يازوجة الأخ لا تهدمين الأسرة

انا لا أتكلم عن زوجة الأخ التي ظلمتها حمولتها هذي انتهينا منها مظلومة الله ينصرها ........

أنا علي من زوجة الأخ الحساسة الغيور اللي تدقق على كل شيء لو كان بريء واللي تعالج نقص نفسها أمام أخوات زوجها إذا كانوا أفضل منها بسبهم وتعييرهم ونشر كلام لا يليق عنهم سواء متزوات أو عازبات وكل ما خلت مع زوجها بدت تزن على راسه وتبكي بدموع التماسيح وتعيرهم وتفسر مواقفهم البريئة ولو سووا فيها معروف فسرته إنه مقصود شر

إذا كنت تشعرين أنك أقل منهم وعليك نقص عالجيه مع زوجك يلبسون أحسن حاولي تزينين أمورك وتلسبن أحسن

يطبخون أحسن حاولي تتعلمين الطبخ

أو لا تسوين من هذا شيء يكفي أن تعتذري بظروفك . أو تتوظفين.


لكن أبشرك ترى الإخوان دم ولحم واحد ونسب واحد مهما تفرقوا يبي يرجعون وأنت الغيور الحسود بنت الناس كلمة ترجعك لأهلك جيتيهم وهم على قلب واحد وفرقيتيهم وشتتي أمرهم وأحزنتي قلبهم واستخدمتي معاهم سلاح ربوه هم وهو ـأخوهم اللي هو زوجك

وموب بس كذا انتظري البلاء في أسرتك واسمعي قصص اللي فرقت بين زوجها وأخته لأنها موظفة وتهدي عليها هدايا وكل ما أهدت قالت له أختك تتقصدني بالإهانة تهدي علي عشاني عاطله وانت فقير
كانت هي وأخوها مثل العسل واللحين شابوا وعيالهم تزوجوا وهم ما يتقابلون

والثانية تهاوشت مع أخت زوجها وقالت للناس مريضة فلانة مريضه .... ايش مريضه ؟ وش مرضها ؟ كذا مبهمه والبنت راح عمرها والناس مصدقه


الثانية من دخلت بنتها عمر (22) وهي تدور لها خاطب وترقص في كل عرس وقلقانه عليها والبنت خايفه من حوبة أمها مع أنها صغيره لكنها خافت من الكاس تشرب منه . وتنتظر اش يبي يطلعون الناس في بنتها



لا تستعجلين العقوبة تراها تجي ببطء وأحيانا تجيك في شيب وضعف