يارب مابي اكون حاسده

السلام عليكم
وربي اكتب لكم وخانقتني العبره
مابي اكون حاسده مابي
والله شعور غصب عني ومتعبني كثير
انا بنهاية العشرين
كل بنات اقاربي وصديقاتي تقريبا تزوج
بنات
لما اشوف حياتهم بالسناب سفراتهم
طلعاتهم
مطاعم كافيهات مع ازواجهم
وربي اتضايق اقول انا وش ناقصني
ليه انا موب مثلهم
وربي اذا شفت قريبه او صديقه
كان حدها بالسفر جده ومكه
وصارت ماتعرف الا لندن وجنوب افريقيا
والمالديف وشرق اسيا اموت قهر
شي مو بيديني
شي غصب عني انا نفسي مابي اصير كذا
بس اقول انا ايش ناقصني عن فلانه
اللي عايشه اخس من عيشتي صارت
ماتتنازل الا بدوله اوربيه
وش ناقصني عنها عشان اكون عند اهلي
لاروحه ولا جيه
وربي اللي زادها علي امي
كل ماشافت صديقاني او اقاربي تزوجو
لازم لازم ترميني بكم كلمه
لازم تحسسني بالنقص
وكان الشي بيديني
لازم تكش علي وتقول مثل حظك فلانه وعلانه
ياطايحة الحظ
انا وش ذنبي وش الشي اللي سويته
بحياتي عشان ربي معاقبني كذا
استغفر الله ماعليش والله فيض من اللي جواي
تصدقون يابنات اكون مبسوطه
فجاه اشوف سناب او انستقرام احد
من صديقاتي وتوها مسافره او شي ماكانت تحلم
فيه وتقفل الدنيا بوجهي واتضايق
واقول بنفسي ليه انا مو مثلها
ليه ربي ماعطاني مثلها
هي ربي معطيها ع الاقل اهل محترمينها
هي ربي معطيها شهاده جامعيه
انا لا اهل ولا شهاده ولا حتى زوج
اروح للحرام يعني
والله ثم والله ان المغريات والبرامج تغري
واحيانا يوسوس فيني ابليس انتي اتسلى
دام حياتي فاضيه واجرب واعيش
لاكن استغفر الله باخر لحظات اقول مو ناقصه
هم بعد زياده ع اللي فيني
انا مابي هاللي فيني ماعرف ليه اتضايق
اذا شفتهم عايشين حياتهم
اللي اعرف اني اتمنى مثلهم