ياريت كل ام عندها طفل في الروضة او كان بالروضة قريب و يروح بباصات اذا ممكن ؟؟؟؟ ضرورو

السلام عليكم ورحمة الله و بركاته
كيفكم يا امهات و كيف اولادكم واستعداداتكم للمدارس
انا السنة دي سجلت ولدي روضة في مدرسة حديقة الاطفال في جدة و معروفة المدرسة جدا و سمعتها كمان ممتازة
المهم ما اطول عليكم سجلته روضة تاني و سجلته في الباص بس اياب لانه ابوه في الصباح يوديه و في الظهر مافي احد يرجعه
المهم انا متخوفه من موضوع الباص مااعرف كيف يكون اخاف ولدي يركب باص غير باصه و ماادري بيكون معاهم مرافقة في الباص و لالا
والله قلبي يوجعني و عاملي ارق بسبب الموضوع دا
انا لما كنت صغيرة في الروضة و التمهيدي كنت في باص بس مااتذكر و لا شئ
ياريت اي ام عندها تجربة تطمني
والله شايلة هم اول اسبوع له في الروضة شكلي مابانم بعد مايروح وحاتصل كتير اتطمن عليه في المدرسة؟
ايش رايكم اخد رقم معلمة الصف المسؤولة عنه عشان قلبي يرتاح ؟
عارفة دوشتكم باسئلتي بس اعذروني قلب الام

ياريت كل ام تكتبلي تجربتها اللي بأمر بيها داحين؟ وكيف اتطمنت؟