يارب يارب يارب ترزق كل من تدخل موضوعي من حيث لاتحتسب

السلام عليكم ورحمة الله وبركاته

بدخل بالموضوع على طول لاني والله متظايقة جدا وقلت ماعندي بعد الله سبحانه وتعالى الا بنات حواء ..

يا خواتي يشهد الله اني ما كتبت هالموضوع الا من حسرة بقلبي مشكلتي مع امي صعبة صعبة حيييييييل

التعامل معها صعب اذا كلمت بالتلفون قامت تتسمع وتقول وش قلت حتى لو اني اكلم اخواتي ع فكرة تراني كبيرة ماني صغيرة عمري 29 سنه والبيت كله علي يعنى مسؤلة عن كل شيء بس امي الله يهديها تحب تعرف كل شيء

وبعد فيه صفة شينه وهي الغيبة والله اني ماحب اغاتب احد ولااتكلم في فلانه ولاعلانه .. ودايم اقولها فكينا من طاري الناس واذا قلت كذا تزعل وتعصب علي واحيانا تدعي علي والله انا مو ناقصة تدعي علي بعد يكفيني الظغوط اللي عايشته وربي متحمله شيء ماتشيلة جبال وفوق هذا كل حبسة في البيت ولو بغيت اروح لصيدقاتي تسوي سالفة ومشكلة مع ناس معروفين ومحترمين وطلعاتي مو كثيرة بالسنه حسنه اصلا اغلبهم متزوجات وبرى الديرة
هي فيها غيرة من كل شيء حتى لو اجلس مع بنات اخوي تزعل علي وتسوي لي سالفة وش كبرها
وربي احاول ابرها واشتري لها اللي يرضيها ترضى علي شوي وتزعل علي ايام دايم دايم دايم تهاوشني ماحس انها امي ابوي متوفي الله يرحمه ويسكنه الجنه ..

يعني ماعندي الا هي يوم اشوف خالتي وحريم خوالي وتعاملهم مع بناتهم يضيق صدري على امي لية ماتعاملني كذا لية ؟؟؟

مع انه والله الكل يحسدها ان عندها مثلي فوق كل هالشقاء وصابرة ومتحملة بس والله اخاف من دعاها ...

لاحول ولاقوة الا بالله

يارب يارب يارب صبرني ويسر لي امري وجميع المسلمين

سامحوني كلامي ملخبط شوي بس شسوي ضاقت فيني الدنيا ياليت تفهمون الموضوع وتقول لي وش السواة لاني تعبت والله ..