جزاك الله خير والاخوات ماقصروا وفوا وكفوا اسأل الله ان يصلح فساد قلوبنا وان يلهمنا ذكره وشكره على كل حال

وعليكم السلام يالغاليه بشريني عنك والله اني دايم ادعيلك ودعيت لك اليوم وانا صايمه وفرحت مره لما دخلت الموضوع ولقيته لك اسأل الله ان يفرج همك ويجمعك بزوجك ويكتب لك مافيه الخير سبحان الله انا مثلك ودي اتصدق كل يوم لو بالقليل بس مو دايم تسمح الظروف بس زي ماقالوا الاخوات اجمعيها في حصاله او حطي معك فكه في شنطتك اعطي منه عمال النظافه اللي في الشارع او العاملات اللي في السوق او المستوصفات او اي محتاج تقابلينه والله يعطيك ع قد نيتك ولاتنسين صلاة الضحى فهي صدقه عن اعضاء الجسم

البنات ماقصروا كفوا واوفوا

انا عن نفسي ، حارس العمارة اعطيه من اكلنا البيت و كل بعد يومين اناديه اعطيه خمسة او عشرة ريالات ، و اشتري له ملابس لاطفاله يرسلها لهم في بلده ، و كمان اعرف و حدة ارملة ما لها احد في السعودية ، ارسل لها اكل و العاب لاطفالها بعد كل شهر يعني الصدقات طرقها كثيرة ،، لو بقايا اكلك بس يكون نظيف تعطيه لزوجك يلاقي حجة ( حرمة افريقية ) يعطيها اياه ، لو شفتي عمال يشتغلو ، اعطي للحارس او السواق او زوجك فلوس يشتري لهم موية او اي مشروب فيها اجر كبير ،، اشتري سبح او سجادات وزعيها في الحرم او اي مكان ، كتاب حصن المسلم في منها لغات كثيرة اشتري لغة الاندونيسية والفلبينة و الاردو وزعيها على اللي نفس جنسياتهم من خدم و عمال راح تكسبي اجر كبير ،،

شوفي ياقلبي.....

انتي اعزمي من داخلك على انك بحول الله راح تسوي هالشيء وانه سبب اولي لمرضات الله عز وجل وقربه تتقربين له بها

وثانيا ان في تصدقك كل يوم راح تتفرج همومك وغمومك وتنحل امورك وتسعدي في حياتك.

بعدها ياروحي راح تعرفي اهمية الامر عندك وفي نفسك وقولي لنفسك دايم بترداد( مانقصت صدقة من مال بل تزده،بل تزده)

وكل يوم تقومي قولي توكلت على الله.......وفكري وش صدقتك اليوم فيه......فيوم حطيها مال واليوم الثاني سقيا طير وحيوان

واليوم اللي بعده حطي اكل للقطة الي بالبيت، واللي بعده اسقي زرع واللي بعده سوي طبخة ولو بسيطة وعطي جارتك او

قريبتك، وبعدها وزعي حلاو على اطفال، وتقدري تشتركي عن طريق جوالك في خدمة كفالة الايتام و غسيل الكلى وينسحب

من رصيدك يوميا حاجة بسيطة جدا.و.............و,,,,,,,,,,,وهكذا ياروحي كل يوم ترسمي لنفسك خطوة ثابته.

وان حاول ابليس تعجيزك، فلا تنسي ان ترددي دائما قول( اللهم اني اعوذ بك من نزغات الشياطين واعوذ بك ربي ان يحضرون)

واسال الله ان يجعل لك جبال من الحسنات ويرفع لك القدر وان يقوي عزيمتك في الخير ياغاليتي.