ياغريب كن اديب

:06:مدري وش اقول متضايقه بقوه احس اني غريبه ببيت اهل زوجي ليش اني ساكنه معهم وببيت اهلي يحسسوني انهم متضايقين وربي احس نفسي غريبه لامن اهل ولا من اهل زوج تعبانه حييييل ومقهوره طبعا انا عندي غرفتين وتكرمون حمام ببيت زوجي ولاني ماخذه راحتي لابنوم ولا اكل ولا شي حتى بطلعاتي محسوبه وان طبخت حاسبوني بالاكل يقولون خلصته وربي صرت مااطبخ بكمل سنه بس هم مارحموني يوم طبخت ولا ارحموني يوم تركت لهم الم
طبخ وان نمت حاسبوني بكل شي محاسبه والله حتى بتربيت بنتي مجننيني مايحتاج حاطين عقلها بعقلهم وهي 4سنوات وهم بالثلاثين وفوق صرت مااحب جمعاتهم علشان مايقولون ان بنتي خربت بزارينهم والله ماصرت احب اروح لاحد وان رحت بيت اهلي ماشاء الله على خواتي والله مايتحملوني اجي والله تغيرو كثير عن اول اللحين ان جيتهم دخلو الغرفه وقفلو الباب وجلسو يسولفون مع بعض وانا اجلس مع امي وان جلست معهم يحشون بخلق الله اذا قلت لهم وش علينا منهم قالو تدافعين لهم ماترضين كلش ولا هم والله مااحب اتكلم على بنات عمي احس انهم اكثر من خواتي اسراري معهم ان قلت سر لوحده من خواتي فضحتني وبنات عمي والله مايقولون احب اطلع معهم بس مو على الكيف لانه كل واحد وظروفه ولاني من النوع اللي يتصل على الناس باستمرار لاني مااحب اغثهم والله ان طلعت مع خواتي بالمجمع مايبغون يتموشون معاااي والله يحز بنفسي مع انهم في اشياء كثيره من تصرفاتهم ماتعجبني بس اسكت مااحب ازعلهم وغير كذا دايما يطلعوني غلطانه لو انا صح والله اذا عطاني زوجي المصروف ورحت بيت اهلي احب افرح غيري اكثر من اني افرح نفسي اشتري واسوي وهم والله يستهبلون فيني اذا عندهم مصروف يتحسفون مااقولهم شي بس اذا شرو شي يقطون كلام علي كانهم يصرفون علي والله انه حتى وانا تعبانه وامي ماترضى على بناتها والله حتى اخواني مايحترموني كل كلمه يقطونها اكبر من الثانيه وربي حتى يتفلون علي لانه خواتي اللي هم اكبر منهم يسوون كذا والله اني اتهاوش معهم اذا طولو لسانهم بس يوم شفت امي راضيه تعبت نفسيتي وان سكت قامو يقطون كلام يعني لا اهل ولازوج ولا اهل زوجي اتهاوش معه والسبه اني ابي اطلع من البيت وهو مو مقتنع يقول بيت اهلي احسن لااهل زوج واهل يسمعوني كلام وزوجي ليته يحس لاني مااحب اشتكيله عن اهلي علشان مايسترخصهم بس هم يبينون لي والله احس اني غريبه حتى ببيت اهلي مدري انا صدق غلطانه او هم وربي احس اني متضايقه ولاني اقدر اتكلم عند احد بس كتبت لكم لانكم اخوتي يمكن تنصحوني ان كنت غلطانه