماتغيرت ودي اغير من نفسي ماقدرت
يارب هدي سري واشرح صدري وسخرني لابنائي وسخرهم لنا يارب
مدام حره @mdam_hrh
محررة برونزية
يلزم عليك تسجيل الدخول أولًا لكتابة تعليق.
مدام حره
•
رمينيا22 :
انت مثلي بخوفك على عيالك انا عندي ولد واحد والباقي بنات من جد اخاف عليه وخوفي عليه يخليني مااسيطر على نفسي وقت الغضب فيك كثير تشبهني ونفس موقفك تعرضت له مع ولدي امن اخذ السياره لي رجعه لموضوعك بكمل رديانت مثلي بخوفك على عيالك انا عندي ولد واحد والباقي بنات من جد اخاف عليه وخوفي عليه يخليني...
بانتظارك حبيبتي
مدام حره
•
لا يمكنك مشاهدة هذا التعليق لانتهاكه شروط الاستخدام.
شكرا لك ريحتيني بكلامك بس أحس الكتمه الزايده تولد الإنفجار وربي يستر من هاليوم
لا يمكنك مشاهدة هذا التعليق لانتهاكه شروط الاستخدام.
اتوقع بحالتها مزودة العيار
الصفحة الأخيرة
انا عندي ولد واحد والباقي بنات
من جد اخاف عليه
وخوفي عليه يخليني مااسيطر على نفسي
وقت الغضب
فيك كثير تشبهني
ونفس موقفك تعرضت له مع ولدي امن اخذ السياره
لي رجعه لموضوعك بكمل ردي