أختلف معكن أخواتي الغاليات

بصراحة لا بد من التعاون أو على الأقل عرض المساعدة على صاحبة البيت ,
خاصة في حال عدم وجود خادمة , لأن صاحبة البيت تكون أصلا قد استنفذت طاقتها في ترتيب البيت وتجهيز الطعام وغسل أكوام من المواعين , ومن اللباقة أن تمد الضيفة يد المساعدة خاصة لو كانت قريبة أو صديقة لها , فيد واحدة لا تصفق , وإن كانت كل الأعباء ملقاة على المضيفة فكيف تجد الوقت لمجاملة ضيوفها والجلوس معهم !!! هل واجبها فقط تقديم الطعام ؟

وليس كوني ضيفة ومدعوة أن أترك المضيفة تخدمني وتتولى أمر أطفالي وآخذ على خاطري لو امتعضت من الفوضى !!! المسألة مسألة ذوق , فكما أنا حريصة على مساعدة غيري وأحب أن أكون ضيفة خفيفة بالمقابل أحب أن يشعر الآخرون بي ويقدروا تعبي

هذا رأيي وأعتذر إن كان مخالفا لكن

تحياتي وتقديري

أنا مع سكارلت المسأله ذوق صحيح أنا أحب أسوي شغلي بنفسي لدرجة أني أذا جت خادمه تساعدني بالساعه يدي مع يدها حتى هي تستغرب تقول أجلسي يامدام..

لكن من كثر التعب وعندك ضيوف تفرحين لما حد يجاملك حتى لو ماساعدوك بس مجرد التقدير حلوو ويقدرون وقفتك طول اليوم أكيد قبلها بيوم تشتغلين ومهما ساعدوك أكيد بترجعين تنظيفين بعد مايروحون لانه مو بس المواعين اللي يبلها نظافه حتى المجالس والحمامات وانتم بكرامه والأغراض اللي تتكدس بالمطبخ بعد العزيمه..
وأخيرا أكرر أني أحب شغلي وأحلف مايساعدوني عشان ماتعبهم لان بعد مايرحون أمسك البيت مكان مكان وأنظفه برواقه وأرتااااااااح والحمدلله كل من يجي عندي يقدرني وأنا أذا رحت ما أقصر من باب الذوووق..

عقب رد الواثقه ما فيه كلام

كلش كوم و البزارين لا قاموا يحوسون كوم ثاني !!!


تدرين..مرة رحت عند وحدة...و كان فيه وحدة جايبة عربية ولدها و حاطتها جوا المجلس..تخيلي !!
و إلا الثانية جت بنتها و جابت حلى القهوة و كان على شكل كور مغلفة بكاكاو بودرة و تمسك لك حبة و تبدأ تبقع في الموكيت !!!


بالله..وحدة عندها ادنى ذرة ذوق تشوف بنتها و إلا ولدها يسوي كذا و تسكت !!

أنا الحمد لله...صديقاتي و إلى أهلي إذا جوني يساعدوني و انا أساعدهم إذا رحت لهم...بس وحدة ما أمون عليها ما أساعدها و لا أرضى تساعدني ....

و بالنسبة للبزارين..الأم اللي تجيب بزارينها ما أعزمها ! لأنهم صاروا يزعلون إذا قلتي لا تجيون بزارينكم !

صراحة..هنا ما عندي شغالة و لا ما يحزنون..و كلللللللل شيء من إلى انا اللي أزينه..و أنا مو مسؤولة أضفضف ورى بزارينهم..

كثير يشتكي من نفس الحاله..
والحمد لله لااهلي ولااهل زوجي يسوون كذا بالعكس يسبقوني على المطبخ
وعيالهم عادي اصرخ عليهم اذا غلطوا يعني امون عليهم
اما اذا كانت جمعة الاخوات وبحريم العيال قسموا الشغل بينكم الى مجموعات لعلهم يتزحزحون
ويفهمونها ياثقل طينة اللي يالله تشيل نفسها من الارض
وبصراحه بعضهم كأنها بهيمه ينحط الاكل قدامها وينشال والقهوه والشاي وهي ولاتحرك يدها

والله يعين اللي عندهم مثل هالنمونه .