هذاني كتبت ردن هاذا طوله ...
وجا طويل العمر ومسحه وش تبوني اسوي يعني؟؟
واتسبديه بس....
...................................
ويوم انك ياديفيد افتتح العمارة وتسفتنا بالدرج ويأشر على هكالباب ويقول ذس از ذشقة..
...هذي لحالها بدعة منكرة ..........
شقتين في دور واحد بيبانهن متقابلة....فهمتوا؟؟لا...
شوفوا...
حطوا يديكم في وضعية الدعاء بزاوية حادة وتخيلوا ان كل يد صارت باب..
تسذا شقتنا مع شقة جارنا...
وجارنا ذا قد يكون سكيرا لاقدر الله...
او عجيزن ماتقوى تحرّك...
فاذا بغيت ادخل وهو بغى يدخل فمن منا سيصقع الآخر؟؟؟
وتسني بي اذا قعدت اهز طولي احتريه هالجار لين يدخل...
او الامنه فتح الباب وانا فتحته في نفس اللحظة همن تصاقعنا بالبيبان....
ومع ذلك 600 باوند....
وندخل لشقة المحترم ديفيد ويشير اليها بمنتهى ال ثقة....
والشقة للأمانة ماهيب شقة...وانما صندقة مفروشة بشي لونه بني ويفوح منه دخان...
اثاريه غبار يعثور كلما خطينا خطوة...
ويشير لفتحة سودا في الجدار ويقول (هذي تشمني...يعني مدخنة...تقدرون تشبونها بالشتا وتشوون عليها أبو فروة)...
ونطالع يمين ولاوش نشوف...هذا الفرن الي قلنالكم عليه..اما لثلاجة فتوفرونها انتم..
قلنا زين ...وشهي الاشيا البارزة الي تحت الفرشة؟؟؟
قال ابد...ماغير خشب الارضية متنابط من القدم...ينتصلح ينتصلح اعطيكم رقم مؤسسة سعرهم رخيص ويتكفلون لكم بكلش...
قلنا خير ان شالله...
نستخير ونرد لك خبر...
ونحط رجل وهي ذيك الفركة...
ونفرك من ديفيد وشقته....
لاعادك الله ياديفيد من راعي مكتب.....
ولاعاد شقتك من شقة....
....................................يتبع
هذا كله طرّاه ضيق الشقق الانغليزية وضيق الحياة والمعيشة....
مااستغرب الا شفت الواحد منهم طول يومه برات بيته..
حيث انه ماله مكان وسط بيته...أي والله...
المهم إني وعقب ماصوتّ لابونا ولقيتني قاعدتن لحيلتي واقوم أفرّ الباب أشوف كانه هارب من العدالة ولا لا...
ولاوالله الباب موصد من برا....مقفولن بالمفتاح....
طبعا عادة رجلي يقفل علي الباب في السعودية عشان مايطب علي الحرامي:)...
لكن هنا مايقدر لعدة أسباب..
فيه خط تلفون هذا طوله لو قفل الباب علي دقيت على 911(تسني بامريكا)
وقلت تعالوا افتحوا لي ترا رجلي صاكن علي....
(سالفة هيكتور مع روبي بذاك المسلسل المكسيكي اليخاندرو ابو ميتين وسبعين حلقة......حوّم تسبودنا ماطاع يقضي)...
ثانيا فيه باب خلفي وباب قدامي وبابن للحديقة ودرايشن توسع رجالين يعني لو قفل الباب مانيب عجزتن أهج من باب آخر...
وهذا ازين ما بالشقق البرايتنية انه كثر مداخلها ومخارجها تخلي رجلك مايحاول يفتعل مشاكل معك...
ويقول يالله الركود....
وثالثا ان الرجل هنا وده يفتك من كثر طلباتك هناك في ديرتنا (يارجلي هات كذه...ورد كذه...ولاتنسى تجيب كذه)....
فان احتجتي شي قومي طلقي رجليك وروحي للمحل اللي جنبنا عساك للحراويل...
(الحراويل هي مصطلح نجدي خاثر لم يعد يستخدم منذ زمن طويل)....
فتحت الباب واذا بالريح تناديني وتقول بدورة بدورة....
اضحكي للدنيا تضحك لتس ....
وترا ماصار شي ولاهيب اول مرتن يهج ويخليتس....
وروحي زيني دلة قهوتن ثانية وادخلي النت واكتبي قصة وصلحي صحن حلى والامنه جا من بره تفاهمي معه بطريقة ودية....
