الله يرزقكم من حيث لاتحتسبوون ويوسع عليكم يارب ويفرج كربك وكروب المسلمين اجمعين

دام عيبه فقره فاحمدي ربك

الرجال يحبك وشوفي فكر يبيع جواله عشان يجيب لك جوال في اكثر من كذا دلال ؟

ومسكين الغنى والفقر مو بيده بيد رب العالم وقال لك وش اسوي

انتي زوجته وقفي معاه

الزواج مو جيب لي وحط لي لا الزواج وقفات وتضحيه

كم وحده تزوجت فقير ووقفت معه لين ربك فرجها ومانسى لها وقدرها بعدين

بعدين لو تطلقتي فكرتي وشلون بترجعين لبيت اهلك بولدك وهم اصلا حالتهم الماديه عادية؟

حاولي تساعدين رجلك باي شي تعلمي مثلا الحياكة في في المنتدى قسم خاص بالكروشية تعلمي تسوين مفارش وغطيان والا اكسسوارات وبيعيها واكسبي تصير لك دخل
والا اذا تعرفين للبوربوينت ممكن تسوين بوربوينت بمقابل مادي

انتي فكري تساعدين مو تطلبين وبس

ياختي احمدي ربك كلنا بالهوا سواء واغلب البنات كدا ظرفهم صعبه بس ان شاء الله تتعدل مع الايام انا كانت ظروفه اسوء منكم لان زوجي عاطل وجبت بنتبن وهو عاطل والان الحمد لله يعمل بوظفيتين ومرتاحين والحمد لله وانتي احمدي ربك على زوجك مو سكير ةراعي مخدارت وسفريات والفلوس تجي و تروح

الله يفرج همك بس تصدقين انا ماحزنت عليك قد ماحزنت عل زوجك اللي يبي يبيع جواله عشان يرضيك وعل فكرة ترا الحمل يلعب بالنفسية هدي وتعوذي من الشيطان والله يرزقكم من واسع رزقه

ياعمري لاتثقلين عليه بالمصاريف وانتي قلتي لو عنده ماقصر اصبري وتحملي
لاتصيرين نكديه ومتذمرة وماعاجبك شي هذي ظروفه وش تبينه يسوي
استغفري الله ربك واشكريه كثير لان والله غيرك ماعنده ربع اللي عندك
اهم مافي الموضوع انك ترضين بقدر ربك واستشعري وجود الله وانت الله يهديك تطلبين اشياء ثانويه لاتقدم ولا تأخر في الحياة الزوجية مثل الهدايا وغيره يعني لو انه مدمن او يضربك وينكد عليك ليل ونهار او متزوج عليك او يعاكس حريم ويوفر لك الهدايا والفلوس بتكونين مبسوطة لا والله بتكونين في عذاب اكبر من اللي انتي فيه ودايما حطي الايه الكريمة هذي امام عينيك (وعسي ان تكرهوا شيئا وهو خير ا لكم وعسى ان تحبوا شيئا وهو شرا لكم )
ارضي بنصيبك من الدنيا حتى لو تطلقتي تضمنين ان اللي يجيك واحد فيه خير هذه ابتلاءت يختبر الله فيها عبادة يكفي انه يحبك ويحاول يرضيك كل ماضاقت فيك الدنيا توجهي لرب السموات والارض فوالله لن يخذلك صلي ركعتين واقرئي جزء من القران وادعي ربك اللهم لاتجعل الدنيا اكبر همي والسعادة ليست في المال هل تريدين مال ويبتليك الله بمرض لاعلاج له هل تريدين مال وانتي عاجزة هل تريدين مال وزوجك يضربك ويتزوج عليك او او او .......
وش ذنبه كل شوي تذكرينه بفقره وعجزه انه يوفر لك ابسط الاشياء مابيده شي لو بيده كان تحمل الفقر اكيد لا حتى هو يعاني ولكن لايتكلم ولا يبين صدقيني السعادة في اشياء بسيطة غير متكلفه لاتنظرين لمن تقول رحت السوق وشريت واحتفلت بذكرى زواجي وسافرت وزوجها لايحبها ولايعطيها وجه
الله مقسم الارزاق وانت بذلك اعترضتي على حكم رب العالمين ولكن ارضي بماقسمه رب العباد فالخيرة فيما اختاره الله

الله يوسعها ويفرجها عليك وصدقيني لم اقل هذا الكلام الا من واقع تجربه عشته وكنت راضيه ومبسوطة والسعادة تملا قلبي والان احمد ربي على ماانا فيه

الحمد لله والشكر لك ربي على نعمك التي لاتعد ولا تحصى