يالله اختارو؟؟

مرحبا...
لقيت هالموضوع عندى كنت كاتبته من زمااااااااااااان ف أول منتدى شاركت فيه .. عموما .. بما أنى جديده بينكم .. ما يمنع انزله عندكم عشان اتعرف عليكم أكثر ونعمل حسابنا ....
مرحبا جميعا …باللى اروحاهم شرقاويه مو رياضيه خخخخخخخخ
اقول قلنا اللى عنده نية زعل يهوينا من الحين …رجاء مانبى أطفال … اوكليه ..
الا رجاء الشباب كل واحد يمحط ببطاقة الاحوال هنيه والبنات بعد يالله مالكم عذر مو صجيتوهم لين قالو بيطلعون لكم يالله طلعتو؟؟؟؟@-@ يالله كل وحده الله لا يهينا تحط لنا بطاقتها هينا واللى ما عندها بطاقة احوال ممكن نتسامح وياها ونرهن الجواز ..خخخخخخخخ
اليوم عندى لكم شى … استشرت فيه ناس قالو انه حلو .. وناس قالو انه بيسوى مشكال ف المنتدى .. وناس قالت بلاش منه .. وانا اشوف ان كل واحد ينظر للموضوع من زاويه مختلفه .. ما الومهم … الحين ابى رايكم …
الموضوع عباره عن ترشيحات راح تشمل كل أعضاء المنتدى … وراح تشمل كل الجوانب ان شالله اللى اتمنى انى ما اكون اغفلت منها شى .. واذا ما هاذا شسمه .. ( يعنى ذكرونى فيها ) … واللى ما يبى يرشح قدام البشريه ممكن على الخاص .. وممكن ما يقول اسمه … واو يقول هذا راى صديقى .. او زوجتى … او بنت الجيران … البنات ممكن تقولين هذا راى الوالد وتخلصين من الموضوع اللى تبون بس اهم شى انكم ترشحون ..
علشان نتوصل للنتايج …
بالنسبه للاختيارات ..رجاااااااء حاااااار جداااااااااا ((يسوى)) يعنى يحرق
ما تختار اكثر من اسم او اثنين قدام كل ترشيح …
وممكن ترشح حالك ف الموقع الى تشوف انك تستاهله ( عاد الله خير مو الحين ترز اسمك قدام كل الشغلات الزينه تسوي لنا فيها ملك المنتدى … ) ورجاء قلنا بدووووووووون زعل واللى بيزعل انا عن نفسى ونيابه عن الاداره العليا ف المنتدى باشوته خارج النت كلها … اذا منت قد الكلام خلاص ياخى لا تسويلنا قلق .. زعلت ورضونى وما درى شنو … اتفقنا …
يالله هاكم الترشيحات … وقلنا اللى يبى يضيف شى يمحط فيه لا يبخل علينا ..
ورجاء ياشباب وبنات لا تحرجونى ترشحونى ( اتشو ) قدام كل الشغلات الزينه … ترا انتحر من فوق قوطى بيبسى لانى باعرف انكم تلعبون على خخخخخخخخخ… يالله عاد ولا يكثر … ورونى اختياراتكم ….
(1)منهو العضو اللى تتلهف لقرأة ردوده ؟؟ (غيرى انا طبعا )
(2) مين العضو اللى يعجبك اسلوبه ؟؟ ( وكل ماقريت له شى حسدته على افكاره الجهنميه )
(3) منهو اشين اسلوب من الاعضاء ؟؟؟ ( اللى ما يعرف يرد وكل ما بغى يكحلها عماها )
(4) منهو العضو اللى يرفع ضغطك ؟؟ ( اللى تقول له يمين يقول يسار ولا قلت يسار قال ممكن أحذف اجابتين ؟؟)
(5) منهو العضو اللى يوسع صدرك ؟؟؟؟ (يعنى بالعربى تستانس عليه )
(6) منهو خفيف الدم ؟؟؟( اللى تحس انه فعلا راااايق على طول )
(7) منهو ثقيل االدم ؟؟ (لا تعليق )
(8) منهو اللى ماله حس ؟؟ ( هجده يعنى صخه .. حطنى تلقانى … مكانك سر )
(9) منهو اكثر الاعضاء ازعاج ؟؟ ( اللى لا دخل المنتدى تسمع حنته ورنته وانت ف آخر المنتدى )
(10) منهو العضو اللى ودك تطقه ؟؟ ( وترانا حاظرين اللى يامر على عجره ولا شى ثانى ..لو انى افضل اليد ) شكلى انا اللى بانطق
(11) منهو العضو اللى تحس انك تخاف منه ؟؟ ( مو تخاف يعنى بس تحسب له حساب )
(12) منهو العضو اللى تحرص على قرأة مواضيعه ؟؟ (يعنى تعجبك اطروحاته … والله حلوه اطروحاته ولا وش رايكم ؟؟)
(13) منهو العضو اللى تحس انه مملوح ؟؟ (ونصيحه لاحد يختارنى )
(14) منهو العضو اللى تحس انه شين ؟؟ ( يعنى علشان نكون ف عونه .. نتوصا فيه )
(15) اكثر الاعضاء تواجد ؟؟ ( اللى دايم تلقاه مرتز ف المنتدى )
(16) اكثر الاعضاء مشاركه وفعاليه ؟؟ ( ف كل موضوع راز له رد ولا 10 وتلقاه ف قسم المشاكل متوليهم … )
(17) منهو العضو اللى صار بينك وبينه موقف محرج ؟؟ ( وقوله لنا خخخخخخ لا مانبى تقول شى بس قول اسمه كان فيك خير )
(18) منهو العضو اللى ودك تعرف عليه أكثر ؟؟ (يالله نبى نسوى فيكم خير )
(19) منهو العضو اللى تعرفه خارج النت ؟؟؟ مايبى لها شى … يعنى اللى تورطت وتعرفت عليه خارج النت
(20) من هو العضو اللى تحس انه توأم روحك ف المنتدى ؟؟؟؟ ( مو اخوك يالدلخ ..يعنى اللى يشابه لك ف اسلوبه وافكاره )
(20) ماهو الموضوع اللى تحس انه كسر الدنيا ؟؟؟؟ ( وانك ماتقدر تنساه وموتك من الضحك )
(21) ماهو الموضوع اللى تحس انه متعوس ؟؟؟ ( ماحصل على ولا رد وشكل اقل نسبه زيارات )
واخيرا ..يالله اتمنى انكم ما تخذلونى …
وعلى فكره كنت بابدا بنفسى واختار بس ما حبيت احرقها عليكم ..خلونى اخر وحده ..( المصيبه اخاف ما يكون فيه غيرى … )
يالله علشان نسوى الفرز باسرع وقت … وزى ماقلت اللى ما يبى يشارك هينا ممكن على الخاص ويدز لى من ايميل ما اعرفه بس ابى اعرف رايكم بكل صراحه … والله ما خليت شى يالله عاد … بيضوها …
سلام