الله يعينك يا rover
بصراحة فيه ناس مايستحون ابد .. ولو تشوفين الوحده في بيتها ماترضى عيالها يشيلون عود من الأرض

بصرااااحه رأيي من رأي سكارلت
واختلاف الرأي لايفسد للود قضيه. :)

السلام عليكم والرحمه

اشكركن اخواتي لتجاوبكن في النقاش وخاصه الواثقه من نفسها لأنها من جد واثقه في رأيها ونزلتها كم مره .


انا يوم نزلت الموضوع ماقصدت فيه الضيوف حاشا لله كيف ضيوفي يجوا لعندي وابغاهم يقوموا لاوالله ماقصدت ذلك انما قصدت الأخوات وبنات الأخوات وحريم العيال وبناتهم يعني داخل العائله فقط واللي اجتماعاتهم كثيره /

يعني الوحده تفهمها وهي طايره المساعده واجبه علينا كلنا وحتى ولو الوحده عندها شغالتها يعني الوحده تخف دمها شوي وتقديم المساعده يكفي والله ولو تقولها مجامله لك من باب الذوق لأن راعية الدار تتعب قبل مايجوا عندها في تنظيف البيت وعمل بعض الحلى او الموالح اوتجهيزد اصناف اخرى ثم لما يجوا راح تكون مشغوله في اعداد الأكل واذا راحوا راح ترتب وراهم فمتى راح ياترى تجلس معهم هي يادوبها فرغت وتبغى تجلس وتشوفهم الا هم يستعدوا للخروج وانا اقولك من واقع مو من خيال .

وانا من النوع اللي احب اقدم لأهلي وحريم اخواني كل مااقدر عليه من تنويع للحلى او العشاء او الغداء يعني يروح معظم وقتي بالمطبخ . وهذا الواجب علينا .

بس كثيرين يجلسوا ويالله حطي الأكل تحتنا وشيله بعد ولاحياء ولاشيء .
لكن يوجد شريحه من الناس ماشاء الله عليهم اول ماتدخل الوحده لبيت اختها او زوجه اخوها (اذا كانت عارفه انها ترضى تدخل مطبخها ) وتبداء في عمل القهوه معها والشاهي وتعد الفناجين وووووووتغسل المواعين وكأنها راعيه الدار فهذي والله والنعم فيها وينفرح بجيتها لأنها ماراح تظغط على احد بلعكس راح تكون عون .ويشهد الله اني في حالات كثيره اسوي هالشيء واحس ان انا صاحبة البيت واطبخ العشاء بالكامل عنهم ( تخفيف الضغط عليهم ).
بس شفت الناس اذا جو لعندي ولايحركون ساكن ابد قلت خير انا مااتهنى بزيارتي لهم وهو ولا حتى الملعقه يغسلوها فصرت اتكاسل بعض الشيء وبعض الأحيان اكتفي بمساعدتهم بغسيل الأواني مع ان قلبي ياكلني لكن وش معنى هم يرتاحوا وانا لا .

اما الأطفال وماادراك ماالاطفال وعبثهم الله يصلحهم والله لو امهاتهم يردونه كان زين بس بعض الحريم مهنا احد .

والا سألت عن اي تسوي بالأولاد لمايجوها ابد شغلي لهم كمبيوتر وخليهم يتفرجوا الين يروحوا انا للأسف ماعندي برامج لهم .
اما بالنسبه للجمعه لبيت الوالد او الوالده فصحيح يكون الشغل واجب على الجميع ولافيه احد ضيف وانا مرات اقومهم بس بعضهم يزعل ومالنا الا الصبر وسلامتكم .

ياحليلك والله انك جبتي هم كنت عايشته زمان ؟؟؟؟؟؟؟؟؟؟؟؟؟

كان اخوان زوجي متزوجين ولما يجي العيد سواء عيد رمضان او الحج كانو يخططون قبل العيد على يوم العيد

عشت 5سنوات كل عيد رمضان يقولون لزوجي من اول يوم العشاء عندك
وطبعا زوجي يجيب الذبيحه يوم العيد ويقول اطبخي

تخيلي اخوانه واصحابه رجال يجونا ويجون زوجات اخوانه لابسين ملابس العيد ومتكشخات وحاسين بالعيد اما انا من الصباح اكر بالمطبخ
5سنوات عيد رمضان ماكنت احس فيه الا لمااشوف عيالي لابسين ملابس العيد اول يوم
انا ماالبس ملابس العيد غير ثاني يوم

يجون زوجات اخوانه ورجل فوق رجل وسواليف ويلهفون ثلاجة القهوة والشاي ومافيهم وحده تقول ادخل المطبخ اسوي سلطه معا المره
ويتعشون ويعبون هالكروش وعلى طول يدقون على ازواجهم في الجوال ينزلون يروحون بيوتهم ويتعذرون ان عيالهم جاهم النوم ويسحبون حالهم وركض واقعد اغسل في المواعيم والله او قات من الساعه 2في الليل الين 6الصباح
واروح انظف المجلس وبيت الشعر وغرفة العاب عيالي واناظر الساعه الاقيها صارة 12الظهر ؟؟؟؟؟؟؟؟؟؟؟؟؟؟؟؟

