توني شحنت بطاريات اللهجة النجدية خصوصا بطارية ال(تس)....:)
............................
يوم خلصت مورين هزت فنجالها وقالت: دايمة...!!!
(قوية هذي عاد يابدورة :) )
طبعا انا كانت تسبدي حايمة من حوسة مطبخها لأن دريشة مطبخها مفتوحة على الصالة مثل شغل شقتي وأشوف ياعمري كويساتها وصحيناتها وتجيني لها هكالرحمة...
وتجيني لها رحمتن أكثر لأها مستسلمة لهالوضع مثل كل النساء في سنها هنا...
وحيدات......مع كلب او قطوة....
وتخيلت اني أفني عمري كله عشان عيالي وبناتي همن في النهاية كل الي أحصل عليه أني أنام لوحدي في سرير دافى وتجيني مصروفات ضئيلة من الدولة كل شهر ....
هذاالوضع المنظم والمرتب واللي مايضيع فيه حق أحد في الدولة وضع مؤلم....في نظري انا ...
لأن وين العاطفة والأشياء اللي موجودة في القلب مو في القانون .....
الأشياء العشوائية الي تجي بالبركة عندنا حنا المسلمين..لكنها جميلة وبسيطة وساذجة...
الدمعة اللي تنزل لما تشوفين عجوز في شتاء عمرها تصارع على عصاها عشان تعيش في الوقت الي يفترض أنها ترتاح بعد كل اللي عطته..
البسمة اللي تبذلينها لمن تشوفين وجه متجعد محاط بالشيب ويشع بالنور....
اليد اللي تمدينها عشان تحضنين هالجسد المنحني اللي أفنى نفسه في عبادة الله وطاعته....
البوسة اللي تبذلينها فوق راس أشيب مغطى بغديفة منيخل او يد متجعده ياكثر ماسبحت وهللت....
الأشياء اللي كان ودي ان مورين شافتها وعرفتها ...هي الشي الجميل اللي بدينا نفقده في ديارنا الإسلامية...
العاطفة والحب ....والإيمان...
الوصال الأسري....
طبعا الوضع هنا موب سيء ففيه تواصل اكيد وفيه روابط وفيه حب....
لكن موب بالزحمة الموجودة عندنا كمؤمنين نعرف ان امهاتنا واهالينا ربونا وكبرونا عشان يشوفون نعمة الله علينا ويذوقون نفعنا...
يالله عاد لاأقلبها موعظة....
..............
قلت لمورين ياخالة هلحين بقوم افصخ جاكيتي ماعندتس رجال اجل؟؟؟
طلعت على راسها علامات استفهام لما فصخت الشيلة وطلعت الشوشة....
طبعا ماعلقت الحق يقال بس قامت تطالعني من فوق لتحت...
يعني تقل اول مرة تشوفيني بدون حجاب.؟؟؟؟
قالت لي اثرك مزيونة يابنيتي؟؟؟
اثرها اول مرة تبخصني كذا...
عاد موب معنى انها قالت اني مزيونة معناته اني مزيونة...
لاهذي كلمه دايم يقولونها لكل الناس ....زيون أو شيون...
وسيمين أو شهبان....
كشخة ولاهراديس....
شباب أو شياب .....الكل جميل....
طبعا انا فهمتها ...يعين ليه فصختي الشيلة وطلعتي علي شهبتك ؟؟؟
قلتلها مورين انحن مانلبس السكارف الا قدام الرجال...
او آوت إن ذا أوبن....
أما قدام الحريم ليه اتحجب ...
قالت هيييييييييييييه فهمتا....
وسكتت مادري هي علجم على لسانها من جمالي مادري وش السالفة...
قلت لها طيب مورين ودي اساعدك اضف حوسة بيتس شوي ميخالف؟؟؟
قامت تصايح : نو نو يو شودنت تكرمين يابنيتي الله لايهينتس....
انا قمت غصب وحزّمت شليلي (رفعت ثوبي يعني) وشمرت عن ساعدي أبيني اغسل هالمواعين...
وانا اسوي روحي شباب وفلّة وهي شكلها منحرجة والله اني مالي داعي....
بس عاد شسوي قرما:)
يتبع.....بعد صلاة الجمعة...
بدورة الله يبارك بااصلتس والله حبيتن لهجتس هههه صرتن نجدية واختي بعد انقلبت نجدية كملي ياقلبي
امواج ياقلبي ماشاء الله اولادك حلوين الله يخليهم
امواج ياقلبي ماشاء الله اولادك حلوين الله يخليهم
الصفحة الأخيرة
هي وعي الإنسان أنه لاينتمي لأحد ولالمكان....وأن عينيه تنظران من جحر يظل حياته كله مختبئا فيه...
صدقيني نحن نصنع غربتنا بأنفسنا ...ونصنع انتماءنا للأماكن بأنفسنا...
كلام صحيح 100%:(