roshyandhany :

مروة هو جوزى وافق وقال حيدينى 100زيادة للفطار والمكوى ... وقالى فاضلى شوية واتقوليلى هات فلوس انا اولى من المكوجى وانا اولى من البواب .................... ههههههههههههههه بهدلنى والله بصى دى مشاركة بسيطة كدة عملتها بحيث ان مش كل يوم ناكل لحمة وفراخ وسعرها يبقى غالى قلت مرة تشيل مرة وبعدين انا بعد ما قسمت 225 جنيه لكل اسبوع قلت لا حخلى 200 جنيه بس كل اسبوع واجمع ال 25 جنيه فى الشهر يعنى 100 جنيه دول احطهم على جمب للزيت والرز والصلصة والملح وكدة يعنى وباقى الفلوس للحمة والفراخ والخضار والفاكهة ... حجرب بقى والله المستعان وبعد اول اسبوع حقولك الايجابيات والسلبيات فى الموضوع ........... قوليلى رايك فى النظام ده ... ده نظام للأسبوعين فقط :- ___________________________ 1- فراخ بانيه ومكرونة وسلطة وبطاطس محمرة 2- بسلة بالحمة المفرومة ورز وسلطة 3- كشرى اسكندرانى بالعدس الاصفر وبيض مسلوق ومحمر وبطاطس محمرة وسلطة 4- فاصوليا ولحمة ورز وسلطة 5- بصارة وبصل ومخلل باذنجان 6- رز معمر بالكبد والقوانص وصينية بطاطس وسلطة 7- سمك مقلى ورز صيادية وباذنجان مقلى بالصلصة وسلطة ___________________________________ 1- مكرونة بشاميل ولحمة بفتيك وسلطة 2- لوبيا باللحمة المفرومة ورز وسلطة 3- فتة عدس اصفر + شوربة عدس + طماطم بالتوم والكمون والملح والفلفل 4- بامية ولحمة ورز وسلطة 5- محشى كرنب او ورق عنب او باذنجان وسلطة 6- فراخ محمرة وملوخية ورز وفلفل مقلى بالصلصة 7- سمك بورى صينيه وجمبرى ورز صيادية وسلطة

مروة هو جوزى وافق وقال حيدينى 100زيادة للفطار والمكوى ... وقالى فاضلى شوية واتقوليلى هات فلوس انا...