حسبي الله على اي زوجة اخ حسوده وخبيثه والله ثنتين من حريم اخواني خوات شافو العز والطيبه ببيتنا وهم يقربون لنا من جهة  ابوي كبرت روسهم ابوي دلعهم بزياده وعطاهم اكبر من حجمهم  كانت امي تطبخ وتشتغل بالمطبخ وهما كل وحده بغرفتها ماغير يجو ياكلو بكل قوة عين كانو ساكنين عندنا بنفس الشقه وامي تعبنا واحنا نقولها تشد عليهم او عالاقل تكلم اخواني بس ماش تقول كلمتهم ويطنشو مايستحون صرنا ندعي لامي ربي يكفيها شرهم 
ودارت الايام وكل اللي يسووه 
بامي صار بامهم اخوانهم اتزوجو وصار عناد بين السلايف وصارت الام هي اللي تشتغل وتطبخ سبحان الله الدنيا دواره ويمكرون ويمكر الله والله خير الماكرين 

الله يصلح ويهدي كل زوجة اخ دخلت على أسرة زوجها
بشر وحسد وغيره 

يا أخوات أنا ما تكلمت عن أخت الزوج هذي شيء ثاني واسمحوا لي ولا تهيجون الزوجة الحسودة الحساسة من كل موقف أكثر أما الأخت قليل أشوف أخت غياره وغالبا الأخت الغيارة أخوانها يرحمونها وينتصرون لزوجاتهم منها

الزوجة تأخذ الأخ وتستقل به وتبعده بسبب غيرتها وحساسيتها

لكن زوجة الأخ فنانة في تفريق الأسرة إذا كانت حسودة وغياره وهم معاملينها بطيب

تخيلوا الأسرة اللي ربوا في بيت واحد بسبب غيرة الزوجة تستخدم أخوهم سلاح

أن تتفرق زوج وزوجته جريمة بس كل واحد منهم ممكن يعيد التجربة مرة أخرى ويتزوج

لكن أن تفرق بين اللحم والدم والأخوان اللي ربوا من الطفوله لدرجة إنهم تشيب روسهم وهم ما تقابلوا

تفرقة الزوجين حتى وإن كانت جريمة بس تفرقه أبديه ما بينهم رحم ولا نسب

بس تفرقه النسب مؤلمة مؤلمة مؤلة

فيه وحده من قرايبنا عمرها 50 وأخوها 58 يحاول يرجع المياه لمجاريها ، وهم متفارقين وعمرها 35 وكل ما تصالحوا رجعت زوجته تزن على عيالها على عمتهم وهو رافض يطلق أم عياله مع أنها سبب المشاكل أصلا .
أنا زوجات خواني طيبات ويردون طيب أمي معاهم بحسن الخلق والتربية


لكني أتأمل في أوضاع الناس حولي زوجة الأخ دايم أشد غيرة من أخت الزوج تتوتر من خوات زوجها باللي يستاهل واللي ما يستاهل

أخت الزوج ممكن تؤذي زوجة أخوها بس قليل يصدقها وغالب الأزواج يقفون مع زوجاتهم شئنا أم أبينا

لكن لما تكون المؤذية زوجة الأخ الرجال يرحمها خاصه إذا كان يحبها ويصير يكره أخته وأمه


أعيد وأكرر ما أتكلم عن زوجات الإخوان اللي ظالمينها حمولتها وترد لهم ظلمهم

أتكلم عن الطيبين اللي تجي وهم سمن على عسل وتنكد عليهم بسبب حساسيتها وغيرتها وتبعد أخوهم عنهم .



يا بنات هذا رأيي فأرجوا ما ترجمون تجاربكم الشخصية عليّ اللي طيبه مع أهل زوجها وخواته سيئات أنا لا أعنيك أنت مظلومة .

 احس زوجة الاخ هي الي تنظلم اكثر من خوات زوجها 
انا ماتكلم عن موضوعك بس  الاغلب زوجة الاخ تحاااول قد ماتقدر تكسب خوات زوجها وتجاملهن تبي تريح راسها وتعيش مع اخووهن بسلااام لكن عااد وش تسوي اذا مافااد معهم الطيب توريهم الجاانب الاخرر 

حياك الله بالفعل وهذي مظلومة لكن أن تكون خوات الزوج أكثر أذى والله ما أدري أحس العكس روحي قسم الحياة الاجتماعية شوفي البننات كيف يشتكون من أخوهم وتغيره بعد الزواج وكثرة لومهم على زوجته ليش وما ليش وكيف يسجاملون زوجة أخوهم عشانه

والله يهدي الجميع


الله لا يجيب اليوم اللي أفكر أزور أخوي في بيته وما أقدر من زوجته :(

الله لا يجيب اليوم اللي أبي أعايد أخوي وأفرح عياله بالعيد ما أقدر بسبب خوفي من زعل أمهم ...


والله يا بنات فيه زوجات أخوان لما زوجها يمزح مع أخته أو يهديها تقوم الدنيا وتقول وأنا! تحس أخته ضره

انا زوجات أخوي محترمات ولا يغارون مع أن فيهم 2 مو مظفات وخواتي موظفات من زمان ورواتبهم عاليه ولما أختي تهدي على زوجة أخوي تقبلها وممكن ترد عليها بشيء أبسط أو تعتذر

ومع ذلك أنا أتلطف مع زوجات أخوي خوفا على أخوي يجي يوم تتضايق مني ويقطعني أخوي

يارب لا تفرقني ولا أخواني ولا يفرقكم من إخوانكم ياااارب