واذا اليوم الثاني قلت تروحين تعيدين عليهم عشوك من اي مطعم فول علشان مايطلعون مواعين لاويغرفون في صحون بلاستيك ههههههههههههه

عيد الحج هذا غير كان ؟؟؟؟؟؟؟؟؟؟؟؟؟؟؟

كان قمة النذاله منهم ان اخوان زوجي يتركون اضاحيهم في حوشنا ويقولون لزوجي اذبحها

وعاد زوجي مسكين وفي مرررررررررررره ويحب اخوانه
يروح يجيب الذباح ويذبح الذبائح ويطلعها لي فوق ويقول ادق على اخوانه يجون ياخذون ضحاياهم ومايجون الا الظهر

كل واحد يعطي زوجي ربع اضحيته ويقول لزوجي هذا جزء من لحمنا خل زوجتك تجهزه للعشى وبالمغرب نجيب عيالنا يطبخون معها ؟؟؟؟؟؟؟؟؟؟؟؟؟؟؟؟؟؟؟

وفي الليل حريمهم مايجون الا الساعه 10ونص ؟؟؟؟؟؟؟؟؟؟؟؟؟؟؟؟؟؟؟
ويكون زوجي قال انه يبي العشى الساعه 11؟؟؟؟؟؟؟؟؟؟؟
يعني لازم اقوم اطبخ واجهز قبل مايجون لان جيتهم بتكون مثل قلتها طاقين هاك المكياج وهاك الفساتين الي مستحيل يدخلون فيها المطبخ وهاك التسريحات عدا انهم يلهونك بالسواليف ولاتقدرين تخلصين العشى ولاهم راح يساعدونك في الطباخ وزوجي رجال لو تاخر عليه الاكل ماعاد تكون له نفس واخوانه من يدخلون البيت في الحج قالو جيبو لنا مرق ؟؟؟؟؟؟؟؟؟؟

ههههههههههههههههههههههههههههههههههههههههه
ويعبون الكروش ويلهفون الحلويات وياخذون عيديات عيالهم ودقو على ازواجهم يروحون ؟؟؟

واقعدي انتي استلمي مزمار الشغل مرة ثانيه

وابو الشباب في سابع نومه
واذا رحتي عيدتي عندهم حدهم من المطعم والحلا جاهز مستحيل حتى كيك بالفرن يعملونه

لاكن من سنتين وريتك في زوجي
قلت والله عيد رمضان مايكون عندي لو تموتون استاجر استراحه ولاتحطه في استراحتنا ابدا
لانهم بيروحون ويتركون تنظيف الاستراحه علي
وفعلا قبل العيد بيوم يستاجرون استراحه للعيد

عيد الحج قلت لكل واحد في اخوان زوجي
شف اضحيتك لو اشوفها في حوشي والله اني راح افتح لها الباب وانحشها
وتوبو صارو ياخذونها من السوق للمسلخ
وعيد الحج اشترط عليهم زوجي ان اول يوم يجون يعيدون عندي واطبخ من اضحيتي وثاني يوم عند اخوه الثاني ولازم يعشينا من طباخ اضحيته وثالث يوم نفس الشئ عند الثاث

ومازالو مستحيل يغسلون معاك ملعقه وقمت انا اسوي مثلهم اتعشى واحط رجل فوق رجل
الين يقول زوجي مشينا

وزوجي مره لما شاف انهم يروحون مايغسلون معي ولا يكنسون حتى قشه
قال :والله لو تروحين عند واحد منهم وتغسلين بيالة شاي ماعاد اطلعك من البيت

عاد انا ماصدقت اضربت عن المساعده .

لاكن للامانه فيه من اصدقاء زوجي ناس زوجاتهم مره محترمات حتى لو عندها شغاله ماتكتفي لازم اهي تدخل معي المطبخ ويوم تروح بيتها ياسلااااااااااااااام البيت اخر رواقه ولا كان احد سير عليك ومعه 5او 6اطفال بجد الدنيا فيها اشكال

اذكر في بيت اهلي كنا ننبسط لما يجونا حريم اخوانا وقرايبنا

كنا نجلس للفجر كلنا في المطبخ مع الضيوف ويروحون بيوتهم وانت مبسوطه ماعندك شغل ولا هم على القلب

الله يعين اضاهر مافيه غير هالحل عامليهم مثل مايعاملونك
مستحيل انهم يقومون يشتغلون معي مافيه غير اني اعمل اضراب مثلهم .

ام المجد .. زين سويتي بصراحة حياتك قبل يرثى لها ..
صحيح الوحده حلو انها تكون قدام زوجها مرة سنعة لكن مو على حساب نفسها وراحتها ..

كل شي بحدوووووووود