كان الوقت لحظتها يقارب على العصر...قمتا وصليتا وعينتا من الله خير...
والاني أوحي حس هالعصا الي تقول تطق تطق تطق...حول مطبخي....
والاها مورين...
يامال السيييييييييل يامورين وبيت مورين.....
وانا من قبل يجي العيد وانا واعدتن نفسي اني بسوي سلة هدايا واطلع بها على بزران الحارة واسوي قرقيعان وحقاق للانغليز وبكتب لهم نشرات عن الاسلام...
وانا ماوديت حتى صحين حلى لهالضعيفة....؟؟؟
والله مالتس حقن يابدورة....
قومي يامال القامة....والقط جاكيتي وحجابي والف اللي ينلف من شعري ...حيث انه مابه رجالن بالعمارة (اجل وشهولة تحجبين؟؟)....
واشيل دلة قهيوتي مع كاسين القهوة (القهوة تنشرب بفنجال....ولكن ماحيلة من اتى ولم تصل شحنة المعدات السعودية معه بعد؟؟؟؟)....
صرنا تسنا (عدنان الله مير يحييك ) نشرب القهوة بmug...
واقحص لمورين اخذ الدرجة بطمرتين وتعبت...
قلت في قلبي هلحين ضعيفت الله ترقى كل يوم على عصيتها هالدرجة؟
وانا ساكنتن تحت بشبابي وقوتي .....
ان جا رجلي بقوله نشد لشقتها ونخليها تنزل شقتنا ...
اجل هذي تصير؟؟؟
..................
ولما طقيت الباب ...انا احسبني بالسعودية تك تك توحيها الحرمة باخر البيت...
وتك تك....
واشوف به زرن مادري وشهو ولاادري انا ارصه ولا لاوالله يستر اما يكون زر كهرب ولازر لمبة ولازر فرن ولازر اطلاق صاروخ همن اخرب الدعوى....
قلت شوفي طقي الباب بطريقة (فيرم) بس ثلاث طقات مثل الهدي النبوي ...
تسانها فتحت بهي هي...وتسانها ماتوحي عاد نجيب لها سماعات عقب....
وطقيت اخيرا واوحي صوت مواء....تسنه حسها وهي تقول هيلللو...
قلت ايه يالله الخيرة هذي هي....
ودقيقة كاملة ونص لين جت الضعيفة تدب على عصيتها...
وتفتح الباب...
لما شافتني الحق يقال ماابتسمت لأني جايبتن لها عدة قهوة ولسان حالها يقول :
وش تبين؟؟الله لايحييتس ولايحيي ثواك؟؟
قلت ابد مسز مورين اليوم يوم الإيد إندنا وأبي تكونين هابي زي ماأنا هابي....
وجايبتن لك السأودي كهوة وسهن هلا أشان نتقهوى أنا وانتي....
ميخالف مورين؟؟؟؟
وسعت لي الطريق وهي تقول كني نازلتن عليها من السما يور ولكم.....حياتس الله وانا خالتس...
عاد يوم اني دخلت شقتها لأول مرة....
عرفت اني كنت في عالم اللي هو شقتي التحتية....وانتقلت لعالم آخر اللي هو شقة مورين....
................................يتبع ...باتسر ان شالله....والله اني ودي اني مخلصتها اليوم بس كنت مشغولة شوي ....
باتسر كود اني اخلصها...
مااستغرب الا شفت الواحد منهم طول يومه برات بيته..
حيث انه ماله مكان وسط بيته...أي والله...
المهم إني وعقب ماصوتّ لابونا ولقيتني قاعدتن لحيلتي واقوم أفرّ الباب أشوف كانه هارب من العدالة ولا لا...
ولاوالله الباب موصد من برا....مقفولن بالمفتاح....
طبعا عادة رجلي يقفل علي الباب في السعودية عشان مايطب علي الحرامي:)...
لكن هنا مايقدر لعدة أسباب..
فيه خط تلفون هذا طوله لو قفل الباب علي دقيت على 911(تسني بامريكا)
وقلت تعالوا افتحوا لي ترا رجلي صاكن علي....
(سالفة هيكتور مع روبي بذاك المسلسل المكسيكي اليخاندرو ابو ميتين وسبعين حلقة......حوّم تسبودنا ماطاع يقضي)...
ثانيا فيه باب خلفي وباب قدامي وبابن للحديقة ودرايشن توسع رجالين يعني لو قفل الباب مانيب عجزتن أهج من باب آخر...
