نفسي لما ندعي ربنا بشيء نقول يارب ادينا الحاجه دي****ان كان فيها خير لنا *
وان لم يكن فيها خير رضنا بقضائك واقدر لنا الخير حيث كان لان الايه بتقول
وعسي ان تكرهوا شيئا وهو خير لكم وعسي ان تحبوا شيئا وهو شر لكم والله يعلم وانتم لا تعلمون
وبعدين الدنيا دايما لاتاتي للي بيطلبها لكنها بتجري وراء اللي هي مش في دماغهم اصلا

نرجع لموضوعك ياروشي
اولا اللهم اصرف عني رزاله ابني واهديه لحد ما اخلص كتابه
قولوا اميييييييييييين

جزاك الله خيرا
ولي عودة ان شاء االه

بصي ياروشي
فعلا احيانا مصاريف الفطار والعشا بتكون مكلفه لكن ممكن تجربي حل من الحلول
بس قبل ما انسي عشان تحققي حلمك وتجيبي التوئم بطلي تاكلي لانشون وبسطرمه او تحتكي بالقطط كتير
علشان بيجيبوا مرض القطط والمرض ده بيسبب تشوهات للاجنه وسقط كمان وعلاجه متعب كتير صحيح في ناس بنخف منه في الاخر لكن مش كلهم
ربنا يعافينا كلنا
المرض ده بيسببه طفيل اسمه toxoplasma gondei
تكسوبلازما جوندياي
ودا بيعيش دوره حياته علي 3 كائنات حيه
القطط الانسان والبقروالمواشي
وبيبيض البيض بتاعه في لحمها طبعا
لكن البيض دا مش بيموت الا لما نطبخ اللحمه كويس
ودا اللي كلنا بنعمله لكن بالنسبه للانشون والبسطرمه والبلوبيف فدي بتكون اصلا مش مستويه كويس عشان كده اما بناكلها ممكن نتصاب بالمرض لو ان اللحمه دي كانت ملوثه بالمرض ده
ولكن انا اخترعت حل وسط وهو


ان انا بجيب الانشون مثلا الباكت النص كيلوا ده وبسلقه وهو مقفول كده في ميه علي النار لمده نص ساعه او اكتر عشان اموت المرض لو كان فيه وبعدين احطه في التلاجه عشان يبرد واكل منه براحتي او لو مستعجله باحمر الانشون في زيت او سمنه وبقلبه كتيير عشان ما بينشفش مني
المهم ان الحمه دي تتعرض للحراره وتستوي

وبعدين البسطرمه والجبنه الرومي دول بخربوا الميزانبيه خالص فحاولي انك ما تجيبيهومش كتير وما تحرميش نفسك برده هاتيها كل فتره
ممكن اقولك علي افكار للفطارو العشا مختلفه نوعي بينها كل شهر كلها مفيده ومغزيه وموفره كمان
"البليله المفروض ماتتقطعش من البيت
ديكلها غذا وفيتامينات ومضاده للسرطان