فالبدايه تمنيت اني قرأت الردود اللي قبلي بس ماتحملت...

وموضوعك استفزني وتخيلت شكل الرجال لوكان هذا اخوي والا ابوي

وعنده زوجه هذا تفكيرها وهو مايقدر يسوي لها شي!!!

اتوقع بتجيلي جلطه من الحرّّة,, الله المستعان بس

شوفي ياقلبي انتي طلبتي رأينا بصراحه

فاسمحيلي اتكلم معاك بصراحه ولاتزعلين مني واعتبريني مثل اختك...

من جد موضوعك ينرفززززززز وبقوة!!!

والله رحمت زوجك وانا مااعرفكم

اسمحيلي اقولك...

1/يوم انك تبين الطلاق ليش تزوجتيه من الآول!!!

2/لو تطلقتي مولودك اللي جاي ان شاالله وين بتعيشينه منه مدام ان اهلك ع قد حالهم

3/نفرض انك تطلقي لاقدر الله تخيلتي حياتك بعدين؟؟؟

تضمنين يجيك واحد احسن منه؟؟؟

تخيلتي انك تعيشين مع واحد معدد وكل يوم وليله من بيت لبيت؟؟؟

تضمنين انك ماتطيحين في زوج يصبحك ويمسيك ضرب وشتم؟؟

بعدين ياقلبي وش حفله ماحفلة وهدايا وخرابيط تزعلين علشان كيدا؟؟؟

الحياة مب حفلات وهدايا وطلعات وتمشيات واسواق ...

والله فيه حريم ازواجهم مطخطخين وشبعانين من الفلوس ولا عمره جاب لها هديه

تتمنى منه كلمه حلوة والا ابتسامه بس...اعوذ بالله

واضرب لك مثال ادخلي قسم الحياة الاسريه وشوفي كيف الحريم يشتكون من ازواجهم

وكم وحده تشتكي من بخل زوجها...يعني فقير وكريم اهون بألف مرة من غني وبخيييل

لوانا مكانك اتمنى اعيش مع واحد فقير ع الحلوة والمرّّة ولا اعيش محرومة مع غني وبخيييييييل!!!

اهم شي انك مرتاحه معاه وهو نفس الشي يحبك ويقدرك...

وانتي بنفسك قلتي انه مايقصر معاك فخلاص اصبري عليه الينما يفرجها ربي...

وخليك قنوعة وراضيه بنصيبك وان هذا الرجال كاتبه ربي لك...

واحمدي ربك غيرك يتمنى مثل زوجك في طيبته وتعامله واخلاقه

صحيح الفلوس ضروريه بس ماتقارنينها بالاخلاق والمعامله...

فأقولك ياقلبي خليك راضيه ومقتنعه بنصيبك ومحد بيآخذ من الدنيا شي

غير عمله الصالح...الله يرحمنا برحمته...لاتغرك المظاهر والخرابيط...كلها سعاده مؤقته

وتخيلي ان واحد من اخوانك هذي حالته مع زوجته انتي وش موقفك؟؟ووش نظرتك لزوجته؟؟؟

فياأختي الكريمه انصحك لوجه الله اصبري واصبري واصبري وفوق الصبر احمدي الله ع النعم

اللي انتي فيها...

تكفي نعمة العافيه والاستقرار وانك متزوجه وعايشه بين اهلك وناسك يارب لك الحمد

شوفي كم وحده هنا بالمنتدى تتمنى زوج او اهل او طفل...انتي بنعمه مايقدرها الا من فقدها

طيب بقولك شي هل تخيلتي في يوم من الايام انك عايشه مقعده ع كرسي متحرك لاقدر الله؟؟؟

او انك عانس او عقيم؟؟؟

ياقلبي والله انك بنعمممممممممه كبيرة غيرك يتمناها...

فالنهايه اتمنى انك تتقبلين كلامي بصدر رحب وماتزعلين مني وتأكدي اني ماتكلمت بذا الكلام

الا لمصلحتك يالحبيبة...

واتجهي لربك بالدعاء والاستغفار واشتكي له سبحانه وتعالى وتوكلي عليه وشوفي كيف تنفرج عليكم...

ربي يسعدك ويحفظك ويفتحها عليكم من اوسع ابوابه يااارب...:27:

وسلميلي ع الوالده وحبي ع راسها بالنيابه عني لانها حكيمه وشقرديه وسنعه

لان كلامها صحيح يوم قالت لك لاتخسرين الرجال...

اتركك في امان الله وحفظه...

الحمد لله ع كل حال الرسول وهو الرسول استعاذ من الفقر والله اني حاسه فيك اختي بس الأمل بالله كبير والحياه مستحيل تستمر ع سير واحد
وتذكرني ان الصبر بعده فرج وهذا وعد من الله

احمدي ربك على النعمة الي انتي فيها

وحطي ببالك شئ واحد القناعه كنز لا يفنى

ولا تناظرين غيرك والشئ الي ما تقدرين تشترينه لا تناظرينه

اصبري وحاولي تحسنين وضعك بس لا تضيقين صدرك ولا صدر زوجك

تدرين ان وضعك احسن من وضعي وضع كثيرات من الحريم
انا تزوجة زوجي كان يشتغل بمحل متواضع جدآ احذيه
وصاحب المحل خسر وسرحو زوجي
وجلس بدون شغل والمشكله اخلاقه وش اقولك خليني
ساكته مر ومرار وضيقه وحاجه لكن صبرت وتحملت ومستحيل احمله فوق طاقته
حملت ولد ت بهذي الظروف حتى نفاس ما اقدر اتنفس مايقدر يشتري حاجه
ولما توظف براتب مايكفي حتى سداد الفاتوره واكل بطونا
او حتى مقاضي الأطفال و زاد عددنا وهذا حنا ليومك صابرين وعلى نفس الحال اللهم لا اعتراض
حليب او حتى حفاظات وربي يعلم بحالنا اذا خلصت احس بيضيقه مايعلم فيها الا رب العباد
هذا رزق من رب العالمين الله يرزقنا ويدوم علينا الصحه والعافيه اهم شيء
احمدي ربك ان هو يداريك ويشتري خاطرك غيرك فقر وغثى ومو ملاقيه حتى ذرة احترام
كوني عون وسند ولاتكونين هم وغم ونكد ..
الله يرزقنا ..

الله يرزقنا وياك من واسع فضلة ترى الحال من بعضة وانا اختك مايعلم بالحال الا الله اذا كنتي سعودية وعمرك فوق العشرين سجلي في حافز