وهذا ازين ما بالشقق البرايتنية انه كثر مداخلها ومخارجها تخلي رجلك مايحاول يفتعل مشاكل معك...
ويقول يالله الركود....
وثالثا ان الرجل هنا وده يفتك من كثر طلباتك هناك في ديرتنا (يارجلي هات كذه...ورد كذه...ولاتنسى تجيب كذه)....
فان احتجتي شي قومي طلقي رجليك وروحي للمحل اللي جنبنا عساك للحراويل...
(الحراويل هي مصطلح نجدي خاثر لم يعد يستخدم منذ زمن طويل)....
فتحت الباب واذا بالريح تناديني وتقول بدورة بدورة....
اضحكي للدنيا تضحك لتس ....
وترا ماصار شي ولاهيب اول مرتن يهج ويخليتس....
وروحي زيني دلة قهوتن ثانية وادخلي النت واكتبي قصة وصلحي صحن حلى والامنه جا من بره تفاهمي معه بطريقة ودية....
كان الوقت لحظتها يقارب على العصر...قمتا وصليتا وعينتا من الله خير...
والاني أوحي حس هالعصا الي تقول تطق تطق تطق...حول مطبخي....
والاها مورين...
يامال السيييييييييل يامورين وبيت مورين.....
وانا من قبل يجي العيد وانا واعدتن نفسي اني بسوي سلة هدايا واطلع بها على بزران الحارة واسوي قرقيعان وحقاق للانغليز وبكتب لهم نشرات عن الاسلام...
وانا ماوديت حتى صحين حلى لهالضعيفة....؟؟؟
والله مالتس حقن يابدورة....
قومي يامال القامة....والقط جاكيتي وحجابي والف اللي ينلف من شعري ...حيث انه مابه رجالن بالعمارة (اجل وشهولة تحجبين؟؟)....
واشيل دلة قهيوتي مع كاسين القهوة (القهوة تنشرب بفنجال....ولكن ماحيلة من اتى ولم تصل شحنة المعدات السعودية معه بعد؟؟؟؟)....
صرنا تسنا (عدنان الله مير يحييك ) نشرب القهوة بmug...
واقحص لمورين اخذ الدرجة بطمرتين وتعبت...
قلت في قلبي هلحين ضعيفت الله ترقى كل يوم على عصيتها هالدرجة؟
وانا ساكنتن تحت بشبابي وقوتي .....
ان جا رجلي بقوله نشد لشقتها ونخليها تنزل شقتنا ...
اجل هذي تصير؟؟؟
..................
ولما طقيت الباب ...انا احسبني بالسعودية تك تك توحيها الحرمة باخر البيت...
وتك تك....
واشوف به زرن مادري وشهو ولاادري انا ارصه ولا لاوالله يستر اما يكون زر كهرب ولازر لمبة ولازر فرن ولازر اطلاق صاروخ همن اخرب الدعوى....
قلت شوفي طقي الباب بطريقة (فيرم) بس ثلاث طقات مثل الهدي النبوي ...
تسانها فتحت بهي هي...وتسانها ماتوحي عاد نجيب لها سماعات عقب....
وطقيت اخيرا واوحي صوت مواء....تسنه حسها وهي تقول هيلللو...
قلت ايه يالله الخيرة هذي هي....
ودقيقة كاملة ونص لين جت الضعيفة تدب على عصيتها...
وتفتح الباب...
لما شافتني الحق يقال ماابتسمت لأني جايبتن لها عدة قهوة ولسان حالها يقول :
وش تبين؟؟الله لايحييتس ولايحيي ثواك؟؟
قلت ابد مسز مورين اليوم يوم الإيد إندنا وأبي تكونين هابي زي ماأنا هابي....
وجايبتن لك السأودي كهوة وسهن هلا أشان نتقهوى أنا وانتي....
ميخالف مورين؟؟؟؟
وسعت لي الطريق وهي تقول كني نازلتن عليها من السما يور ولكم.....حياتس الله وانا خالتس...
عاد يوم اني دخلت شقتها لأول مرة....
عرفت اني كنت في عالم اللي هو شقتي التحتية....وانتقلت لعالم آخر اللي هو شقة مورين....
................................يتبع ...باتسر ان شالله....والله اني ودي اني مخلصتها اليوم بس كنت مشغولة شوي ....
باتسر كود اني اخلصها...
الصفحة الأخيرة
دمك عسسسسسسسسسل واسلوبك يجننننننننننن
يلا بانتظارك وبالعافية علييييييييك
وكل عام وانتي بخير