المشتاقة الى الجنه :

السلام عليكم والرحمه اشكركن اخواتي لتجاوبكن في النقاش وخاصه الواثقه من نفسها لأنها من جد واثقه في رأيها ونزلتها كم مره . انا يوم نزلت الموضوع ماقصدت فيه الضيوف حاشا لله كيف ضيوفي يجوا لعندي وابغاهم يقوموا لاوالله ماقصدت ذلك انما قصدت الأخوات وبنات الأخوات وحريم العيال وبناتهم يعني داخل العائله فقط واللي اجتماعاتهم كثيره / يعني الوحده تفهمها وهي طايره المساعده واجبه علينا كلنا وحتى ولو الوحده عندها شغالتها يعني الوحده تخف دمها شوي وتقديم المساعده يكفي والله ولو تقولها مجامله لك من باب الذوق لأن راعية الدار تتعب قبل مايجوا عندها في تنظيف البيت وعمل بعض الحلى او الموالح اوتجهيزد اصناف اخرى ثم لما يجوا راح تكون مشغوله في اعداد الأكل واذا راحوا راح ترتب وراهم فمتى راح ياترى تجلس معهم هي يادوبها فرغت وتبغى تجلس وتشوفهم الا هم يستعدوا للخروج وانا اقولك من واقع مو من خيال . وانا من النوع اللي احب اقدم لأهلي وحريم اخواني كل مااقدر عليه من تنويع للحلى او العشاء او الغداء يعني يروح معظم وقتي بالمطبخ . وهذا الواجب علينا . بس كثيرين يجلسوا ويالله حطي الأكل تحتنا وشيله بعد ولاحياء ولاشيء . لكن يوجد شريحه من الناس ماشاء الله عليهم اول ماتدخل الوحده لبيت اختها او زوجه اخوها (اذا كانت عارفه انها ترضى تدخل مطبخها ) وتبداء في عمل القهوه معها والشاهي وتعد الفناجين وووووووتغسل المواعين وكأنها راعيه الدار فهذي والله والنعم فيها وينفرح بجيتها لأنها ماراح تظغط على احد بلعكس راح تكون عون .ويشهد الله اني في حالات كثيره اسوي هالشيء واحس ان انا صاحبة البيت واطبخ العشاء بالكامل عنهم ( تخفيف الضغط عليهم ). بس شفت الناس اذا جو لعندي ولايحركون ساكن ابد قلت خير انا مااتهنى بزيارتي لهم وهو ولا حتى الملعقه يغسلوها فصرت اتكاسل بعض الشيء وبعض الأحيان اكتفي بمساعدتهم بغسيل الأواني مع ان قلبي ياكلني لكن وش معنى هم يرتاحوا وانا لا . اما الأطفال وماادراك ماالاطفال وعبثهم الله يصلحهم والله لو امهاتهم يردونه كان زين بس بعض الحريم مهنا احد . والا سألت عن اي تسوي بالأولاد لمايجوها ابد شغلي لهم كمبيوتر وخليهم يتفرجوا الين يروحوا انا للأسف ماعندي برامج لهم . اما بالنسبه للجمعه لبيت الوالد او الوالده فصحيح يكون الشغل واجب على الجميع ولافيه احد ضيف وانا مرات اقومهم بس بعضهم يزعل ومالنا الا الصبر وسلامتكم .

السلام عليكم والرحمه اشكركن اخواتي لتجاوبكن في النقاش وخاصه الواثقه من نفسها لأنها من جد...