ممكن تعملي عزومه عباره عن سمك
العزومه دي بسيطه واصنافها قليله
وكمان تكلفتها اقل بكتير من عزومه مليئه باصناف اللحوم الاخري

لو قدرتي تعزمي الناس برا البيت يبقي افضل اهو برده توفير للوقت اللي هو اغلي من اي حاجه تانيه في رمضان
وممكن كمان تعملي عزومه نظام الديش بارتي
تشتركوا انتو والعيله فيها وكل واحد عليه صنف يعمله في بيته ويجيبه معاه
يعني هتعملي اكل قليل بوقت وتكلفه اققل


والافضل بقي ما تعمليش عزومات في رمضان نهااااااااااائي
لو قدرتي تبقي بطله وربنا يباركلك في رمضان
ولو ما قدرتيش حاولي تعملي كده ولو في رمضان من كل 3 او 4 رمضانات
استعبطي يعني ههههههههههه

اعزمي كل الناس اللي ينفع تتعزم مع بعضها من غير ما يبقوا حاسين بغربه وهما قاعدين مع بعض
اعزميهم في يوم واهد
والباقي هيبقى ليه عزومه او 2 وخلصتي
ماشي الكلام؟
ماشي الكلام

طبعا اذا كنتي بتعملي مخطط لميزانبه البيت وكمان الاكل قبل كل شهر فمن باب اولي يبقي قي شهر رمضان
اعتمدي علي قاعده اساسيه وانتي بتعملي ميزانيه الاكل
صنف او 2 بالكتير +شوربه وسلطه كفاااااااااايه وما تكتريش في الكميه عشان مايترميش منك حاجه

بعد ما تخططي هتطبخي ايه في الشهر اشتري المقادير وكل اللي تقدري تحضريه وتفرزنيه في الفريزر اعمليه قبل رمضان
مش هيفضللك من اعداد الطعام الا نص ساعه او ساعه بالكتير ويكون الفطار جهز
وياسلام لو اول ماتصحي تحضري الفطار من الصبح وتقعدي تقراي قران لحد الفطار اكيد هيبقي افضل
كمان التنظيفات بتاعه العيد اعملي منها كل اللي تقدري عليه فبل رمضان لانك في العشره الاواخر اصلا مش هتكوني فاضيه