يمكن نيتها طيبة و فعلا هذا رايها بس اسلوبها دفش
دام ما عندكم مشاكل ثانية خل القارب يسير بهدوء
و ممكن تساليها ايش يناسبك و تجربيه اذا أعجبك كان بها اذا ما أعجبك خلاص خلك على اللي يعجبك بكل قناعة و ثقة

طيب ليه ماتعتبرين كلامها صح وأنها ذويقه وتعرف !!!
امكن تبغالك الأحسن وبالفعل هذا مايناسبك!!!

انا مرات أخذ شور اختي بالقصات والملابس ذوقها راقي بس افرح لما تقولي هذا مايناسبك احسها انقذتني هههههههه

يعني خذيها من الجانب الايجابي وانا اختك

ع وصفك للي شريتيه ذوقك حلو

اختك اسلوبها دفش شوي بس ترى عادي بين الخوات

ياما سبيت لبس خواتي و سبو لبسي مع اننا ذوقنا واحد

بس مافيها شي لو ماعجبني اللي عليها قلت لها ترى بايخ

ونفس الشي لا قالوا لي خواتي عادي ما ياثر بثقتي بنفسي
اهم شي انا مرتاحة نفسيا و مبسوطه و انتظر وقت و اردها لهم خخخخخخخخ

خلي روحك رياضيه و الله يعينك على دفاشة اختك تحملي تعبيرها الثقيل

ياقلبي فيه كثير من الناس اللي نعاشرهم ( 0 ) في اسلوب التعامل
وبعض الاحيان ترحمين زوجها تقولين الله يعظم اجره كيف متحملها وعيالها كيف تعاملها معهم
عموما "
يمكن فعلا ما تناسبك القصات هذي
انت فكري بكلامها مو باسلوبها ( خانها التعبير وتبيك تكونين احسن واكشخ )
ما قلتي كم طولك ؟ اذا 160 وتحت ففعلا بوزنك هذا ما يناسبك القصات الكلوش والمكسر
هذي تنفع للي وزنها اقل من الوزن العادي وتعطيهم امتلاء
بعدين الموضوع مو نلاحق الموضة سواء تناسبنا او لا
شوفي اللي يناسب جسمك والقصات والاقمشة اللي تطلع عليك ارتب واعتمديها
وغيري بس في الحركات الثانيه
مثلا تجيك بنوته جسمها كمثري نقولها ما يناسبك تلبسين زي لبس البنوته اللي جسمها تفاحي او ساعة رمليه
انت اجلسي معاها وشوفي وش رايها وخلي جلستكم رايقه
يمكن في بالها نقطه بس ما قدرت توصلها
ولو هي غايره منك كان فرحت انك تكونين اقل اناقة منها وكشخه مو تدور لك الزين حتى لو خذلها الاسلوب
اذا قالت شي
قولي ايدي على كتفك الاسبوع الجاي بنطلع اشوف ذوقك وش تشترين لي واطلعي معها وشوفي رايها
واذا رفضت قولي مو مشكلة ارسلي لي في الواتس الموديلات اللي تحسينها تناسب جسمي اشوفها
عموما انا واختي اجسامنا متشابهه ( باختلاف الطول وحده فينا اطول من الثانيه )
لما اشتري ملابس لما اصورها ما تعجبها وكلمتها في الصميم تقولي : مخيسه
ههههههههههه
بس البسها واروح تشوفني فيها تدخلني الغرفه تقيسها وغصب تلبسها تقول يالله غير في الصورة
فصارت لما اصور لها شي تقولي مقدر احكم بشوفه عليك هههههههههه
والامر عندي نفس الشي لما ترسل لي روابط لفساتين اطير عيوني لايمكن اشتريها
بس تشتريها هي وتلبسها تطلع رايقه ماشاء الله وحلوه ونفس الحركه ادخلها الغرفه واستعيرها
فكل وحده فينا مع اننا نتشابه في الجسم لها ذوقها الخاص اللي ما يتماشى مع الثانيه وقت الشراء
لكن كلها حلوه لما نلبسها
ونتبادل اللبس
واهل زوجي ينتهبون لذوقها لانه فعلا يختلف عن ذوقي ويعلقون يقولون فستانك هالمره غير
واهل زوجها نفس الشي ينتبهون ان ذوقها اختلف لما تلبس ملابسي ويعلقون هههههههه
شفتي قد ايش على اننا اخوات ونفس الجسم الا الاذواق اختلفت مع انها كلها حلوه
فحطي في بالك ايضا اختلاف الاذواق

اختك تحبك وتبي طلتك تكون انيقه اطلعي معها السوق ورجعي لبسك الجديد الكلوش واللماع كلها موضه قديمه وانتهت وتسمن يمكن هي مشكلتها ان اسلوبها حاد وتحتاج تكون الطف من كذا بس اذا مو اختها تعذرها من بيعذرها